Mpitarika ny fifampiraharahana Filipino Yeb Saño. sary avy amin'ny mpisera Flickr 350.org eo ambany fahasoan-dalana Creative Commons (CC BY-NC-SA 2.0)

Nanapa-kevitra ny tsy hihinan-kanina mandra-pahitany ny vahaolana mivaingana avy amin'ireo mpifampiraharaha ao amin'ny Vovonan'ny Firenena Mikambana Momba ny Fiovaovan'ny Toetr'Andro ao Polonina (COP19) i Yeb Saño, mpitarika ny delegasion'i Filipina ao amin'ny Firenena Mikambana. Faniriany mba hitondra “toetr'[andron]-drariny ho an'ny firenena mahantra indrindra” ity fotoana ity izay nampifandraisiny tamin'ny Tafiotra Mahery Haiyan, izay niteraka fahafatesan'olona mihoatra ny 4000 sy 4 tapitrisa voatery nifindra toerana, [noho ny] fikorontanan'ny toetr'andro.

Nanomboka tamin'ny fampiasana teny ifankafantarana #FastingForTheClimate [Mifady hanina ho amin'ny toetr'andro] i Saño hampielezany ny heviny sy ny tolony ato amin'ny aterineto:

DAY 1. #FastingForTheClimate

— Yeb Saño (@yebsano) November 11, 2013

Andro voalohany

Nisy ireo mpifampiraharaha hafa momba ny toetr'andro, tahaka an'i Pablo Solón avy any Bolivia, nikirakira ny Twitter hanohanana an'i Saño:

Only through action is posible to break the inaction of the #UNFCCC. All our support to your hunger strike @yebsano #ClimateJustice

— Pablo Solon (@pablosolon) November 11, 2013

Amin'ny alalan'ny hetsika ihany no ao handravana ny tsy fihetsehana ao amin'ny #UNFCCC. fanohanana manontolo avy aminay ho an'ny mpitokona tsy hihinan-kanina @yebsano

Nanatsonga tenin'i Mahatma Gandhi ihany koa i Saño nampifandray ny fampianaran'i (Gandhi) amin'ny fifadian-kanina ataony manokana:

“Happiness is when what you think, what you say, and what you do are in harmony.” ― Mahatma Gandhi #FastingForTheClimate

— Yeb Saño (@yebsano) November 13, 2013

“Sambatra rehefa mifanaraka izay eritreretinao, izay lazainao ary izay ataonao” – Mahatma Gandhi

Saingy nihoatra ny Twitter ny fifadian-kanina ka nahatratra ny tontolom-bilaogy. 

David Tong, mpisolovava momba ny zon'olombelona eo amin'ny sehatra iraisampirenena avy any Zealand Vaovao sady sakaiza ao amin'ny Tetisaka Mandraisa MPifampiraharaha (Adopt a Negotiator Project), nibilaogy momba ny ahiahiny amin'ny fomba fihetsiky ny governemantan'ny fireneny manoloana ny resaka fikorontanan'ny toetr'andro. Nanonona an'i Saño ihany koa izy ao amin'ny lahatsorany:

I’m ashamed of my government because they laughed when Russel Norman of the Green Party of Aotearoa New Zealand linked Typhoon Haiyan to climate change.  They laughed.  They mocked him.  They yelled “shame”.  Let me say that again: when Yeb Saño was quoted in the New Zealand Parliament, people laughed. The worst typhoon ever recorded hit last weekend.  It killed over 10,000 people. 478,000 people have been displaced. Real, human, people, with families and children and lives and loves.  Philippine lead negotiator Yeb Saño is one such real person, and he pledged to fast until a deal was done for all our futures. And my elected leaders laughed.  No one here in Warsaw is laughing.  In fact, 30 or more people are joining Yeb in his fast.

