Farafahakeliny vehivavy telo no maty tany Mansoura raha notafihan'andian-“jiolahimboto” halina ny fihetsiketsehana iray ho fanohanana ny filoha ejipsiana teo aloha Mohamed Morsi. Ampolony ihany koa no voatatitra ho naratran'ny tifi-basy sy tsindron'antsy.

Mihoraka ny bilaogera Ejipsiana Zeinobia:

oh Shit a 37 years woman and 13 years old girl from Pro Morsi supporters were killed in #Mansoura

— Zeinobia (@Zeinobia) July 19, 2013

Oadray lety e! vehivavy 37 taona sy zazavavy 13 taona mpanohana an'i Morsi no maty tao Mansoura

Ary nanampy i @egyrevolution12 [ar]:

مسيرات الاخوان ف #المنصوره بتطلع بعد التراويح نصها مثلا بتبقي ستات . عائلات كامله . الهجوم عليهم مالوش اي مبرر #aster

— الثورة مستمرة (@egyrevolution12) July 19, 2013

Manomboka aorian'ny vavaka ny fihetsiketsehan'ny Ikhwan ao Mansoura ary vehivavy araka ny fahita mahazatra ny atsasaky ry zareo. Fianakaviana manontolo/ Tsy azo leferina ny fanafihana azy ireo.

Tohina amin'ireo mahita avaly amin'ny famonoana vehivavy i Ibrahim Elgarhi. Nanoratra izy:

يللا نبيع مبادئنا ونسكت على قتل النساء.. يللا نخالف ضميرنا ونقول ايه اللي وداهم هناك

— إبراهيم الجارحي (@Ibrahim_Elgarhi) July 20, 2013

Aleo amidy ny soatoavintsika dia mangina amin'ny famonoam-behivavy. Andao hanao zavatra tsy mifanaraka amin'ny feon'ny fieritreretantsika ary hiteny hoe fa inona no andehanan'ireny (vehivavy ireny) any (amin'ny fihetsiketsehana).

Tamin'ny 30 Jona, nidina an-dalambe ny Ejipsiana hitaky ny hialan'ny filoha Mohamed Morsi, kandidàn'ny Mpirahalahy Miozolomana (MB). Tamin'ny 3 Jolay, tapaka hatreo ny fitondrana nandritra ny herintaona an'i Morsi ary fitondrana vonjimaika no mitondra any Ejipta amin'izao fotoana izao. Nanomboka hatreo ny mpanohana an'i Morsi no nanao fihetsiketseha-panoherana ary mitaky ny hiverenany eo amin'ny fitondrana.