Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Iray Tapitrisa Yuan Ny Findramana Sipa Hiarahana Amin'ny Taombaovao Shinoa

Nalaza haingana dia haingana ny filazana an-tserasera fitadiavan'ny lehilahy Shinoa iray sipa hiaraka aminy any ambanivohitra mba hialana amin'ny fankalazana manirery ny Taombaovao Shinoa amin'ny vidiny iray tapitrisa yuan (165.200 dolara US). 

Araka ny Dahe Daily [zh] dia mivaky toy izao ny hafatra an-tseraseran'ilay lehilahy: 

本人长期各地忙项目,老妈催结婚心切,所以特诚心租女友回家过年。百万现金酬劳,本人包机接送往返深圳郑州。要求女方:25岁以内,身高168cm以上,体重50kg以内,长相甜美,个人至少本科以上学历,博士或者处女优先并额外增加10%酬劳!出发当天付20万定金,结束后付全款。

Sahirana loatra amin'ny asako aho, manery ahy hanambady i neny, izany no ikasako tsy misorona hanofa sipa ho entina any an-trano. Handoa amin'ny vidiny iray tapitrisa yuan sy hanofa voromby manokana avy eto Shenzhen ho any Zhenzhou. Fepetra: tanora vavy tsara jerena latsaky ny 25 taona, mihoatra ny 1,68 metatra sy tsy mihoatra ny 50 kilao ny lanjany. Manana ny mari-pahaizana baka farafahakeliny. Misy folo isan-jatony mihoatra raha toa ka virijiny ianao na manana mari-pahaizana PhD. 200.000 yuan no omena amin'ny andro voalohany, ary aloa ny ambiny rehefa vita ny afera.

The man attached a photo of a guy sitting in front of piles of money. (Photo from Weibo)

Nanapaingotra sarin-dehilahy mipetraka manoloana antontam-bola ilay lehilahy mitady sipa hofaina. Sary avy amin'ny Weibo

Nahazo fisoratana anarana mihoatra ny 5.000 sy fanehoan-kevitra mihoatra ny 10.000 ny filazana tamin'ny andro voalohany. Maro ny Mpiserasera no tsy talanjona amin'izany: ny sasany mieritreritra fa dokambarotra natao fotsiny io, raha misalasala amin'ny tena fikasana ao anatiny ao kosa ny hafa ary manontany tena hoe nahoana no tsy maintsy mitady sipa hofaina tahaka izao ity tovolahy mpanankarena ity. 

Na izany aza, misy vitsivitsy malahelo satria tsy tafiditra ao anatin'ny vehivavy azo fidiana.

Nifandray tamin'ilay lehilahy ny mpanangom-baovao ka novaliany fa tena izy io lahatsorany io saingy tsy mety milaza ny mombamomba azy izy. 

Na dia mbola mampisalasala aza ny fikasan'ilay lehilahy,dia tsy zava-baovao any Shina noho ny faneren'ny fianakaviana ny manofa na mindrana sipa ho entina mody mandritra ny Taombaovao Shinoa. Ao amin'ny tranonkalam-piantsenana malaza indrindra ao Shina antsoina hoe Taobao, misy ny tanora no mametraka dokambarotra mitady sipa hofaina, ary misy ny hafa izay manolotra servisy ho sipa vonjimaika.  

Raha misy ireo tanora sasantsasany manofa sipa ho famalifaliana ny fanirian'ny ray aman-dreny, ny hafa kosa miezaka ny mandositra. Vao tamin'ny fiandohan'ny herinandro lasa teo izao no nisy reny shinoa nividy pejy iray manontolo hanaovana dokambarotra ao amin'ny Chinese Melbourne Daily miangavy ny zanany lahy hody amin'ny Taombaovao. Nampatahotra ilay zanany sy nampitsoaka azy manko ny fikasan'ny reniny hanery ny zanany hatao mariazy. 

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.