Folo taona taorian'ny bemidina nataon'ny polisy tao amin'ny fivarotam-panafody Guayaquil izay nanjavonan'olona telo sy namoizan'ain'olona valo – sivily roa sy mpanafika ahiahiana enina – mbola tsy voavaha foana ity raharaha ity hatramin'izao.
Ny marainan'ny 19 Novambra 2003, mpanafika ahiahina sy polisy ao anatin'ny vondrona Grupo Especial Antidelincuencial (grupo [es] vondrona miasa ivelan'ny lalàna izay noravaina taorian'ny voina) no nifandona tao amin'ny sampan'orinasan'ny farmasia Fybeca. Nahitàna basy poleta, basimarovava ary grenady tao amin'ny toerana nitrangan'ny loza.
Nizara sary izay nivoaka manerana ny fantsom-baovao tao amin'ny firenena ilay mpianatra, Fernando Monro (@FernandoMONRO) taorian'ny tranga.
Así se encontraba la farmacia Fybeca hace 10 años #CasoFybeca pic.twitter.com/zOIjWtEhDO
— @fernandomonro (@FernandoMONRO) noviembre 19, 2013
Toy izao ny fivarotam-panafody Fybeca, folo taona lasa izay [raharaha Fybeca]
Tamin'ny volana Desambra 2003, natomboka tamin'ny fitsarana ireo polisy manampahefana 20 nandray anjara tamin'ny bemidina ny fitsarana ireo polisy. Nambara tamin'ny 27 Aprily 2004 fa tsy meloka ireo polisy noho ny tsy fisian'ny porofo ary navalona ny fitsarana azy ireo.
Valo taona eo ho eo taty aoriana, nanokatra indray ny famotorana mikasika ity loza nitranga maraina ity ny Comisión de la Verdad y Derechos Humanos de la Ficalía [es] (Vaomieran'ny Fahamarinana sy Mpanara-maso ny Zon'olombelona avy ao amin'ny Fampanoavana] tamin'ny 17 Janoary 2012 [es]. Fijoroana vavolombelona fitopolo no voaangona nandritra ny famotorana natao tamin'ireo olona nanatri-maso ny loza niseho, anisan'izany ny fianakavian'ireo niharam-boina, ireo vavolombelona nanatri-maso, ireo mpiasa sy polisy manampahefana.
Tamin'ny 14 Novambra 2013, tonga [es] tao amin'ny Lapan'ny Fitsarana ny mpampanoa lalàna Galo Chiriboga mba hametraka fitoriana ireo olona 31 [es] voarohirohy ho nahavita heloka famonoan'olona tsy nandalo fitsarana, izay mety hahazo sazy 16-25 taona an-tranomaizina. Nitatitra ny El Universo [es] fa polisy manampahefana sy mpisolovava telo no mpitsara tao amin'ny fitsarana polisy tamin'ny taona 2003. Ao anatin'ireo olona 31 voarohirohy ny iray amin'izy ireo izay solontenam-panjakana ankehitriny any amin'ny distrika.
#CasoFybeca Fiscalía formulara cargos por la presunción de grave violación de derechos humanos expresado en una ejecución extrajudicial
— FiscaliaEcuador (@FiscaliaEcuador) noviembre 14, 2013
[Raharaha Fybeca] Hametraka fitoriana ireo olona voarohirohy ho nanitsakitsaka ny zon'olombelona tamin'ny famonoan'olona tsy nandalo fitsarana ny Biraon'ny Solontenam-panjakanan'ny Distrika.
Neken’[es]’ i Jorge Blum, Mpitsara ao amin'ny Lapan'ny Fitsarana ny fitoriana napetraky ny solontenam-panjakan'ny distrika Galo Chiriboga ka notànana [es] vonjimaika ny 20 tamin'ireo 31 voarohirohy.
Nandritra izany, maro ny hafa-panohanana ireo niharam-boina sy ny fianakaviany tao amin'ny Twitter, ary koa fanehoana hafaliana marobe fa toa efa mandroso ny raharaha ankehitriny. Na dia izany aza, maro ihany koa ireo nampivoitra fa miadana ny fizotran-draharaha ary betsaka ny lalana tsy maintsy mbola hodiavina.
