Mankafy miteti-firenena ny Amerika Latina. Mitsangatsangana izy ireo mba hiala voly, na momba ny asa, na koa noho ny fitiavana – marobe ireo antony.

Maro ireo mpanao dia lavitra sahisahy ao amin'ny renim-paritra, ka misy ny mahavita manavatsava toerana na toetr'andro.

Tamin'ny alalan'ny teny ifankafantarana #YoViajoPara (“Manao dia lavitra aho mba”, na “Manao dia lavitra aho ho”), ireo tia mitety firenena no nanao ny resaka an-tserasera, mizara ny antony iraisan'ny betsaka mahatonga azy ireo mankafy manao dia lavitra.

Maria Boa (@_mariaboa) [es] avy any Meksika naneho ny fankafizany mianatra rehefa mivoaka andafin-tsisintany:

#YoViajoPara vivir, soñar, sentir y descubrir mundos, cada viaje es una aventura y con ella una nueva responsabilidad, conocimientos #feliz

— Maria Boa (@_mariaboa) August 5, 2013

Manao dia lavitra aho hiaina, hanonofy, hahatsapa ary hahita tontolo isan-karazany, mahita zavatra hatrany isaky ny mandeha ary mahazo andraikitra, fahalalana vaovao [faly]

Mpisera avy any Honduras Queenmarielos (@queenmarielos) [es] nanoratra fa ny tena diany rehefa manao dia lavitra dia ny mahita sakafo sy zava-pisotro isan-karazany:

#YoViajoPara comer distintos platillos y beber bebidas locales de distintas ciudades y países — queenmarielos (@queenmarielos) August 5, 2013

Manao dia lavitra aho hihinana amin'ny lovia isan-karazany sy hisotro ny zava-pisotron'ny olona isan-tanàna sy isam-pirenena

Niaiky i Julián Ortega Martínez (@julian_ortegam_) [es] avy any Kolombia mpandray anjara ato amin'ny Global Voices fa manao dia lavitra izy mba hijereny ireo olona maminy:

#Yoviajopara cumplir el sueño de verte a ti — J. O. M. (@julian_ortegam_) August 5, 2013

 Manao dia lavitra aho hahatontosa ny nofinofiko hijery anao

Elizabeth Rivera (@elimaguire) [es], izay mpandray anjara ihany koa ato amin'ny Global Voices, dia nanoratra amin'ny fitiavany mifindrafindra toerana mba hijereny toerana vaovao:

#YoViajoPara conectarme con el mundo. Este planeta es demasiado interesante para estar siempre en el mismo lugar.

— Dudette (@elimaguire) August 5, 2013

Manao dia lavitra aho hifandraisana amin'izao tontolo izao. Mahaliana loatra ity planeta ity ka sarotra ny hitoerana maharitra amin'ny toerana iray.

Francisco Diaz (@Frank_FDP) [es] avy ao Meksika nnamelabelatra ny fitiavany manao dia lavitra ho fomba tokana ahafantarana ny fomba fahazoan'ny olona avy amin'ny kolontsaina hafa an'izao tontolo izao:

#ViajoPara tratar de entender cómo piensa el mundo.

— Francisco Díaz (@Frank_FDP) August 5, 2013

 Manao dia lavitra aho hahafantarako ny fomba fieritreritr'izao tontolo izao

Nisioka ny faniriany hiala amin'ny fari-piadanana misy azy ilay mpisera Twitter Breziliana Transeunte (@transeunte_bsb) [pt]:

#YoViajoPara cambiar el contexto!

— Transeunte (@transeunte_bsb) August 8, 2013

Manao dia lavitra aho hiova rivotra!

Mariana (@MEspinozaE) [es] avy ao Meksika no nilaza fa ny fandehanana dia lavitra no fomba tsara indrindra handaniany ny fotoanany:

@Lolawm me ha ayudado a expandir mis horizontes, y tirar la caja de pensamiento.. la mejor inversión de tiempo en mi vida #Yoviajopara

— Mariana Espinosa (@M_EspinosaE) August 8, 2013

@Lolawm nanampy ahy hampivelatra ny faravodilanitro izany, sy hieritreritra ivelan'ny boaty (baoritra).. ny fomba tsara indrindra handaniako ny fotoanako

Mpanao nahandro, sady mpandray anjara ato amin'ny Global Voices, Melissa DeLeon (@cookingdiva) [es] avy ao Panama no nanoratra fa mandeha lavitra noho ny asa izy, fa mba mianoka ihany koa ny nahandro ao an-toerana andalovana:

desde muy pequeña viajo, ahora #YoViajoPara trabajo y siempre encuentro oportunidad para el placer de conocer la cultura y gastronomía local

— Chef Melissa DeLeon (@cookingdiva) August 5, 2013

Nanao dia lavitra aho hatry ny fony aho mbola kely, ankehitriny manao dia lavitra noho ny asa aho saingy manam-bintana hisitraka ny fianarana ny kolontsaina sy ny nahandron'ireo ao an-toerana

Nahoana ianao no manao dia lavitra? Zarao ny tantaranao, ny antony sy ny eritreritra miaraka amin'n teny ifankafantarana #YoViajoPara.