Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Tsy Mahatonga Any Amin'ny Famonoana Ny Fitiavana: Fanentanana Manohitra Ny Famonoana Vehivavy Ao Kolombia

Nataly Palacios es la mujer en cuyo homenaje se realiza la campaña: El amor no mata

Nataly Palacios no vehivavy nasongadina tamin'ny hetsika: Tsy Mahatonga any famonoana ny Fitiavana. Sary avy amin'i Cati Restrepo.

 

 
[Mankany amin'ny pejy miteny Espaniola avoka ny rohy rehetra, raha tsy misy ny fanamarihana hafa.]

Niteraka fahatezerana teo amin'ireo namany sy mpiara-mianatra aminy izay nanapa-kevitra hanangana ny hetsika: ‘El amor no mata’ [Tsy Mahatonga amin'ny famonoana ny Fitiavana] ny fahafatesan'i Nataly Palacios Córdoba, mpiasa ara-tsosialy 23 taona izay maty novonoin'ny sakaizany.

Maty novonoina tamin'ny 18 Aogositra 2013 i Nataly, rehefa avy nahazo diplaoma oniversite tamin'ny volana Martsa teo tao an-tanànan'i  Medellín [en] ao Kolombia.

Tamin'ny 20 Aogositra, natomboka tamin'ny fomba ofisialy tao amin'ny Facebook ny hetsika, ary nanomboka teo, andraikitra telo no nifantohan'ny pejin'ireo mpandrindra sy ireo mpanaraka:

1 . Sarintava miaraka amin'ny teny filamatra “Tsy mamono ny fitiavana”: Mandefa ny sariny miaraka amin'ny teny filamatra ao amin'ny habaka ny mpandray anjara tsirairay avy, ary anjaran'ny mpandrindra avy eo no mamoaka izany.

2 . Ny olon'ny herinandro: Nifantina sy namoaka tantaram-behivavy isan-kerinandro ireo mpandrindra.

3 . Hetsiky ny daholobe: Nandray anjara tamin'ireo hetsika manohitra ny famonoana vehivavy ireo mpanaraka ny hetsika.

Hatramin'izao, “tiako (like) maherin'ny 1400 sahady no efa voarain'ny pejy Facebook, ary sary maherin'ny 200 mitondra teny filamatra “Tsy mamono ny fitiavana” no navoaka.

Yo soy Isa y digo: El amor no mata.

“Izaho no Isa ary hoy aho hoe “Tsy mamono ny fitiavana.” Ohatra tamin'ny sary izay nalefan'ny mpandray anjara tao amin'ny Facebook. Sary avy amin'i Sara López Carmona.

Sara

Sara no anarako ary hoy aho milaza, “Tsy mamono ny fitiavana.” Sary avy amin'i Sara López Carmona nozaraina tao amin'ny Facebook.

Miaraka amin'ireo fihetsiketseham-bahoaka manokana anankiroa ihany koa ny vondrona: Plantón Movimiento Mujeres de negro [sit-in ataon'ireo Vehivavy mainty hoditra] sy ny Plantón: Mujeres, que los hombres no nos maten en nombre del amorr, [ sit-in ataon'ny vehivavy ho fanoherana ireo lehilahy mamono amin'ny anaran'ny fitiavana].

Nanambatra ny heriny miaraka amin'ny ‘International butterfly migration Fluturi (fifindramonin'ireo lolo iraim-pirenena Fluturi)’ vao haingana ihany koa ny hetsika El amor no matae, izay mikendry hanaitra ny olona amin'ny lohahevitra famonoana vehivavy.

Imagen de la jornada Fluturi realizada en el municipio de La Ceja a las afueras de la ciudad de Medellín.

Sarin'ny hetsika Fluturi natao an-tanànan-dehibe La Ceja ivelan'i Medellín. Sary avy amin'i Sara López Carmona.

Araka ny fanamarihana farany, zarainay ny tononkira izay nanjary hira faneva ho an'ireo hetsiky ny vehivavy ao Kolombia. [Nalaina avy amin'ny hira malazan'ny ankizy izay manomboka amin'ny teny hoe “vary amin-dronono” izany ary mandrisika ireo vehivavy mba ho vady mendrika sy manaja.].

“Tsy mila vary amin-dronono intsony izahay “;

“tsy mila famonoana vehivavy intsony ao amin'ity tanàna ity.

Na iza na iza namono azy ireo, na iza na iza nanolana azy ireo,,

Heloka noho ny fankahalana avokoa izany  ary tsy nisy olona mba niraharaha. “

Andro Iraisam-pirenena ho Fanafoanana ny Herisetra Mihatra Amin'ny Vehivavy [en] androany. Mandria am-piadanana Nataly.

Tsy mila fahafatesana intsony, na vehivavy iray aza.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.