Raha manamarika ny fahafolo taonan’ [1]ny Fifanekem-pihavanan'i Accra [2], izay namarana ny ady sivily [3] naharitra 14 taona i Liberia, mpianatra eo amin'ny 25.000 avy amin'ny kilasy famaranana no tsy afaka tamin'ny fanadinana fidirana [4] ho any amin'ny Anjerimanontolon'i Liberia tamin'ity taona ity. Ity no fotoana voalohany tsy nisiana mpifaninana na iray aza afa-panadinana fiidirana taona voalohany.
Ny filohan'i Liberia, Ellen Johnson Sirleaf, nahazo ny mari-pankasitrahana Nobel momba ny fandriampahalemana, dia mahatsapa fa “mikorontana” ny rafi-pampianarana any Liberia. Sary ho an'ny sehatry ny daholobe avy ao amin'ny departemantam-panjakan'i Etazonia.
Nitatitra ny BBC fa sarotra ho an'ny Minisitry ny Fampianarana ao Liberia, Etmonia David-Tarpeh, ny hino fa tsy nisy na dia mpianatra iray aza afa-panadinana. Noho izany dia mikasa ny hihaona amin'ireo mpitantana ny anjerimanontolo izy hiresaka momba io olana io. Manoritra io tahan'ny tsy fahafahana io ho “famonoana vahoaka faobe” [5] izy.
Na izany aza, James Dorbor Jallah, mpanolotsaina iray miasa tena, izay nokaramain'ny anjerimanontolo hitantana ny fanadinam-pidirana, dia nanamarina ny tatitra ary nilaza [6]fa efa foana ny andro nampidirana ireo mpianatra anatin'ny Anjerimanontolon'i Liberia amin'ny alalan'ny kolikoly sy miankina amin'ireo olona ambony toerana maro fantatr'izy ireo.
Tao amin'ny Twitter, naneho fihetseham-po mifono hatairana sy tsy finoana izao tontolo izao raha nahare ireo vaovao.
Ity ny fomba nanoritan'i Calestous Juma (@calestous [7]), Mpampianatra Mpikaroka ao amin'ny Sekoly Harvard Kennedy ao Kenya an'ireo vaovao:
Vaovao ratsy indrindra avy aty #Africa [8] hatramin'i Leopold II ao #Congo [9]: tsy nisy afaka fanadinam-pidirana eny amin'ny anjerimanontolo ireo mpianatra ao #Liberia [10] http://t.co/HkSlxDCbR8 [11]
— Calestous Juma (@calestous) August 26, 2013 [12]
Ny Mpanjaka Leopold II [13] an'i Belzika no tompon'ny Fanjakana Mizakatenan'i Kôngô taloha, izay ny Repoblika Demokratikan'i Kôngô amin'izao fotoana, ny 1885 ka hatramin'ny 1908.
Saran Kaba Jones (@sarankjones [14]), mpiaro ny rano madio sy mpandraharaha ara-tsosialy, dia nilaza fa mampalahelo izany nefa tsy mahagaga:
Mampalahelo nefa tsy mahagaga >> tsy nisy afaka fanadinana fifindrana any amin'ny anjerimanontolo avokoa ireo mpianatra ao #Liberia. [10] Izy 25.000! >>http://t.co/9AJkvEelej [15]
— Saran Kaba Jones (@sarankjones) August 26, 2013 [16]
Mbas Ndriver (@Kenfreykj [17]), Kenyana manam-pahaizana momba ny IT, dia nanontany tena ny tsy nisian'olona na dia iray aza kinga saina mba nanao hosoka:
Ahoana no ahafahan'ny firenena iray manontolo tsy ho afaka fanadinana?! Tsy misy ve na iray aza amin'ity firenena ity kinga saina mba nanao hosoka?!!! #Liberia [10]
— Mbas Ndriver. (@Kenfreykj) August 27, 2013 [18]
Nilaza i Eja Nla (@Muntez_ [19]), Kenyana iray hafa mpitoraka bitsika, fa tsy tokony ho ara-dalàna ny tsy fahafahan'ireo mpianatra rehetra:
Toa tsy mahay antontanisa i #Liberia [10]. Tsy tokony ho ara-dalàna ny tsy fahafahan'ireo mpianatra rehetra taminà fanadinana iray. Izy 25.000 manontolo ve? Tsy mitombina izany.
— Eja Nla. (@Muntez_) August 27, 2013 [20]
Ebenezer Flomo (@ebflomo [21]), mpiara-nanangana ilay fikambanana tsy mikatsaka tombontsoa manokana Help Encourage Liberia's Little Ones (@helpHELLO [22]), nanamarika fa tsy manana boky ireo toeram-pianarana any Liberia:
@lizgrossman87 [23] Itanao ry Liz, izao indrindra no antony ifantohanay @HelpHELLO [24] manodidina ny tontolon'ny fanabeazana aty #Liberia [10]. Tsy manana boky ireo toeram-pianaarna.
