Nankalaza ny Fetim-pirenen'i Bahrain tamin'ity Doodle (kirangodrangotra tsy nokaliana) ity ny Google. Sary: @JustJa3far

Mibitsika toriteny iray nandritra ny fivavahana isan-Jomà tao Bahrain i Manaf Al Muhandis, barhaini bilaogera, ka ao anatin'izany no ilazan'ilay mpitari-pivavahana fa fahotàna ny fankalazàna ny Fetim-Pirenena.

Hoy izy :

في خطبة الجمعة لعادل الحمد، يقول لك أن العيد الوطني حرام كحرمة الخمر. #البحرين

— Redbelt (@Redbelt) December 13, 2013

Nandritry ny toriteny tamin'ny fivavahana isan-Jomà dia niteny ilay mpitari-pivavahana, Adel Al Hamad, hoe fahotàna (haram) ny fankalazàna Fetim-pirenena – ratsy lavitra noho ny fibobohana toaka

Manampy izy :

عادل الحمد يقول أن الوطنية وهم، وما يصير تجتمع الناس على حب وطن لأن الله لا يجمع قلوب المؤمنين بالكفار على شيء واحد. #البحرين #من_صجه

— Redbelt (@Redbelt) December 13, 2013

Milaza i Adel Al Hamad fa nofinofy ny fitiavan-tanindrazana (nasionalisma) ary tsy afaka ny ho iray ny vahoaka amin'ny fandalàna ny tanindrazana satria Allah (Andriamanitra) tsy mampiray ireo mpino sy tsy mpino ho eo ambany tanjona iray tokana.

Nandritry ny toriteniny, resahan'i Al Hamad ihany koa ny fifandraisana misy eo amin'i Bahrain sy Iran. Mibitsika i Al Muhandis  hoe :

عادل الحمد يقول في “حكم العلاقة مع إيران” أنها دولة تسب الصحابة. وأن أي شخص غير سني فاقد العقل ومجنون. #البحرين

— Redbelt (@Redbelt) December 13, 2013

Miteny momba ny fepetra eo amin'ny fifandraisana amin'i Iran i Adel Al Hamad hoe io dia firenena izay manozona ireo mpanara-dia ny mpaminany Muhammed (Mahomet). Ary izay olona tsy manaraka ny sekta Silamo Sionita dia olona adala

Al Muhandis manampy hoe :

ويقولون لي ليش تصلي في النصف. ستاند أب كوميدي شو ببلاش يا ناس والله.

— Redbelt (@Redbelt) December 13, 2013

Betsaka no manontany ahy ny antony ivavahako ao amin'i (Maoske) Al Nusuf. Fampisehoana an-tsehatra maimaim-poana

Mizara ity lahatsary ity izy ao amin'ny Instagram, izay ilazan'ilay mpitari-pivavahana fa ny fandihizana sy fivelesana amponga mba hanamarihana ny Fetim-pirenena dia fahotàna.

Manamarika ny Fetim-pireneny isaky ny 16  Desambra i Bahraïn