Aparitaky ny mpitandro ny filaminana amin'izao fotoana izao ny Sit-in roa ao Kairo amin'izao fotoana izao, saingy manjavozavo sy mifanipaka ny isan'ny lasibatra. Mandeha mivantana amin'ny fahitalavitra izany toe-javatra izany.

Ireo Sit-in roa ireo dia samy an'ny mpanohana ny filoha naongana Mohamed Morsi, anisan'ny loholona ao amin'ny Mpirahalahy Miozolomana izay notapahina ho herintaona ny fe-potoana niasany tamin'ny 3 jolay taorian'ny fihetsiketsehana goavana nitakiana ny fialàny sy ny fitakiana hanatanterahana alohan'ny fotoana ny fifidianana.

Tao anatin'ny herinandro maromaro izao ny mpanohana an'i Morsi sy ny Mpirahalahy Miozolomana no nilasy teo amin'ny kianja Rabaa Al Adawiya, ao Nasr City, sy ao amin'ny kianja Al Nahda, akaikin'ny Oniversiten'i Kairo, nitaky ny hamerenana ny “ara-drariny” na ny famerenana an'Atoa Morsi eo amin'ny toerana maha-filoha voafidin'i Ejipta azy.

Manoloana izao fanaparitahana an-kerisetra ny fibodoana izao, taorian'ny fandrahonana efa herinandro maromaro izao, dia miantso ny hampitsaharana ny ra mandriaka ny Ejipsiana.

Misioka i Eman Hashim :

Police and army are still crashing #Rabaa sit in, #Egypt is being cursed by two evil powers fighting each other.

— Eman Hashim (@EmanHashim) August 14, 2013

Mbola darohan'ny polisy sy ny tafika hatrany ny sit-in ao #Rabaa, ozonin'ny herin'ny ratsy roa miady i Ejipta.

Araka ny filazan'ny mpitondra tenin'ny Mpirahalahy Miozolomana Gehad El-Haddad, mihoatra ny 250 ny olona maty ary mihoatra ny 5.000 ny maratra. Misioka izy :

250+ confirmed deaths. Drs saying most critical patients will die from their bullet wounds. over 5000 wounded. biggest massacre since #coup

— Gehad El-Haddad (@gelhaddad) August 14, 2013

250+ ny voamarina fa maty. Milaza ny dokotera fa ho faty ihany koa ireo maratra mafin'ny bala. Mihoatra ny 5.000 ny maratra. Ny fandripahana goavana indrindra hatramin'ny nisian'ny #coup

Hafa noho izany ny isa voalaza any an-kafa :

According to Ahmed El Ansary, deputy head of Emergency Authority: 50 injured and 4 dead in #Rabaa and #Nahda #Egypt

— Ranya Khalifa رانيا (@RanyaKhalifa) August 14, 2013

Araka an'i Ahmed El Ansary, tale lefitry ny Sampan'ny Vonjy Taitra : 50 ny maratra ary 4 ny maty ao #Rabaa sy #Nahda

Nahamarika i Mahmoud Faisal ka nanesoeso :

الجزيرة : 150 مليون قتيل و 2 مليار مصاب في رابعة وحدها وان قوات الامن المركزي استعانت بباور رينجرز وسلاحف النينجا في عملية الفض #رابعة

— Mahmoud Faisal (@Mhmod_Faisal) August 14, 2013

Al Jazeera: 150 tapitrisa ny maty ary 2 miliara ny maratra ao Rabaa fotsiny ihany ary mbola ampian'ny “Power Rangers” sy ny “Tortues Ninja” (Sokatra Ninja) koa ny mpitandro ny filaminana avy any amin'ny Foibe hanaparitahana ireo mpanohitra ao Rabaa

Mamehy ny fahatsapan'ny maro amin'ny fisian'ny filazana isa mifanohitra tahaka izany ny bilaogera ejipsiana Mahmoud Salem :

Nahda sit in is cleared, Rabaa is ongoing, conflicting reports of the dead on both sides. Battle of narrative. I believe no one.

— السيد مانكي (@Sandmonkey) August 14, 2013

Efa voaaisotra ny sit-in ao Nahda, an-dalana ny any Rabaa, tatitr'isa mifandàka momba ny isan'ny maty eo amin'ny roa tonta. Fifandonan'ny fitantarana. Aza mino na iza na iza.

Nanampy izany ilay mpaneho hevitra Arabist :

Confrontation w/ MB at this point will exacerbate Egypt's pre-existing problems: lawlessness in Sinai, sectarianism (esp. in Upper Egypt)

— arabist (@arabist) August 14, 2013

Hanamafy ny olana efa nisy hatramin'izay eto Ejipta ny fifandonana amin'ny Mpirahalahy Miozolomana : Tsy fisian-dalàna ao Sinaï, ny fifanavahan'ny samihafa fivavahana (indrindra ny ao Ejipta)

Misy ny fiantraikan'izany any an-kafa. Mitatitra i Mariam Kirollos fa voatafika ny Coptes, ireo kristiana any Ejipta :

It seems like the Copts in Delga, Minya are being attacked now. #Egypt

— MK مريم (@MariamKirollos) August 14, 2013

Tahaka ny hoe misy manafika amin'izao fotoana izao ny Kôpta ao Delga, Minya.

Aza miala hanaraka ny vaovao fanampiny.