— Ebenezer Flomo (@ebflomo) August 27, 2013 [25]
Sekoly maro any Liberia no tsy ampy fitaovana fampianarana fototra [26] ary maro ireo mpampianatra tsy dia mahay ny asany.
Manontany i Denis Eyong (@eyongdenis [27]) izay mitoraka bitsika avy any Rosia:
Firenena iray izay azo antsoina ho dondrona, #Liberia [10]. Ahoana no hisian'ireo mpianatra rehetra ao amin'ny firenena tsy ho afaka amin'ireo fanadinana fifindrana any amin'ny anjerimanontolo?! http://t.co/JdrASJmkUW [28]
— Denis Eyong (@eyongdenis) August 27, 2013 [29]
“Ahoana no fomba hahasitranan'ny firenena potipotiky ny ady sivily?,” hoy i Tomoko Perez (@Tomoshiga [30]) any New York nanontany:
Iny bitsika farany mikasika an'i #Liberia [10] iny. TENA tsy mampihomehy. Ahoana no fomba hahasitranan'ny firenena potipotiky ny ady sivily? Ahoana no hampiasànao vola any sy hamoronana harena?
— Tomoko Perez (@Tomoshiga) August 27, 2013 [31]
Nizara teny avy aminà mpandraharaha iray ao amin'ny anjerimanontolo ny mpanao gazety Gambiana sady mafana fo amin'ny zon'olombelona, Sulayman Makalo (@MakaloMansa [32]):
#Liberia [10]: Tsy ampy fahavitrihana ireo mpianatra ary tsy tsara fototra tamin'ny Anglisy tsara, hoy ny mpitantana iray avy amin'ny anjerimanontolo tao amin'ny BBC.
— Sulayman Makalo (@MakaloMansa) August 27, 2013 [33]
Nanamarika i Nuesity! (@Nues_Ibunos [34]):
Mampalahelo izany. Manantena aho fa tsy hitontongana anatin'izany i Nigeria! #ASUU [35] #Education [36] #Nigeria [37] #Liberia [10] http://t.co/gq7ejsZdWv [38]
— Nuesity! (@Nues_Ibunos) August 27, 2013 [39]
Nampitandrina [40] ireo tanora mpiray tanindrazana aminy ilay mpitoraka bilaogy ao Ghana, Tenace Kwaku Setor (@kwakutii):
izao no ateraky ny ady politika, ry Ghaneana malala. Tsy nisy afaka avokoa ireo mpianatra 25.000 rehetra nipetraka hanala fanadinana CE ho any amin'ny anjerimanontolo. #liberia [41] http://t.co/PtsvndysZd [42]
— Tenace Kwaku Setor (@kwakutii) August 27, 2013 [43]
Nanoratra ilay Roande iray, katabarwa robert, mpitoraka bitsika (@Proud2bRwandan), izay nanohatra ity tamin'ny fahakelezan'ny fahalavorariana tany Tanzania tamin'ny taona lasa:
mbola ratsy noho ny tranga tao Tanzania: samy tsy nisy afaka fanadinana hifindrana amin'ny anjerimanontolo avokoa ireo mpianatra ao #Liberia [10] http://t.co/P7GZHon6Me [44]
— katabarwa robert (@Proud2bRwandan) August 26, 2013 [45]
Mpianatra enina isaky ny mpianatra 10 izay nipetraka hanala fanadinana nasionaly “National Form Four examination” tany Tanzania no tsy afaka [46] tamin'ny herintaona.
Mika Mäkeläinen (@Mikareport [47]), vahiny mpanao gazety mpitatitra ny vaovao ao amin'ny Finnish Broadcasting Company, dia nampitandrina ireo izay te-hianatra any amin'ny Anjerimanontolon'i Liberia:
Te-hianatra tany amin'ny Anjerimanontolon'i #Liberia [10]? Niangaran'ny vintana. 25.000 no niezaka ary tsy nisy afaka tamin'ny fanadinana fifindrana. http://t.co/eNIew0neno [48]
— Mika Mäkeläinen (@Mikareport) August 26, 2013 [49]
Nihanihany i Daniel McLaughlin (@DanielJMcLaugh [50]) avy ao Angletera:
Tsy hiasa saina loatra mikasika Lanonana fandraisana ireo Mpianatra vaovao amin'ity taona ity izy ireo! #Liberia [10] http://t.co/iA6AKZsP3s [51]
— Daniel McLaughlin (@DanielJMcLaugh) August 27, 2013 [52]
Miampanga ny rafi-pampianarana i A. K. Ohemeng-Boamah (@akobII [53]) avy ao Ginea:
Ny rafitra no ampangaiko fa tsy ireo mpianatra. @MollyKinder [54]: Oao – tsy nisy afaka ny mpianatra nanala fanadinana fidirana ho any amin'ny anjerimanontolo any #Liberia [10], hoy ny @BBCWorld [55]
— A. K. Ohemeng-Boamah (@akobII) August 27, 2013 [56]