Vehivavy am-polony mahery no nandefa ny lahatsariny mitondra fiara eny an'arabe sy ireo lalambe migodana ao Arabia Saodita nialohan'ny 26 Oktobra, andro iray nomanin'izy ireo hanoherana ny fandraràna. Afaka jerena eto ireo lahatsary.

 Hatramin'ny nifidianana ny 26 Oktobra ho andro iray hiadiana amin'ny fandraràn'ny governemanta ireo vehivavy tsy hamily fiara, nandefa lahatsary mampiseho ny fiomanan'izy ireo ho amin'ilay andro ireo vehivavy Saodiana. Ireo tsy mpankasitraka, etsy an-daniny, nitady mafy ny hanamafisan'ny governemanta ilay fandraràna izay niantszo azy io hoe “fanoherana miafina” sy namaritra azy ho “fihetsiketsehana” ao anaty firenena iray izay tsy azo anaovana fihetsiketsehana mihitsy.

Fenon'ireo lahatsary sy sarin'ireo vehivavy mitondra fiara eny an-dalam-be sy ireo hafa lasa mianatra mamily fiara ny fantsona YouTube sy Instagram an'ilay fanentanana.

Nasser al-Omar, iray amin'ireo Islamista mpitondra fivavahana, mpifikitra amin'ny nentin-drazana ao an-tanàna, dia nitsikera hoe: 

هل يعلم المطالبون بقيادة المرأة أنهم يخدمون أعداء هذه البلاد بإدخالها في الفوضى ونشر الفساد، وهي أحوج ما تكون للأمن والإيمان والاستقرار!

— أ.د.ناصر العمر (@naseralomar) October 10, 2013

Azon'ireo miantso ny vehivavy hamily fiara ve fa miasa ho an'ireo fahavalom-pirenena izy ireo amin'ny alalan'ny fitondrana azy ho any amin'ny fahapotehana tanteraka sy kolikoly raha fandriam-pahalemana, fahatokisana sy fahatoniana no tena ilainy fatratra?! 

al-Omar, sy ireo mpitondra fivavahana sasany, dia nanandrana nitsidika ny “Royal Court” ny 22 Oktobra, kanefa tsy nomena fotoana izy ireo. Ao anatin'ny lahatsary iray nalaina tany ivelan'ny “royal court”, niteny i al-Omar fa ireo miantso ny vehivavy hamily fiara “dia tsy mandeha amin'ny fomba ara-drariny” (amin'ny fanondroana ilay fandraràna, raha tikony hangataka amin'ny mpanjaka hanafoana azy io)

(Androany) ny 23 Oktobra, ny Minisitry ny Atitany dia nanao fanambarana milaza hoe: 

وعطفاً على ما يثار في شبكات التواصل الاجتماعي وبعض من وسائل الإعلام من دعوات لتجمعات ومسيرات محظورة بدعوى قيادة المرأة للسيارة، وحيث إن الأنظمة المعمول بها في المملكة تمنع كل ما يخل بالسلم الاجتماعي ويفتح باب الفتنة ويستجيب لأوهام ذوي الأحلام المريضة من المغرضين والدخلاء والمتربصين، لذا فإن وزارة الداخلية لتؤكد للجميع بأن الجهات المختصة سوف تباشر تطبيق الأنظمة بحق المخالفين كافة بكل حزم وقوة

Raha jerena  ny zavtra mivezivezy any amin'ireo tranonkalan'ny media sosialy sy ireo fantsona media hafa mikasika ny fandrarana fivoriana sy fihetsiketsehana ho an'ny fitondran'ireo vehivavy fiara, mandràra izay rehetra manohitohina ny filaminam-bahoaka ireo lalàna ato amin'ny fanjakana ary miantso fakam-panahy ho an'ireo mitady hanao ratsy sy ireo manana nofinofy adala. Noho izany antony izany, manome toky ny olon-drehetra ny Minisitry ny Atitany fa hampihatra ny fanarahamaso amin'ny fomba hentitra sy henjana amin'ireo izay manitsakitsaka azy ireny ireo manam-pahefana voatokana ho amin'izany.

Ireo mpikarakara ilay fanentanana dia nanamafy foana fa tsy miantso ny olona hihetsiketsika izy ireo: 

للأشخاص الذين يروجون بأن هناك مظاهرة يوم 26 اكتوبر ، نحيطكم علما بأننا لا نكل ولا نمل من تكرار بأنه لا يوجد مظاهرات ولن تهبط عزيمتنا بتاتا.

— حملة 26 أكتوبر (@oct26driving) October 21, 2013

Ho an'ireo izay manohana ny hoe antso ho amin'ny fihetsiketsehana ny anay ny 26 Oktobra, dia te-hampahafantatra anareo izahy fa tsy sasatra ny mamerina izahay hoe tsy hisy ny fihetsiketsehana, ary tsy hampihena ny fahazotoanay izany.

48 ora alohan'ny nanonganana ny Filoha Mohamed Morsi ny bilaogera Saodianina Fouad al-Farhan dia nampitaha ny fanambaran'ny Ministeran'ny Atitany sy ny fanambaran'ny Jeneralin'ny foloalindahy Ejipsianina Abdel Fattah el-Sisi: 

#بيان_وزارة_الداخلية_حول_قيادة_المرآة يشبه بيان السيسي قبل الانقلاب اللي أعطى فيه مهلة لجميع الأطراف، كل طرف جلس يفسر البيان بأنه في صالحه

— فؤاد الفرحان (@alfarhan) October 23, 2013

Ny fanambaran'ny Ministeran'ny Atitany mikasika ny fitondran'ny vehivavy fiara dia mitovy amin'ny an'i el-Sisi izay nanome vintana ho an'ny rehetra. Ny antoko tsirairay dia samy nandray ilay fanambarana ho amin'ny tombotsoany avy.

Ny Amnesty International koa dia niantso fanasoniavana ilay fanentanana fanangonan-tsonia:

Show your solidarity with #Saudi #women‘s drive to freedom by signing the @oct26driving petition for #women2drive: http://t.co/TDoKIiKLhW

 Asehoy ny firaisankinanareo miaraka amin'ireo  #vehivavy #Saodianina mpamily fiara ho any amin'ny fahafahana amin'ny alalan'ny fanasoniavana ny fanangonan-tsonia @oct26hamily ho an'ireo “#women2drive“: http://t.co/TDoKIiKLhW

Amnesty West Gulf @amnestygulf 23 Oktobra 2013