Niteraka tondra-drano avo tany Metro Manila sy ireo faritany akaiky any Filipina ny rivomahery tropikaly narahin-korana Maring (mitondra ny anarana iraisam-pirenena Trami) izay nahafaty olona 8, maratra 41, ary 4 tsy hita.
Araka ny tatitry ny governemanta, fianakaviana 125.348 (olona 602.442) no tratran'io rivomahery narahin-korana io. Ny harivan'ny 20 Aogositra, 40.837 ireo olona mbola nomena fialofana any amin'ireo tobin'ny tra-boina miisa 198. Arabe lehibe 65 no tsy azo aleha noho io tondra-drano io. Manodidina ny faritra 415 any amin'ireo fivondronana/tanàna 68 no nahitana tondra-drano. Fisidinana am-piaramanidina 162 (59 iraisam-pirenena ary 103 ao an-toerana) no najanona noho io rivomahery io.
Nampiasa ny tenifototra #maringPH sy #floodPH ireo Filipiana hanaraha-maso io trangana tondra-drano ao Manila sy any amin'ireo faitra akaiky azy io. Ireto ambany ireto ny sary vitsivitsy ao amin'ny Twitter sy Facebook izay mampiseho ny fihitaran'io tondra-drano io.

Tondra-drano tany Marikina, atsinanan'i Manila. Sar avy ao amin'ny pejy Facebook an'ny Prospero De Vera

Anjerimanontolo tratran'ny tondra-drano tany Manila. Sary an'i Salina Teo, avy ao amin'ny pejy Facebook an'ny TomasinoWeb!

Tondra-drano any akaikin'ny faritry ny raharaham-barotry ny firenena goavana indrindra. Sary an'i @siao88