Menatra ny governemantako aho satria nihomehy ry zareo rehefa nampifandray ny Tafiotra mahery Haiyan tamin'ny fikorontanan'ny toetr'andro i Russel Norman avy ao amin'ny Antoko Maitson'i Aotearoa Zealand Vaovao. Nihomehy ry zareo. Notsiratsirain-dry zareo izy. Nihiaka ry zareo “mahamenatra”. Aleo averiko lazaina indray: Rehefa notsongaina tao amin'ny Parlemanta Zealand Vaovao i Yeb Saño dia  nihomehy ny olona. Nandravarava tamin'ny faran'ny herinandro teo ny tafiotra ratsy indrindra voarakitra. Nahafaty olona mihotra ny 10.000. 478.000 ny olona nafindra toerana. Tena nisy, olombelona, vahoaka, miaraka amin'ny fianakaviana sy ny ankizy ary aina maro sy olo-notiavina maro. Olona tena nisy ny mpitarika ny fifampiraharahana avy any Filipina antsoina hoe Yeb Saño, ary niangavy izy ny hifady hanina mandra-pahavitan'ny fifampiraharahana ho amin'ny hoavintsika rehetra. Ary dia nihomehy ireo mpitarika voafidy. Tsy nisy nihomehy ny olona teto Varsovia. Raha ny marina, 30 na nihoatra ireo olona tonga sy nifady hanina niaraka tamin'i Yeb.   

Nibilaogy momba ny Tetikasa Mandraisa Mpifampiraharaha ihany koa i Carlie Labaria, manampahaizana manokana momba ny Fampandrosoana avy any Filipina. One of her last posts dMitantara ny zavamisy amin'izao fotoana izao ao an-tanindrazany ampitahaina amin'ny fahadisoam-panantenny momba ny famahana olana amin'izao fotoana izao amoin'ny fifampiresahana momba ny toetr'andro amin'izao fotoana izao ao Polonina ny iray amin'ny bilaogy nosoratany farany:

I think about my Mom and Dad and little sister, my hometown, the people of Visayas especially Tacloban and Panay. How much more suffering do the leaders of the world need to behold before they finally realize that addressing Loss and Damage is about survival, dignity, and justice?

Mieritreritra momba ny reniko sy raiko ary ny rahavaviko kely, ny tanindrazako, ny vahoakan'i Visayas indrindra fa i Tacloban sy Panay aho. Hirifiry tahaka ny ahoana no ilaina vao ho tsapan'ny mpitondra eto amin'izao tontolo izao fa izany miresaka Fahaverezana sy Fahapotehana izany dia momba ny fiavotan-tena, fahamendrehana ary rariny?

Nandritra ny vovonana, mpanao politika an-jatony no nitady lalana – sy hahatratra fifanarahana no tena idealy – amin'ny fomba ahafahan'ny fireneny misoroka ny fiantraikan'ny fikorontanan'ny toetr'andro ho tafahoatra. Saingy samy manana ny tombontsoany manokana ny isam-pirenena, ka hiadana dia hiadana mila mandany fotoana noho izay iheverana azy matetika ny fahazoana fifanarahana.

Roa andro sisa dia ho tapitra ny fifampiresahana momba ny toetr'andro ao Polonina, ary mbola mifady hanina hatrany i Saño. Nanao fanentanana tamin'ny aterineto ihany koa izy hanerena ny governemanta handray andraikitra tokoa ao amin'ny Vovonana.

Philippine climate negotiator @YebSano delivers his 600,000 strong #Avaaz petition: https://t.co/aAKXQopzB5 #COP19 pic.twitter.com/IQOfsxUVru — Avaaz (@Avaaz) November 19, 2013

Nanolotra ny fanangona-tsonia matanjaka nahazoany sonia 600.000 tao amin'i #Avaaz ny mpandray anjaran'i Filipina momba ny toetr'andro @YebSano

Tian'i Saño ny hisian'ny “fomba fiasa vaovao eo ambany Dinan'ny Firenena Mikambana momba ny Fikorontanan'ny Toetr'Andro mamela ny firenena faran'izay mahantra mampihena ny fahaverezana mifandraika amin'ny fikorontanan'ny toetr'andro”. Nandritra ny fizotry ny raharaha tao amin'ny Firenena Mikambana, voatondro ho tompon'andraikitra lehibe amin'ny fiantraikan'ny fikorontanan'ny toetr'andro noho ny fandefasany karbona maro dia maro isan-taona, ireo firenena mandroso.

Ny vokatr'ireo fifampiresahana ireo no ho lakilen'ny fahombiazana amin'ny fifampiraharahana amin'ny vovonana manaraka, izay hotontosaina any Lima, Però, amin'ny taona 2014.