Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Farintanin'i Sindh Any Pakistana: Nanao Tolo-dalàna Hanakànana ireo Rindrambaiko Fampiasa Amin'ny Finday

Ny governemantam-paritr'i Sindh any Pakistana dia namoaka ny drafitr'asany amin'ny fandrarana mandritra ny telo volana ireo fampiasa fandefasana hafatra Viber,WhatsApp, Tango, Skype sy ireo fitaovana hafa mifototra amin'ny aterineto fampiasa amin'ny fampitana feo sy hafatra izay antsoin'ireo mpiasam-panjakana ho “hetsika manelingelina mampihorohoro any amin'ny faritany, indrindra any amin'ireo faritra an-tanan-dehibe”.

Ny minisitry ny fampitam-baovao Sharjeel Memon dia nizara ity vaovao ity tamin'ny famoriana mpanao gazety ny Zoma 4 Oktobra 2013 tany amin'ny tanàna any atsimon'ny seranantsambon'i Karachi. Miandry ny fahazoan-dalana avy amin'ny governemanta federaly any Islamabad ny governemantan'i Sindh.

Mobile Social Applications. Image from Flickr by Nurudin Jauhar

Rindrambaiko sosialy fampiasa amin'ny finday. Sary avy ao amin'ny Flickr-n'i Nurudin Jauhari. CC BY-SA

Tsy io no fandrarana voalohany an'ireo tolotramedia sosialy any Pakistana. Noraràna ndritra ny herintaona mahery ny YouTube ary imbetsaka nobahanana ny “Facebook”.

Ireo fikambanana sy ireo mpikatroka mafàna fo amin'io sehatra io dia nanao hetsi-panoherana ilay tolo-dalàna fandraràna ny fampitàna hafatra, tamin'ny fiantsoana izany ho sakana iray hafa ho an'ny zo fototra sy ny fahalalahana maneho hevitra. Ny Bolo Bhi, seha-pikarohana tsy itadiavan-tombontsoa, mpitari-dalana, politika dia nanao fanambarana an-gazety teo noho eo:

Tsy fanajana ireo zo fototry ny olom-pirenena izany ary fanekena avy any amin'ny governemanta fa tsy nahomby izy ireo tamin'ny fampanajàna ny lalàna sy ny filaminana tamin'ny fandraisana fepetra samirery sy fanakorontanana ny fifandraisana. Tokony tsy hiharam-pahavoazana avy amin'ny resaka filaminam-pirenena ny fahafahana miditra aterineto.

Tsy maintsy mifantoka amin'ny fanatsaràna ny lalàna sy ny fandriam-pahalemana eto an-tanàna ny governemanta fa tsy mametra ny zon'ny vahoaka ao aminy. Misy fomba hafa mandaitra kokoa hiadiana amin'ny fampihorohoroana mba tsy hanitsakitsahana ny zo fototry ny olom-pirenena ka hidirany aterineto sy hifandraisany.

Namaly haingana tao amin'ny Twitter ihany koa ny mpisera ety anaty aterineto. Fatima Bhutto (@fbhutto), Mpanoratra, dia nitsikera hoe:

Aza manome hevitra azy ireo “@masoodym @fbhutto maninona ihany koa raha asiana fandraràna ny rivotra oksizena any Sindh?”

— fatima bhutto (@fbhutto) 3 Oktobra 2013

Nanao sangisangy zary tenany i Usama Bin Nasar (@ubinnasar):

Ka dia voaràra izany ny “WhatsApp” sy “viber” any #sindh satria mampiasa azy ireny ireo mpampihorohoro ka inona indray ny horaràna manaraka; ny fandriana ve satria matory eny ireo mpampihorohoro?

— usama bin nasar (@ubinnasar) 4 Oktobra 2013

Faizan Lakhani (@faizanlakhani) dia nanahy fa ny Pakistan Telecommunication Authority (PTA) dia mety hanaiky:

Mety tsy naharay ny fangatahan'ny Governemantan'ny Sindh angamba ny PTA ny mba handraràna ny Skype, Viber, WhatsApp ary Tango noho ny antony samihafa.

— Faizan Lakhani (@faizanlakhani) 3 Oktobra 2013

Imran Ali (@imranaliwattoo) dia nampahafantatra ny olona hoe ahoana ny fomba atao manoloana ny fandraràna:

Tsy mitondra na inona na inona hoantsika ny be fihetseham-po fa mahatonga antsika tsy hahafehy ny zavatra #Sindh

— Imran Ali (@imranaliwattoo) 4 Oktobra 2013

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.