Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Milaza Ny Heviny Manoloana Ny “Queers” Ny Minisiteran'ny Raharaham-Bahiny Rosiana

The Russian Government's never-ending conflict with gay rights. Images mixed by Kevin Rothrock.

Ny ady tsy mety vitan'ny governemanta Rosiana amin'ny zon'ny pelaka. Sary namboarin'i Kevin Rothrock.

Tamin'ny 14 Janoary 2014, roa taona misesy izay, ny Minisiteran'ny Raharaham-Bahiny Rosiana no namoaka ny tatitra [ru] momba ny zon'olombelona ao amin'ny Vondrona Eoropeana. Izao fanapahan-kevitra izao moa dia tahaka ny valy bontana amin'ny tatitra (mitsikera matetika) ataon'ny Vondrona Eoropeana nandritra ny taona maro momba ny zon'olombelona any Rosia. Novononina tamin'ny endrika Word, amin'ny fiteny roa dia ny fiteny Rosiana sy ny “dikany tsy amin'ny fomba ofisialy” ho amin'ny fiteny anglisy, ao amin'ny tranonkalan'ny Minisitera ny tatitra nampitondraina ny lohateny hoe “Tatitra momba ny toetry ny Zon'Olombelona ao amin'ny Vondrona Eoropeana. 

Ny ankamaroan'ny tatitra dia saiky miompana amin'ny herisetran'ny polisy, fandavana handray mpitsoa-ponenana ary ny fanavakavahana ara-poko sy ara-pananahana any an-toerana any. Fa izay tena manapaka tarangana ny tsikeran'ny tandrefana amin'i Rosia eo amin'ny lalànan'ny “fampielezan-kevitra pelaka”, ny tatitra dia mitsikera ny Vondrona Eoropeana ho:

Attempts […] to enforce on other countries an alien view of homosexuality and same-sex marriages as a norm of life and some kind of a natural social phenomenon that deserves support at the state level.

Miezaka […] hampihatra amin'ny firenenkafa ny fijery avy any amin'ny tsy fanta-piaviana momba ny “homosexualité” sy ny mariazin'ny mitovy taovam-pananahana ho fenitry ny fiainana sy toy ny toe-javatra ara-piarahamonina voajanahary mendrika fanohanana any amin'ny sehatra ara-panjakana.

Nanohy ny dika amin'ny teny rosiana ary nanamarika:

Подобный подход встречает сопротивление не только в странах, придерживающихся традиционных ценностей, но и там, где всегда существовало либеральное отношение к людям с нетрадиционной ориентацией.

Fomba fijery misedra fanoherana tsy any amin'ny firenena mandala ny soatoavina nentim-paharazana ihany, fa any amin'ireo manana fihevitra malalaka (liberaly) hatramin'izay ihany koa dia amin'ireo olona tsy manana fironana nentim-paharazana

Saingy, mirafitra amin'ny fomba hafa ny dika amin'ny teny anglisin'ny tatitra.

Screenshot taken from report

Pikantsary avy amin'ny tatitra nataon'i Daniel Kennedy tamin'ny 15 Janoary 2014

Fomba fijery misedra fanoherana tsy any amin'ny firenena mandala ny soatoavina nentim-paharazana ihany, fa any amin'ireo manana fihevitra malalaka (liberaly) hatramin'izay manoloana ny queers [pelaka]. Ampy ho fampahatsiarovana izany ny fihetseha-panoherana nataon'ny ankamaroan'ny tao amin'ny fiarahamonina frantsay tamin'ny fanapahan-kevitra ho ara-dalàna ny fifanambadian'olona [mariazy] mitovy endrika fitaovam-pananahana tao amin'ny firenena

Raha nomarihana ho “tsy ofisialy” ny dikanteny, dia somary nihemotra ihany ny mpanara-baovaon'i Rosia raha mahita fa mety miafara eny amin'ny tranonkalan'ny governemanta izany ompa famelezana pelaka izany. Maneho ny heviny ny mpanoratra Oliver Bullough:

Fa maninona ny minisiteran'ny raharaham-bahiny Rosiana no mandika ny “к людям с нетрадиционной ориентацией” ho “manoloana ny queers [pelaka]”

Tahaka ny manakona ny votoatin'ny tatitra, izay ahitana fampahafantarana amin'ny antsipirihany ireo fanitsakitsahana ny zon'olombelona hita isaky firenena mpikambana ao amin'ny Vondrona Eoropeana io gafy io. Mbola tsy nilaza ny heviny manoloana ity raharaha ity moa ny minisiteran'ny raharaham-bahiny Rosiana.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.