- Global Voices teny Malagasy - https://mg.globalvoices.org -

Voaràra Rehefa Mety Ho Ranon-javatra Tsy Ho Entina Anaty Fiaramanidina Ao Rosia

Sokajy: Eoropa Afovoany & Atsinanana, Rosia, Lalàna, Media sy Fanoratan-gazety, Mediam-bahoaka, Politika, Tsidika, Zon'olombelona, Akon'ny RuNet
RA-96016 Russia State Transport Company, 20 June 2009, photo by  Pieter van Marion, CC 2.0. [1]

RA-96016 Orinasam-Panjakana manao fitaterana ao Rosia, 20 Jona 2009, Sary an'i
Pieter van Marion, CC 2.0.

Tohin'ireo fipoahana roa tao Volgograd talohan'ny fialantsasatry ny Taona Vaovao [lahatsoratry ny GV -teny anglisy [2]], niverina nandinika ny fepetrany ny Ministeran'ny Fitaterana ao Rosia mikasika izay azon'ireo mpandeha entina any anaty fiaramanidina. Nitovy tamin'ny an'ny Amerikana ireo fepetra tany aloha, nandraràna ny fitondrana boaty afaka mitahiry ranon-javatra maherin'ny 100ml. Mandràra ny fitondrana ny ranon-javatra rehetra, na fatra toy inona na fatra toy inona, kosa ireo fepetra vaovao. Namoaka fanambaràna ny Ministeran'ny Fitaterana ao Rosia [3] [ru] tamin'ny 8 Janoary 2014, sady mangataka ireo mpandeha mba hahatsapa izany sy hanaiky fandaminana.

Nanamarika i Ilya Varlamov, [4] mpitàna bilaogin-tsary malaza :

Это не первое ужесточение правил провоза жидкостей. С 2007 года запретили провозить на борту самолета больше 100 мл, а теперь всю жидкость, то есть нельзя провозить вообще ничего, даже зубную пасту.

Tsy vao voalohany amin'ny fanamafisana ny fepetra amin'ny fitondràna ranon-javatra io. Hatramin'ny 2007, efa noraràn-dry zareo ny fitondràna ranon-javatra maherin'ny 100ml any anaty fiaramanidina, ary ankehitriny dia ampiharina amin'izay ranon-javatra rehetra mihitsy, izany hoe tsy afaka hitondra na inona na inona ianao, na dia ‘dentifrice’ aza.

Avy eo izy nampitandrina ireo mpamakiny mba hitandrina tsara sady  nanome ny antsipirihany mikasika ireo fepetra any amin'ny seranam-piaramanidina samihafa.

Sergei Anashkevitch, bilaogera, dia nahita ilay fandraràna ho mampisavoritaka [5]:

Но я одного не могу понять – а в чем вообще проблема жидкостей на борту самолета??? Почему с этим такая истерия? Даже с объемом больше 100 мл?

Так скоро запретят провозить ремни, шнурки, наушники и т.д. Список может быть бесконечным.

Чем мешают жидкости?

Fa misy zavatra iray tsy takatro — inona no tena olana be amin'ny ranon-javatra eny anaty fiaramanidina??? inona no anton'izao saritaka ambony ambany izao e? Na izay manana fatra mihoatra ny 100ml?

Atsy ho atsy ry zareo handràra ny fehikibo, tadin-kiraro, fitaovam-pihainoana eny an-tsofina, sy ny sisa. Mety tsy hifarana ny lisitra.

Nahoana ry zareo no sahirana amin'ny ranon-javatra ?

