- Global Voices teny Malagasy - https://mg.globalvoices.org -

Mpanao Gazety Shinoa Nosamborina Rehefa Avy Namoaka Raharahanà Kolikoly Tao Amin'ny Aterineto

Sokajy: Azia Atsinanana, Shina, Hafanàm-po nomerika, Mediam-bahoaka, Zon'olombelona

Nosamborina [1] [anglisy] tamin'ny fomba ofisialy ilay mpanao gazety antsoina hoe Liu Hu rehefa avy niampanga tompon'andraikitra ambony ho nanao kolikoly fito herinandro taorian'ny fanagadrana azy tamin'ny 24 Aogositra 2013. 

Nangatahan'i Liu, avy ao amin'ny gazety New Express ao Guangzhou tamin'ny 29 Jolay, , amin'ny alalan'ny kaontiny ao amin'ilay habaka malaza Sina Weibo, ny hanaovana fanadihadiana an'i Ma Zhenggi, tale lefitry ny Fitantanam-panjakana momba ny indostria sy ny varotra. Azavain'i Liu ao amin'ny lahatsorany ny antsipirihan'ny kolikoly voalaza fa nahasaringotra mpiasam-panjakana ambony efatra.

Notànana izy nanomboka hatreo satria nahiahiana ho “namorona sy nanaparitaka tsaho”, ary voafafa ny kaontiny tao amin'ny Sina Weibo nandritra ny fanagadrana azy.

Ny fisamborana an'i Liu Hu no famoretana farany niseho manoloana ireo feo mitsikera ao amin'ny media sosialy Shinoa. Nampitandremana sy nogadrain'ny polisy ireo olo-malaza ambony liberaly ao amin'ny Weibo tao anatin'zay volana vitsy lasa izay. Tamin'ny volana septambra 2013, nogadrain'ny polisy tao Beijing ilay mpiserasera malaza ao amin'ny aterineto Charles Xue [2] [anglisy] satria voarohirohy ho nandrisika fivarotan-tena.

Maro ireo mpanao gazety sy mpisolovava no mino fa tsy meloka i Liu. Nisy ireo tezitra noho ny fisamborana an'i Liu satria nafangaron'izy ireo tamin'ny mpanao gazety hafa, Luo Changping izy, izay nanao fiampangana ampahibemaso an'i Liu Tienan tahaka izany ihany koa tamin'ny taona 2012, izay tale lefitra ao amin'ny vaomiera nasionaly momba ny fampandrosoana sy ny fanovana. Noesorina tamin'ny asany ilay mpiasam-panjakana tamin'ny farany.

Liu Hu

Liu Hu, mpanao gazety nosamborina rehefa avy namoaka tranganà kolikoly tao amin'ny aterineto. Sary avy amin'ny Sina Weibo [3].

Na dia eo aza ny fahatezeram-bahoaka, nampangina ireo feo tsy manaiky tao amin'ny aterineto ny fampitahoran'ny famoretana. Novalian'ireo mpamaky mpanohana ny antoko, izay ahiahiana ho mpaneho hevitra nokaramain'ny governemanta shinoa, fantatra amin'ny anarana hoe Antoko 50 Cents [4][anglisy], ireo hafatra vitsivitsy antserasera manohana an'i Liu.

Mpanao gazety monina ao Lanzhou nanontany [5] [zh] ny anton'ny nahaverezan'i Liu ny fahalalahany: 

没有嫖娼,没有造谣,没有敲诈,没有其他不法行为,仅仅因为在微博公开了官员涉嫌贪腐,就以触犯寻衅滋事罪被抓捕,且认为取保候审有社会危险性。你们真的怕了吗?可如此处理只能算愚蠢。因为我们关注的不仅仅是刘虎的自由,我们还在关注谁让刘虎失去自由!