Eduardo Delgado (@eddepi) nisioka hoe:
Caso Fybeca: es una muestra de q en este país ya se está aplicando la Justicia, no mâs impunidad ni abuso de autoridad…
— Eduardo Delgado (@eddepi) noviembre 19, 2013
Raharaha Fybeca: Miseho amin'izao fa mihatra ny lalàna eto amin'ity firenena ity, ary tsy misy intsony ny tsimatimanota sy ny fihoaram-pahefana avy amin'ireo manampahefana…
Fanampin'izany, Segundo Veloz (@Veloz2002) nanoratra am-pahatezerana:
Quieren tapar el sol un dedo,. El caso fybeca siempre fue un verdadero asco de investigación., y lo peor que nunca los culpables se hallan.
— Segundo Veloz A. (@Veloz2002) noviembre 19, 2013
Te-hanakana masoandro amin'ny ratsa-tanana iray izy ireo [fiteny Espaniola mitovy amin'ny hoe “mamono afo amin'ny rano iray tanana”]. Famotorana mahamenatra tanteraka ny raharaha Fybeca, ary ny tena ratsy dia tsy mety hita ireo meloka.
Vivian Assange (@VivianAssange) nanavoitra hoe:
10 años desde uno de los más atroces casos de desaparición forzosa en Ecuador! 10 años del “caso Fybeca” a ese país no queremos volver!
— Vivian Assange (@VivianAssange) noviembre 19, 2013
10 taona izay no lasa taorian'ilay tranga fanjavonana an-katerena ratsy indrindra tao Ekoatera! 10 taona taorian'ny raharaha Fybeca – tsy te-hiverina ao amin'io firenena io izahay!
CarlosLucio (@CarlosFLucioR), kosa nanoratra hafatra firaisankina:
Hoy son 10 años de la masacre a sangre fría en la fybeca de la alborada.. Dios tenga en su gloria a esas personas inocentes que murieron
— CarlosLucio (@CarlosFLucioR) noviembre 20, 2013
Manamarika ny faha-10 taonan'ny vono olona am-pitoniana tao Fybeca de la Alborada [adiresy] androany. A Hotazonin'Andriamanitra ao ami'ny Voninahiny anie ireo tsy manan-tsiny namoy ny ainy.
Toy izany ihany koa i Rodolfo de la Roca [es], nanoratra hafatra fanohanana an'ireo mananotena tao amin'ny rindrin'ny Facebook-ny [es].
Es una pena lo sucedido con el CASO FYBECA esta clarito lo que paso allí … tuve la oportunidad de conocer a una de las viudas. Es una de las tantas perlas de nuestra policía.
Mahamenatra ny zava-nitranga tamin'ny RAHARAHA FYBECA, mazava amin'ny rehetra ny zava-nitranga tao … Afaka nihaona tamin'ny iray tamin'ireo mananotena aho. Izany no iray amin'ireo tranga maro fandokafan-tena fanaon'ny polisy ity.
Nitolona nandritra ny taona maro ny fianakavian'ireo niharam-boina tamin'ny voina mikasika ny raharaha farmasia Fybeca mba hahafantatra ny marina mikasika ity tranga ity. Raha ny marina, satria mitovy ny fanampin'anaran'izy ireo, ireo telo mananotena dia fantatra amin'ny hoe “ry Dolores telo (mirahavavy)” [anaram-bositra ahitana hoe “dolor” amin'ny teny espaniola, izay midika hoe fahoriana na hirifiry]. Mpitondra ny taratasin'ny farmasia no asan'ny vadin'i Dolores Briones ary namoy ny ainy tamin'io andro io izy niaraka tamin'ny vadin'i Dolores Vélez, izay tao amin'ny efitra fivarotana lamban-jaza (couches). Iray tamin'ireo olona telo nanjavona kosa ny vadin'i Dolores Guerra rehefa avy notànan'ny polisy.
Nametraka fitoriana ofisialy teny anivon'ny Comisión Interamericana de Derechos Humanos [Vaomiera ifandraisan'ny samy Amerikana hoan'ny zon'Olombelona] “ry Dolores telo (mirahavavy)” ary manao hetsika isan-taona ao ivelan'ny farmasia mba hitakiana ny rariny.
Folo taona taorian'ny loza, noho ny fitakian'ny Fampanoavana, mbola manana fanantenana ireo “ry Dolores telo mirahavavy” amin'ny fanohizana ny tolona ao amin'ny fanjakana mba hanome valiny mikasika ny zava-nitranga tamin'io andro io.
