Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Mponin'i Jiangmen ao Shina Manohitra Tobim-Panodinana Uranium

Mponina an-jatony maro ao Jiangmen, tanàna iray manakaiky an'i Guangzhou any atsimon'i Shina, no nidina an-dalambe hanohitra ny fanorenana ny tobim-panodinana uranium tamin'ny 12 Jolay 2013.

Namakivaky ny tanàna mitondra sora-baventy sy manao sarontava izay mivaky manao hoe “Mila zaza (maro) izahay fa tsy atôma” ny mpanao fihetsiketsehana. Milaza ny mpanao fihetsiketsehana fa matahotra taratra mampidi-doza sy ny mety hisian'ny fandotoana nokleary ry zareo.

Araka ny voalazan'ny The New York Times dia efa nanao soniam-pifanarahana tamin'ny Vondron'orinasa Nasionaly ao Shina ny manampahefana ao Jiangmen handray ny tetikasa mitentina enina miliara dolara amerikana. Kasaina hatomboka amin'ny faran'ity taona ity ny Fanorenana. Nanambara ilay tetikasa ny fiadidiana ao an-toerana tamin'ny herinandro, ka nanome 10 andro ny vahoaka hilaza ny heviny. Nilaza ny manampahefana fa tsy mampaninona ilay toby, saingy tsy resy lahatra ny mponina. Nisy valandresaka vaovao natao taorian'ny fihetsiketsehana, ka nanome 10 andro fanampiny indray hilazan'ny vahoaka ny heviny.

Tamin'ny fanombohan'ity taona ity, nisy fihetsiketseha-panoherana mitovy amin'izao nitranga koa tany Kunming atsimon'i Shina ho fanoherana ny toby fanadiovan'etona fandrehitra.

Efa nitatitra ny South China Morning Post (Hafatra Maraina Shina Atsimo) fa nomanina tamin'ny alalan'ny tolotra fifandefasana hafatra ao Shina QQ sy WeChat ny fihetsiketsehana.

Tonga moa dia voasivana haingana dia haingana ny fampahafantarana momba ny fihetsiketsehana tao amin'ny Sina Weibo. Mbola nisy mpiserasera Weibo sasantsasany nahavita nihodidina ny sivana ihany ka namoaka sary vitsivitsy.

Indreto ambany ireto ny sasantsasany tamin'ny fihetsiketsehana hita ao amin'ny Sina Weibo:

protest

jiangmen protest3

jiangmen protest

protest

protest

Sora-baventy mivaky hoe: Mila zaza (maro) izahay fa tsy atôma. (tao amin'ny Sina Weibo)

 

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.