Namoaka famelàna heloka ho an'ireo izay nanevateva azy ny mpitondra ao Koety androany [30 Jolay] – maro tamin'ireo nahazo famelàna no efa nisazy noho ny faniratsiràna ny mpitondra tato amin'ny aterineto. Naneho hevitra manoloana ity fihetsik'i Sheikh Sabah Al Ahmed Al Sabah ity ireo mpiserasera.

Tao amin'ny Twitter, maro ireo niarahaba ity fihetsika ity raha toa kosa ka tsy mino izany ny hafa ary nanambara fa nampiasa ny zony haneho hevitra an-kalalahana ireo voampanga sy voaheloka, hatramin'ny 11 taona an-tranomaizina. Araka ny lalàna Koesiana, voaràra ny fanevatevana mpanjaka satria “tsy azo hitsakitsahana” ny fitondrana Emir.

Niarahaba ny fanapaha-kevitra i Majid Jaber Al Enzi welcomed the move tamin'ny filazany hoe [ar]:

أظن بعد صدور العفو الأميري وجب على الجميع تناسي كثيراً من الماضي لنبدأ صفحة إصلاحية هادئة من خلال النصح والحوار #شكراً_سمو_الأمير

— ماجد جابر العنزي (@majedalenzi) July 30, 2013

Mino aho fa aorian'ny famelàn'ny Emir, tokony hanadino ireo lasa maro ny tsirairay ary hivadika pejy vaovao izay tokony ho tony ao anatin'ny torohevitra sy ny fifampiresahana.

Tariq Al Kindari nanampy hoe:

بعد العفو الأميري عن الشباب المسجونين اتمنى أن نجد مبادرة سياسية للمصالحة الوطنية بأصلاح النظام السياسي والانتخابي وعودة الأمور الى نصابها

— طارق الكندري (@tariqkw) July 30, 2013

Taorian'ny famelàn'ny Emir ny helok'ireo tanora nisazy an-tranomaizina, matoky aho fa hisy ny fanapaha-kevitra politika ho amin'ny fampihavanam-pirenenana, ny fanovana ara-politika sy ny fiverenana amin'ny laoniny

Dr Hussain bin Hadba nisioka hoe:

أتمنى أن يقضي العفو الأميري الليلة على ثقافة التطاول والتعدي على ولاة الأمر من غير داع، وأن نبتعد عن تصفية الحسابات بالشتم والسباب.

— د. حسين بن هدبه (@Dralhadba) July 30, 2013

Mino aho fa hampitsahatra ny kolontsaim-paniratsiràna mpitondra tsy amin'ny antony ny famelàna heloka androany ary hialantsika ny fiheverana ho mahazo tombony amin'ny alalan'ny faniratsiràna sy ny fanalam-baraka

Ho setrin'izany, Musaed Al Musaylem nisioka hoe:

#لم_يخطؤا_حتى_يعفوا_عنهم #العفو_الأميري #العفو_الاميري . pic.twitter.com/wKsWFp7F0m

— مساعد المسيليم (@alshbhat) July 30, 2013

Tsy nahavita zava-dratsy tokony hamelana heloka ireo

Khaled Al Barrak nanampy hoe:

الشباب لم يخطئوا ليتم العفو عنهم أو ليعتذروا وإن كان هناك طرف يجب أن يعتذر فهي السلطة التي أسائت للدستور… #المجد_للشباب #العفو_الأميري

— خــالــد الــبــراكـ (@K_albarrak) July 30, 2013

Tsy nanao ratsy azy ireo tokony hamelana heloka na ialana tsiny ny tanora. Raha misy olona tokony hiala tsiny, dia ireo manampahefana izay nihoatra ny voalazan'ny lalampanorenana

Khaled Al Tawari namaly hoe:

المعترض على #العفو_الأميري ترى الموضوع سهل قول مثل ماقالوا وانسجن وارفض اي عفو خلك قول وفعل وصاحب مبدأ يا شجاعة ١٤٠ حرف شجاعة آخر زمن

— خالد الطواري (@K_altawari) July 30, 2013

Misy ny vahaolana tsotra ho anareo izay tsy mankasitraka ny famelàna heloka. Ataovy izay nataon'izy ireo ary gadraina ianareo, ary aza ekena ny famelàna avy eo. Mahereza ary mifikira amin'ny lanjanareo sy ny herimponareo voasoratra anaty tarehin-tsoratra 140!

Maro tamin'ireo nahazo famelàna [10 araka ny tatitra] no nisazy an-tranomaizina noho ny fandefasana sioka voalaza fa naniratsira ny Emir. Tamin'ny volana lasa iny nisy vehivavy mpampianatra Koesiana nahazo sazy an-tranomaizina 11 taona ka anatin'izany ny fanevatevana Emir tao amin'ny Twitter. Tsy fantatra mazava raha anisan'ireo nahazo famelàna ity mpampianatra ity na tsia.

Araka ny filazan'ny mpanara-maso ny Zon'olombelona, nanomboka tamin'ny Oktobra 2012, olom-pirenena 35 farafahakeliny no voampanga tao Koety noho ny faniratsiràna Emir, anisan'izany ireo mpikatroka antserasera.