Nihanihany i Anton Buslov :

Noho ny antony fiarovana, nanomboka ny 8 Janoary 2014, hotaterina fotsiny ao anatin'ny tsy fahatsiarovantena, mifatotra anaty fitafy manokana natao ho an'ny olona mahery setra (camisole de force) ireo mpitaingina fiaramanidina ao Rosia

Ao amin'ny bilaoginy “Echo of Moscow / Akon'i Maosko”, niaro ireo fepetra vaovao naroson'ny manampahefana i Matvei Ganapolsky [7] [ru], tamin'ny filazàna fa ilaina hisian'ny saina milamina, tsapany rehefa misidina, ny fanelingelenana aterak'ireo fepetram-piarovana. Na izany aza dia nomarihany fa misy fanalalahana sasantsasany ihany ao anatin'ilay fepetra vaovao, amin'ny fanomezan'ny manampahefana alàlana ho an'ireo fangatahana manokana sasany. Raha araka io, nanontany tena ny amin'ny dikany sy ny ilàna ireo fepetra vaovao izy, raha toa ka mbola misy azo atao ihany ny manome alàlana manokana

Моя эховская коллега просила провести ушные капли – ей разрешили, но в виде исключения. Вот так и получается, что вообще–то нельзя, но если очень попросишь, то разрешат. Но если разрешают, то значит, нарушают – это к вопросу об осмысленности принятых решений.

Ilay akàmako avy ao amin'ny “Echo” nangataka ny mba hitondra fanafody fanatete anaty sofina, dia navela, saingy toy ny hoe zavatra maningana e. Ary nefa dia fantatra fa hoe tsy azo atao ilay izy, saingy rehefa tena mitaky ianao, azo atao. Kanefa raha avelan-dry zareo ihany izy io, midika izany fa ry zareo no manitsakitsaka [ ny politika napetrany]. Mahatonga fanontaniana mikasika ny tena lanja / dikan'ny fanapahan-kevitra noraisin'ny manampahefana io.

Nampahatsiahivin'i Maxim Kononenko [8] [ru] ireo mpamaky azy fa ‘manao ankamerim-botsotra’ fotsiny ny manampahefana, ary mamafy fisalasalàna amin'ny fanamafisana hoe ilaina ny fepetra toy ireny. Notsindriany fa hoe nanao fotsiny izay hiarovana ny asa fitadiavany ireo mpandrindra ny fifamoivoizana an-habakabaka, raha toa ka misy fanafihana mpampihorohoro iray mitranga

Max Katz [9] [ru] nihevitra ilay fandraràna ho vokatry ny ahiahy lalina taorian'ireo fanapoahana baomba roa tao Volgograd. Manamafy koa i Katz fa tsy ampy hamotehana fiaramanidina raha izay ranon-javatra fotsiny amin'izao, sady nanoratra taratasy iray misokatra ho an'ny Praiminisitra Dmitri Medvedev izy hampitàna io fitarainana io.

Namoaka fanambaràna iray [10] [ru] ireo tomponandraikitra ao amin'ny seranam-pîaramanidina ao Sheremetyevo, Maosko, tamin'ny 11 Janoary 2014, nampahafantatra ny mpandeha fa azon'izy ireo atao ny mividy ranon-javatra ao amin'ireo toeram-pivarotana tsy tataovan-ketra, aorian'ny nandalovan-dry zareo ny toeram-pisavàna. Mifarana toy izao ilay fanambaràna :

Просим вас с пониманием относиться к новым правилам досмотра пассажиров сотрудниками служб авиационной безопасности.

Angatahanay ianareo mba handray tsara ireo fepetra vaovao fisavàna ny mpandeha ataon'ireo mpiasan'ny fifamoivoizana an-habakabaka

Ny fotoana no hilaza amintsika raha nisy fiantraikany na tsia ireo fepetra vaovao ireo mikasika ny fitoniana mialoha na mandritry ny Lalao Olaimpikan-dRirinina ao Sochi, hanomboka ny 7 Febroary. Hatramin'izao aloha, ny hita dia ny nanao izay hahatezitra bebe kokoa ny tontolon'ny bilaogy Rosiana manoloana ny manampahefana no hany tena nataon'ireo fepetra ireo hatreto