Tamin'ity herinandro ity, nandefa [1] andian-tsaripika nosasàna tànana ary nampiasàna ny ‘albumine’ tany amin'ny taonjato faha-19 tao Japana ny Public Domain Review (PDR). Ny Albumine dia fomba fikarakaràna nampiasàna ny tapotsin'atody mba hitazonana ireo akora simikan'ny fakantsary hiraikitra amin'ny taratasy.
Ireo sary, nakarin'ny Dutch National Archieff, dia manome topimaso amin'ny fiainana tao Japana 150 taona lasa izay. Jereo ary :
Samurai miaraka aminà zanatsipika, aroloha, sabatra, lefona ary akanjo vy voarandrana. Sary ho an'ny daholobe
Vehivavy Japone telo mikolo volo, nalaina tany amin'ny manodidina ny 1880. Sary ho an'ny daholobe.
Mpanjono ambony lakana. Japana tany amin'ny 1870-1890 any ho any. Sary ho an'ny daholobe.
Vehivavy roa matory ambany lamba fitafy nohatevenina ho kidoro / bodofotsy ao anaty efitrano iray mitemitra sary, sy arendrina taratasy. Vatahazo kely no ondana. Sary ho an'ny daholobe.
Mpampita hafatra na mpiasan'ny paositra nizara taratasy noterena tery an-tendron'ny volobe nosimàhana. Japana tany amin'ny 1868-1895 tany ho any. Sary ho an'ny daholobe
Zaridaina jerena avy eny an-davarangan'ny trano iray fisotroana dite Japone . Sary ho an'ny daholobe
Mpangataka miaraka amin”ny forongony, kapoaka fitondra mangataka ary satroka marani-doha. Sary ho an'ny daholobe
Jereo ny maro amin'ireo andian-tsaripika 42 [2] nosasàna tànana sy nampiasàna albumine avy amin'ny Spaarnestad Photo an'i Felice Beato, Kusakabe Kimbei na Raimund baron von Stillfried.