Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Manambany Ilay Lehiben'ny Google Teo Aloha Tao Shina, Lee Kaifu Ny Lahatsoratry ny Antoko Shinoa

Namoaka lahatsoratra vao haingana mitondra ny lohateny hoe “Fanontaniana folo hoan'i Lee Kaifu”[zh] ny gazetibokin'ny antoko “Buildingi” ao Shina, ka ao anatin'izany no anontaniany ny lehiben'ny Google tao Shina teo taloha ny mombamomba ity olo-malaza (Lee Kaifu) ao amin'ny aterineto ity, ny mampavitrika azy, ny fanehoan-keviny ampahibemaso, ary ny heviny ara-politika.

Mitsikera ny fahadiovan'ny fitondran-tena sy ny heviny ara-politika, toy ny fiarovan'i Lee ny fahalalaham-pitenenana sy ny fanohanany ireo tanora liberaly Shinoa tahaka an'i Han Han ny lahatsoratra nosoratan'i Zhou Xiaoping, ilay milaza tena ho mpamakafaka ny harinkarena faobe. Nanontany ihany koa izy raha marary ny homamiadan'ny liofotsy (lymphome) i Lee.

Noho ny fananany mpanaraka maherin'ny 51 tapitrisa ao amin'ny Weibo, dia olo-malaza miava-piteny i Lee izay maneho hevitra amin'ireo lohahevitra maro isan-karazany ao Shina ary mifampiresaka amin'ireo tanora Shinoa. Mandrisika ny hevitra mahaleotena i Lee, izay matetika manohitra ny hasin'ny fomba amam-panao Shinoa taloha. Hoy izy nanoratra [zh] tao amin'ny Sina Weibo:

A screenshot of Lee Kaifu's Sina Weibo Page

Pikantsarin'ny pejy Sina Weibo an'i Lee Kaifu

中国人总是把“乖” 、“听话”当作一个孩子的优点。但是我希望我的孩子不要只做听话的孩子,我要他们成为讲理的孩子。听话的孩子可能只是盲从,而不见得懂道理,而且以后这样盲从的人如何进入社会。讲理的孩子因为觉得你有理而“听话”,而不是畏惧你而“听话”。那不就是更好吗?

Sokajian'ny Shinoa ho toetra tsara amin'ny ankizy ny “fankatoavana”. Saingy tiako raha manan-tsaina (mahay mandinika) ireo zanako fa tsy mankatò fotsiny ihany. Afaka manaraka an-jambany ny hafa ny ankizy mankatò, fa tsy voatery mahatakatra ny marina, ahoana no fomba hiatrehan'ireo ankizy ireo ny olana eo amin'ny fiarahamonina rehefa lehibe. Hihaino anao ireo ankizy mahay mandinika satria mihevitra izy fa manana ny marina ianao, fa tsy hoe satria matahotra anao izy ireo, tsy izany ve no tsaratsara kokoa?

Nosafidin’i Sina ho bilaogera madinika mahatarika indrindra tamin'ny fiandohan'ity taona ity i Lee. Na dia izany aza, nisy ny aloka nianjera teo amin'ny habaka Shinoa raha nanambara i Lee fa tratran'ny aretin'ny homamiadan'ny liofotsy izy tamin'ny volana Septambra 2013.

Hoy i Zhou, nanoratra ny tsikerany:

您经常说自己是传播正能量和引导青少年走向成功的心灵导师。但您所推崇的所谓年轻偶像却无一不是道德品格败坏,四处散播绝望情绪和煽动仇恨主义的极端分子。

Matetika ianao nilaza fa mampiely hery azo antoka sy manoro lalana ny tanora, kanefa manana fitondra-tena ratsy ireo tanora notarihinao, manaparitaka fihetseham-po mandiso fanantenana feno fankahalàna goavana an'i Shina.

