Namoaka ny lisitr'ireo voasambotra i Narenji.ir, izay voafafa avy hatrany avy eo.

Satria tsy nahita mpikatroka zon'Olombelona hosamborina i Iran, nifidy ireo olona manoratra momba ny “haingo na kojakoja kely hanintonana mpanjifa” (gadgets) indray ireo mpiambina revolisionera.

Nitatitra ny tranokalam-baovao momba ny teknolojia Narenji.ir ao Kerman tamin'ny 3 Desambra 2013, fa nosamborina tampoka ny fito tamin'ireo mpanoratra sy ekipa teknika ao aminy ary tsy nisy ny vaovao ahafantarana ny toerana nitondrana azy ireo. Voafafa tao anatin'ny ora vitsivitsy tao amin'ny habaka ny lisitra misy ny anaran'ireo olona voasambotra ora fohy taorian'ny namoahana izany (jereo ny pikantsary).

Araka ny fomba nitantaran'ny GAzety Mehr ny zava-nitranga, mpikatroka an'aterineto 16 no voasambotra tao Kerman, voampanga ho nanohintohina ny fiarovam-pirenena sy miara-niasa amin'ny tambajotra vahiny, ary manome votoatim-baovao hoan'ireo habaka manohitra ny revolisiona.

Nariman Gharib manome vaovao antsika ao amin'ny Twitter fa farafahakeliny bilaogera iray no voasambotra niaraka tamin-dry zareo.

Hoy izy nisioka:

Amir Sadeghpour, a popular blogger in #Iran – arrested two days ago by Iranian revolutionary guard. #narenji #نارنجی

— Nariman Gharib (@ListenToUs) December 4, 2013

Roa andro izay, nosamborin'ny mpiandry revolisionera Iraniana i Amir Sadeghpour, bilaogera malaza ao Iran  #narenji

Manana tantara lavabe momba ny famoretana ny fahalalahana ara-nomerika ny Repoblika Islamika, saingy sokajiana ho toko (pejy) vaovao indray ny fisamborana ireo olona marobe izay manoratra momba ny “kojakoja” sy ny teknolojia. 

Natsangana ny fanentanana tamin'ny Facebook mba hanohanana ireo mpiasan'i Narenji voasambotra, ka nisioka momba ity andianà fisamborana vaovao ity ireo mpiserasera.

Ali Nemati Shahab nisioka [fa] hoe:

الان اخبار بیست شبکه‌ی خبر، اتهام بچه‌های #نارنجی رو اقدام علیه امنیت ملی و براندازی نرم اعلام کرد … هیچی نگید فقط براشون دعا کنید 🙁

— Ali Nemati Shahab (@gozareha) December 4, 2013

Voampanga ho nanao hetsika manohintohina ny fiarovam-pirenena ny mpiasan'i Narenji…Aza milaza na inona na inona , mivavaha fotsiny.

Oriana nisioka [fa] hoe:

اتهام های بچه های #نارنجی رو که می خونم نمی دونم به مسخرگیش بخندم یا گریه کنم!

— Oriana (@fallaci_sr) December 4, 2013

Mahatsikaiky ny fiampangana, tsy fantatsika na tokony hihomehy isika na tokony hitomany.

AmirHossein nisioka [fa] hoe:

#نارنجی رید با این خبر زدنش، همین خبری که زد با عنوان دستگیری الآن براشون گرون تموم میشه. -تشویش اذهان عمومی اونم نسبت به سپاه

— امیرحوسین (@amirhosseinag) December 3, 2013

Hovidian'izy ireo lafo ny lahatsoratry Narenji izay milaza fa nosamborin'ny mpiandry revolisionera izy ireo.