Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Ireo Zavatra itiavako An'i Sodana Atsimo

Na eo aza ny fahantrana amin'ny maha-olombelona sy ny fahasarotam-piainana tsy maintsy sedrain'ireo Sodaney Tatsimo raha mbola mitohy hatrany ny tolona ho an'io firenena tanora indrindra eto an-tany io, naka ny Twitter mba hizaràna ny fitiavany ny fireneny amin'ny fampiasàny ny tenifototra #ThingILoveaboutSouthSudan ry zareo Sodane Tatsimo sy ny sakaizany.

Tanaty ady i Sodana Atsimo hatramin'ny 16 Desambra 2013 taorian'ny andrana fanonganam-panjakana nataon'ny filoha lefitra taloha Riek Machar.

A South Sudanese girl at independence festivities

Ankizivavy kely Sodane iray nandritry ny fetin'ny fahaleovantena. Sary ho an'ny sehatry ny daholobe – sary niandohana: an'i Jonathan Morgenstein / USAID tao amin'ny flickr

 

Ireto no zavatra tian'ny olona mikasika an'i Sodana Atsimo :

Rehefa injay lasa farihy ny toeram-piantsonan'ny fiaramanidiko “natao ho an'ny vanim-potoana rehetra” (iray amin'ireo tsara indrindra aty amin'ny faritra)

Ny tandrok'ireo ombivavin-dry zareo #ThingsILoveAboutSouthSudan ( fantatro fa tsy dia mahagaga, fa mba marina kosa tsy mampino ry zareo an ) pic.twitter.com/iYCcok7aOo

Ity zazavavy miarahaba ahy “Tratra soa ny maraina! Tratra soa ny maraina” ity, na amin'ny firy na amin'ny firy #thingsiloveaboutSouthSudan #SouthSudan pic.twitter.com/afe7rD55B3

Ombivavy manan-tandroka miendrika ‘lyre’ (zava-maneno fitendry). Hazo miravaka hodi-kazo miloko toy ny ‘koi’ (karazan-trondro mena midorehitra). Scrabble vita tamin'ny boatin'afokasoka #thingsiloveaboutSouthSudan

Ireo foko 64 #ThingsILoveAboutSouthSudan

Fitiavana havoana. Avo = Feno hatsaràna. Izay olona rehetra latsaky ny 5'10 dia atao hoe fohy daholo (isany aho)

#thingsiloveaboutsouthsudan ny iray tanàna manontolo no indray miara-mivoaka raha sanatria vaky kodiarana ianao pic.twitter.com/Q8SB70tluY

#ThingsILoveAboutSouthSudan: fifindràna trano pic.twitter.com/cQgm15GlU0

Ity ranamana ity izay mankafy ny seza ao amin'ny biraony ka dia mitaingina eo amboniny foana na handeha hiasa na hody #ThingsILoveAboutSouthSudan pic.twitter.com/PGAUDZtSyY

#thingsiloveaboutsouthsudan tolotra (café) nokarakaraina miaraka amin'ny zava-manitra, nomasahana tamin-ny afon-kitay, asiana siramamy 4 sotro fihinanana!

#ThingsIloveaboutSouthSudan ny fomba fiarahabàna – Manolotra tànana no sady mitehina kely amin'ny sorok'ilay olona arahabaina. Tokana an-tany

Fitafy nentin-drazana #ThingsILoveAboutSouthSudan ! ! ! !

#thingsiloveaboutSouthSudan : Tsy manontany izay anarako (fa aleony manome ahy iray vaovao)

#thingsiloveaboutSouthSudan : Ny vehivavy feno hatsaràna, manja, ary mahafatifaty sy matanjaka eto amin'ity planeta ity. Manakatra ny lanitra ireo vehivavin'i #SodanaAtsimo.

#ThingsIloveaboutSouthSudan Ny fianakaviana Yei misy ahy { nampiantrano ahy nandritry ny 7 taona } ny alina maro nanaovana tafo lanitra, ireo bozaka lava atopatopan'ny rivotra, vahoaka iray manana ny fahalehibeazany sy ny fahamendrehany izay mitombo hatrany hatrany

Ny lehilahy Dinka efa mandray ny fomba maoderina miala amin'ny fitondràna kavina vita amin'ny volom-borona mavokely. #thingsiloveaboutSouthSudan

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.