Tsy fivarotan-tena, tsy tsaho, tsy soloky, na zava-dratsy hafa natao, tsotra fotsiny satria ny kaonty bilaogy madinika dia mampibaribary ireo kolikoly ahiana ho nataon'ireo tompon'andraikitra ambony, ka nosamborina izy noho ny fanankorontana filaminam-bahoaka izay mety hampitera-doza ny fiarahamonina. Tena matahotra marina ve ianareo? Fantatrareo ve fa izao karazana fitondra-tena izao dia sokajiana ho hadalana. Satria tsy miahy fotsiny ny amin'ny famotsorana an'i Liu Hu izahay, fa ireo antony nahavery ny fahalalahany ihany koa!

Nosomparan'ireo “mpiserasera hafa” tsy mitovy hevitra haingana ny lahatsoratra nosoratany, izay novaliany [6] [zh] hoe: 

只要发个为记者刘虎被捕鸣不平的帖子,就会有大批五毛蜂拥而上发一堆垃圾跟贴。

Mba nanoratra lahatsoratra manohana an'i Liy Hu fotsiny aho, saingy nototofan'ireo fanehoan-kevitra marobe avy amin'ny Antoko 50 Cents.

Mpiserasera hafa Hu Ning namerina [7] [zh] hoe:

点了热门话题“刘虎被批捕”,看了搜出来的相关微博下的评论,比转发少不少,且都是些名称诡异、无v认证、甚至连头像都没有的用户所留,立场还出奇地一致。我打了个寒战。

Vao avy tafiditra tamin'ilay lohahevitra mafana “nosamborina i Liu Hu” aho, saingy avy amin'ireo anarana hafahafa, tsy misy fanamarinana avokoa ireo fanehoan-kevitra rehetra mikasika izany. Maro ireo kaonty no tsy ahitana sarintava akory. Mahagaga ihany koa fa mifampitohy ireo fanehoa-kevitra, izay nampangovitra ahy.

Nikisaka nankany amin'ny sehatra media sosialy hafa ireo mpiserasera sasany. Mpisolovava Zhou Lixin nanadihady [8] [zh] izany tao amin'ny bilaoginy:

事实上,北京警方现在这种(一没有对被举报人的清廉作出担保,二又突破法律对举报人追究刑责)做法,才是对党国伟光正形象的严重损伤。因为,这种做法向全体国民传递的信号是:我党的高级官员们不管是有没有贪腐,尔等小民是不能在网上公开举报的;有胆敢在网上公开举报者,记者刘虎遭遇的牢狱之灾就是你们的下场。

Raha ny marina, manimba ny endriky ny antoko sy ny firenena ny fihetsiky ny polisy tao Beijing. Voalohany, tsy nanome antoka izy ireo fa tsy meloka ilay tompon'andraikitra ambony. Faharoa, niampanga mpanao ampamoaka tsy nampandalovina fitsarana izy ireo. Milaza hafatra amin'ny olom-pirenena izany fihetsika izany: fa na mpanao kolikoly ireo tompon'andraikitra ambony na tsia, tsy afaka miampanga azy ireo amin'ny aterineto ianao, ary izay rehetra sahy na mirisika hanao izany dia hiafara any am-ponja tahaka ilay mpanao gazety Liu Hu.

 Tao amin'ny Twitter, “电车痴汉 ‏‪@mrlaoyang [9]” nanoratra hoe: 

刘虎这事儿只能证明工商局长的后台更强大

Manaporofo araka izany ny fisamborana an'i Liu Hu fa manana olona matanjaka ao ambadika ny tale lefitra amin'ny fitantanam-panjakana momba ny indostria sy ny varotra.

Mpiserasera hafa, Lily Lee [10] [zh] naneho ny fisalasalany mikasika ny fahavononan'ny governemanta hiady amin'ny kolikoly : 

这么有正义感的记者被捕,这政府是不是真反腐已经让人看得很清楚了。

Misambotra mpanao gazety tahaka izany izy ireo ary mihevitra fa manana ny rariny, ka mahatonga hanontany raha miady amin'ny kolikoly marina ny governemanta na tsia.