Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Ambarao Ny Hevitrao: “Blog Action Day” Momba Ny Zon'Olombelona!

Human rights

Sary momba ny zon'olombelona avy amin'ny Catching.Light tao amin'ny Flickr (CC-BY)

Nanomboka tamin'ny taona 2007, niantso ireo bilaogera manerantany haka ny lakile ny Blog Action Day: Andro iray, lohahevitra iray, feo an'arivony. Ny Zon'Olombelona no lohahevitra amin'ity taona ity – ary amin'ny 16 Oktobra no hanaovana azy. Ao anatin'ny fiaraha-mientana, hampisongadina ny maha-zava-dehibe ny olana manerantany ireo bilaogera, ny “podcasters” (mpandray feo) ary ny hafa – ary tsara kokoa raha maro ny mampisongadina momba ny zon'olombelona miohatra amin'ny tokana: “Manan-jo halalaka miteny sy haneho hevitra ny tsirairay” (Fanambarana ny Zon'Olombelona, Andininy faha-20).

Miresaka matetika momba ny zon'olombelona izahay ato amin'ny Global Voices, indrindra momba ny sivana, ny fanaraha-maso, ny fahalalaham-pitenenana an-tserasera. Miandry fatratra ity andro natokana hieritreretana sy hiresahana lohahevitra iray tsy mety lany manja ity izahay.

Hatramin'izao, bilaogy 1.377 avy amin'ireo firenena 114 no efa voarakitray fa handray anjara amin'ny Blog Action Day 2013. Ampidiro ato anio ny bilaoginao, ary mandraisa anjara amin'ny resadresaka manerantany! Ny teny ifankafantarana amin'ity taona ity dia #BAD13, #HumanRights, #Oct16.

Araka ny mahazatra, ho ampitainay ny fandraisan'anjaran'ireo mpikambana Global Voices manerantany – aza miala.

 

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.