Nalain'ny fampahalalam-baovao Shinoa izany lahatsoratra izany avy eo ary navoakany tao amin'ny Sina Weibo. Mipaka any amin'ny lahatsoratra sy fanehoan-kevitra manontany ny fitondra-tenany sy ny fahavitrihany ny fitadiavana ny anarana Shinoa an'i Lee Kaifu ao amin'ny Baidu.

Na dia notsipahin'ireo mpisera Weibo marobe aza ny tsikera, maro ireo fanehoan-kevitra mangataka fanazavana avy amin'i Lee, izay fantatra fa fanehoan-kevitra nokaramain'ny Antoko 50 Cent, fikambanana izay heverin'ny sasany fa anisan'ny mpikambana ao i Zhou.

Blogger “GK Tongrenyuye” nanoratra [zh] hoe:

我不粉李开复,但是#十问李开复#这种文章也太过了。我不相信大V们有什么阴谋或者什么秘密使命,其实是网民选择和成就了他们。你不能不承认他们贩卖的鸡汤其实都是正能量-能带来正反馈,让人越读越想要与之为伍。李开复的微博能让读者产生自身可以变强的错觉,而官煤的文章只是反复强调政府很强。

Tsy mpanaraka an'i Lee Kaifu aho, saingy tafahoatra loatra ilay “fanontaniana folo ho an'i Lee Kaifu”. Tsy mino aho fa manana diary miafina i Big Vs, raha ny marina dia ireo mpiserasera no nampiakatra azy teo amin'ny sorony. Tsy afaka mandà ianao fa manome hery azo antoka ireo fanehoan-kevitr'i Lee, izay miteraka vokatra azo antoka. Raha maro ireo olona mamaky ny lahatsoratry ny olona tahaka an'i Lee, mihamaro ihany koa ny resadresaka miseho. Manome hevitra ny mpamaky ny bilaogy madinika an'i Lee Kaifu fa afa-mampatanjaka ny olona, fa raha milaza ny fampahalalam-baovaom-panjakana kosa dia ny ny governemanta ihany no matanjaka.

Tonga hatramin'ny famoronana lahatsoratra mitovy izany izay mitondra ny lohateny hoe “Fanontaniana folo hoan'i Zhou Xiaoping”[zh] ireo bilaogera sasany, ary manontany kokoa ny antony manetsika an'i Zhou. 

Tsy novalian'i Lee mivantana tao amin'ny aterineto ilay tsikera. Tamin'ny 14 Oktobra, nilaza andinin-tsoratr'i T. H. White “The Once and Future King (Ilay Tokana sy Mpanjaka Hoavy)” izy: 

治疗悲伤最有效的方法就是去学习一些东西。当你受到打击,经历挫折,从骨子里颤抖,看到你的世界被人摧毁,体验你的荣誉被踩进下水道,发生这些事情之后,你要学的只有一件事情。学习世事为何如此变化,发生了哪些变化。这是唯一可以让心永不疲惫,永不疏离,永不后悔的事情 – T.H. White

Ny zavatra tsara indrindra raha te-halahelo dia ny mianatra zavatra. Mety hiha-antitra ianao ary hangovitra ny vatana, mety ho tafafoha ianao amin'ny alina hihaino ny fikorontanan'ny lalandrà, mety manembona ny olo-tokana maminao ianao, mety hahita tontolo momba anao ravan'ny hadalan'ny ratsy ianao, na koa mahita ny hasintsika voahitsakitsaka ao anatin'ny tatatry ny olona kely saina. Zava-tokana ihany no atao amin'izany – ny mamantatra. Fantaro hoe nahoana izao tontolo izao no mikorontana ary inona no mampikorontana azy. Izany no zava-tokana izay tsy mampandreraka ny saina mihitsy, tsy mba mahalasa adala, tsy mba mampijaly, tsy mampatahotra na mampiahiahy mihitsy, ary tsy hanofy mihitsy mba manenina .

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.