Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Lalàna Vaovao Ho An'ny Skype sy Viber any Bahrain

“Antony Fiarovana” no lazaina fa antony mahatonga ny fepetra vaovao izay mety hamarana ny fampiasana ny tolotra malaza tahaka ny Skype, WhatsApp, Viber ary Tango any Bahrain.

Notsongain'ny gazety ny fanambaran'ny minisi-panjakana misahana ny serasera Fawaz bin Mohammed Al Khalifa fa nampidirina ny fitsipika vaovao misahana ny  fampihatra Voice Over Internet Protocol (VoIP) [feo ao amin'ny arofenitry ny aterineto], izay lasa malaza eo amin'ny reniparitry ny Helodrano, ahitana mpisera an-tapitrisany mifanakalo vaovao, fomba fijery, sary ary kivazivazy tsotsotra isan'andro ary manao antso maimaipoana amin'ny namana sy ny fianakaviana.

Notsongaina i Al Khalifa tamin'ny fitenenana hoe:

The measures are meant to guarantee there is no clash with traditions and customs in addition to security considerations. They are part of the efforts exerted by the Gulf Cooperation Council (GCC) to ensure the existence of regulations that preserve the rights of operators and that there is no abuse of communication applications.”

Ny anton'ny fepetra dia ny mba tsy hisian'ny fanitsakitsahana ny fomba sy ny riba ankoatra ny lafiny fiarovana. Ao anatin'ny ezaka ataon'ny Filankevi-Piaraha-miasa ao amin'ny Helodrano ny fiantohana ny lalàna izay miaro ny zon'ny mpandraharaha sy ny mba tsy isian'ny fanararaotana tafahoatra amin'ireny fampihatran'ny fifandraisana ireny”

Nolazainy fa ho fiarovana ny sehatry ny fifandraisana ao amin'ny firenena no anton'izany, ankoatra ny fisian'ny fanadihadiana nampiseho fa “olona 100.000 ao Bahrain no mampiasa ny VoIP ao anatin'ny efatra andro.”

Heverina fa ny nakan'i Bahrain sopapa dia i Arabia Saodita, izay efa nandrara ny fiseraserana ny Viber ao amin'ny Fitondram-Panjaka. Nosakanan'i Arabia Saodita ny fampihatran'ny fifandefasan-kafatra eo noho eo tamin'ny 5 Jona 2013, taorian'ny fandrahonana hisakana rindrambaiko voaaro, raha vao tsy mamela ny hitsikilovana ny mpiserasera io rindrambaiko io. Ireo Tolotra hafa norahonan'ny manampahefana Saodiana hosakanana koa dia ny Skype sy ny fandefasan-kafatra WhatsApp.

Araka ny @Comms_BH, kaonty Twitter voamarina, izay milaza ny tenany ho kaonty ofisialin'ny Minisiteram-Panjakana Misahana ny Serasera dia:

@CommsBH: Minister: MoSC is conducting a research study for the purpose of setting up controls over the usage of (VoIP) technology. #Bahrain

Nanao fikaroha-panadihadiana ny amin'ny tokony hametrahana fanaraha-maso ny fampiasana ny teknolojian'ny VoIP ny Minisitera. #Bahrain

@CommsBH: The procedures comes in order to prevent any breaching of observable moral values and traditions as well as for security considerations.

Natao ny fepetra ho fisorohana izay mety ho fanitsakitsahana hitamaso ny maoraly sy ny fomban-drazana ary ny hijerena ny lafiny fiarovana.

@CommsBH: Legislations and regulations aim to ensure the protection of data and boost the security of international calls and telecom networks.

Ny tanjon'ny lalàna ny ny Fitsipika dia ho fiarovana ny ango-kevitra sy ho fanampiana tosika ny fiarovana ny antso iraisampirenena sy ny tambajotran'ny fifandraisandavitra.

 

Naneho ny fahatalanjonany tamin'ny nandrenesana ny vaovao ny mpiserasera.

Nanontany i Ahmedroid:

@albosta: Shall we kiss free VOiP goodbye #bahrain #skype #asterisk #previousTweet #viber

Hanao veloma ny VoIP maimaipoana ve isika?

Nanampy i Rasha Yousif:

@RshRsho: If @Comms_BH blocks viber, tango or Skype I’m burning tires #Bahrain

Handoro kodiarana aho raha sakanan'i @Comms_BH ny viber, tango na ny Skype

Ny fandoroana kodiarana sy ny fanaovana barazy no endri-panoherana malaza any Bahrain mikorotandrotana, izay ahitana fihetsiketsehana saika isan'andro hatramin'ny 14 Febroary 2011.

Tamin'ny 12 Marsa, Andro Manerantany ho Fanoherana ny Sivana an-tSerasera, Notononin'ny Reporters Sans Frontières ho iray amin'ny fanjakana fahavalon'ny aterineto i Bahrain – “fanjakana mpitsikilo manaramaso hatrany ny serasera ka miafara amin'ny fanitsakitsahana mampanahy indrindra ny zon'olombelona.” Ny firenena efatra hafa dia i Syria, Shina, Iran ary i Vietnam.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.