
Tariq Al Mubarak – mpanoratra Saodiana any am-ponja satria nanohana ireo vehivavy mpitondra fiara tao amin'ny fireneny. Sary: Eman Al Najfan @Saudiwoman
Nosamborina ilay mpanao gazety Saodiana sady mpampianatra ambaratonga faharoa, Tariq Al Mubarak – satria nanohana ny hetsika ho famelàna ireo vehivavy hitondra fiara ao amin'ny fitondram-panjaka.
Nanoratra ireo mpikatroka tamin'ny 26 oktobra mba hanohitra ny fandraràna familiana fiara ho an'ny vehivavy tamin'ny alalan'ny fandrisihana azy ireo hitondra fiara.
Araka ny tatitra, napetraka manerana ny arabe ao amin'ny firenena ireo polisy mpanao fisavàna mba hanara-maso fa lehilahy avokoa ireo mpitondra fiara. Nandritra ny fotoana maharitra, nahazo tsiny tamin'ny fiarahamonina sy ny media sosialy ny fandraràna ny vehivavy hamily fiara ao Arabia Saodita. Taorian'ny 26 Oktobra sy ny fanagadrana ireo vehivavy mbola nanandrana nitondra fiara, niharihary kokoa ny fanapahan-kevitry ny governemanta amin'ny fandraràna.
Niantso ny famotsorana avy hatrany sy tsy misy fepetra an'i Al Mubarak ny Reporters sans frontières, fantatra fa voatàna ao amin'ny Birao Fanaovana Famotorona Heloka Bevava i Mubarak nanomboka tamin'ny 27 Oktobra, noho ny lahatsorany izay mitsikera ny fandraràna ny vehivavy hitondra fiara ao amin'ny firenena.
Tao amin'ny Twitter, nahangona fanohanana ny teny ifankafantarana #أطلقوا_طارق_المبارك [ar], izay midika hoe “Avotsory i Tariq Al Mubarak”.
Bilaogera Saodiana Tamador Al Yami nangataka ireo mpamaky mba hanasonia fitakiana antserasera ho famotsorana azy:
A journalist & teacher was detained for supporting #women2drive https://t.co/JwG5XtQspI #FreeTariqAlmubarak #أطلقوا_طارق_المبارك
— تماضر اليامي Tamador (@TamadorAlyami) October 31, 2013
Notànana ilay mpanao gazety sady mpampianatra satria nanohana ny #women2drive (vehivavy mitondra fiara)
Hoy izy nanampy [ar]:
#أطلقوا_طارق_المبارك لا هو طلع خالف قانون ولا هو اعتصم عند الديوان ولا هو طالب بأي مصلحة شخصية! قال رأيه في شأن اجتماعي! معقول اللي بيصير!
— تماضر اليامي Tamador (@TamadorAlyami) October 31, 2013
Tsy nandika lalàna izy. Tsy nanao fihetsiketsehana teo anoloan'ny fitsaran'ny governora na nangataka tombotsoa manokana. Naneho ny heviny momba ny olana ara-tsosialy fotsiny izy. Mbola mety azo fantarina ve izay zava-nitranga?
Ebtisam nilaza hoe:
#أطلقوا_طارق_المبارك طالب بحقنا واعتقل لذلك والآن يأتي دورنا لنطالب من اجله
— євтιѕαм (@ebtisam_mi) October 31, 2013
Avotsory i Tariq Al Mubarak satria nitaky ny zonay izy ary voasambotra noho izany. Anjarany indray ny manao fitakiana ho azy.
Dr Waleed AlMajed nanamarika hoe:
#أطلقوا_طارق_المبارك الذي اعتقل في قضية قالت فيها الحكومة أنها شأن مجتمعي لا سياسي :)).
— Dr.Waleed AlMajed (@WaleedMjd) October 31, 2013
Avotsory i Tariq Al Mubarak izay nosamborina noho ny olana izay nolazain'ny governemanta fa ara-tsosialy fa tsy ara-politika.
Madeha Al Ajroush nanontany hoe:
By detaining Tariq does this mean one can't b part of a progressive way of thinking #أطلقوا_طارق_المبارك #FreeTariqAlMubarak
— madeha al ajroush (@madehaAlajrous) November 1, 2013
Midika ve ny fitànana an'i Tariq fa tsy afaka hiroso kokoa amin'ny fomba fihevitra ny olona
Abo 3asam namehy hoe:
#أطلقوا_طارق_المبارك سجون هذه البلاد مثل قضبان الرئتين تحبس «الأوكسجين» النقي وتفرج عن «ثاني أكسيد الكربون» المضر!
— أبوعسم (@abo3asam) November 1, 2013
Tahaka ny havokavoka ny fonja ao amin'ity firenena ity: Manafonja ny Rivotra madio izy ireo ary mamoaka gazy karbonika mampidi-doza.
Araka ny tatitra momba ny Fahalalahan-gazety avy amin'ny RSF, laharana faha-163 amin'ireo firenena 179 i Arabia Saodita.