- Global Voices teny Malagasy - https://mg.globalvoices.org -

Nampitomboin'ny Kiobà Ny Fahafahana Midira Aterineto Avy Amin'ireo Ivontoerana Natao Ho An'ny Daholobe

Sokajy: Amerika Latina, Karaiba, Kiobà, Hafanàm-po nomerika, Mediam-bahoaka, Teknolojia, Vaovao Mafana

Nanokatra Ivontoerana 118 hahafahana mampitombo ny fidirana Aterineto ao amin'ny Nosiny i Kioba. Antsoina hoe Nauta, ilay tolotra dia azo anontaniana eny amin'izay solotena ara-barotry ny Sampan-draharaha Kiobàna misahana ny serasera (ETECSA) izay miara-miasa amin'ilay fandaharanasa.

Na dia izany aza, tsy nanakàna ny fisian'ny adihevitra be ny fisokafan'ireny ivon-toerana ho an'ny daholobe ahafahana mahazo aterineto ny 4 Jona lasa teo ireny. Araky ny Vahaolana 182/2013 natolotry ny Ministeran'ny Vola sy ny Tetibola [1] [es], eo amin'ny 0.60 “cuc” eo ny adiny iray ho an'ny fifandraisana ao an-toerana, ary 1.50 (US$1.50) ny fandefasana mailaka  manerana izao tontolo izao, ary 4.50 (US$4.50) cuc ny fidirana anaty aterineto tsy misy fameperana sy ny tolotra rehetra misy ao aminy.

Tarjeta Nauta para el acceso a Internet. (Foto: Cubadebate)

Karatra “Nauta” ahafahana miditra aterineto. (sary : Cubadebate)

Be loatra raha io sarany io araky ny hevitr'ireo bilaogera sasany ao Kiobà, toa an'i Alejo3399, izay nanamafy hoe [2] [es] :

Mientras 1 hora de conexión cueste casi 5 dólares, será el dinero quien diga quién se conecta y quién no. Y dudo que alguien, por nuevo rico y adinerado que sea, pueda hacer un uso recreativo de la nueva oportunidad.

Raha mitentina efa ho 5 dolara ny ora 1 amin'ny fidirana anaty aterineto, dia ny vola izany no mibaiko ny hoe iza no afaka hiditra  aterineto na tsia. Ary manahy ihany aho ny amin'ny hahafahan'ny olona, na dia vao lasa mpanankarena sy manan-katao aza izy, lahy na vavy, hampiasa io zava-baovao io ho fialamboly.

Amin'io lohahevitra io ihany, i Alejo3399 dia manampy toy izao [2] [es] :

Se aduce que las desmesuradas tarifas que tendrá el servicio (lo cual se reconoce autocríticamente como si eso resolviera algo) responden a la débil infraestructura de telecomunicaciones del país, y se sugiere con sutileza que esas tarifas privilegian a la navegación nacional para educar a la gente en el consumo de lo propio.

Mitaraina izy ireo fa ny halafon'ny saran'ilay tolotra ( izay efa miaiky manakiana tena ho toy ny tsy nahavaha na inona na inona akory) dia mamaly ny  faharefon'ny fitaovanm-pifandraisan-davitra ao an-toerana, ary manolotra hevitra saro-takarina izy ireo fa hoe ireny sarany ireny dia manome tombony ny fitetezan'ny teratany mba hanabeazana ny vahoaka amin'ny resaka fanjifàny.

Na dia izany aza, lahatsoratra iray [3] [es] navoakan'i Aurelio Pedro tao Progreso Semanal no milaza fa :

Internet ante la posibilidad de acceso al simple ciudadano era una cuenta pendiente, de amplio reclamo de la ciudadanía. Los responsables de esta operación reconocen lo elevado de las tarifas y han prometido que cuando las condiciones económicas lo propicien, bajarlas.

Olana mbola tsy mivaha io Aterineto sy ny fahafahan'ny olon-tsotra miditra aminy io, izay fangatahan'ny be sy ny maro. Ireo tompon'andraikitra amin'ilay fampandehanan-draharaha dia niaiky fa tena ambony be ny saran’ izy io, ary nanome toky izy ireo fa rehefa afaka ny hanaovana izany ny ara-toekarena dia hampidina azy ireny ry zareo.

Nizara ny zavatra niainany tanaty tambajotra sosialy ireo mpampiasa “Nauta” voalohany. Mayle González nitantara [4] [es] ny zavatra niainany :

Subir 5 minutos de video en La Habana aunque seas un usuario Nauta puede llevarte 6 horas de trabajo…

Ny fampakarana lahasary 5 minitra ao Havana na dia mpampiasa ny “Nauta” aza ianao dia mety handoavanao fotoam-piasana adin'ny 6 …

Araky ny hevitr'i Siomel Savio Odriozola [5] [es],

Usando una hora semanal de Internet se te van 18 cuc al mes casi el 75 % del salario promedio. Definitivamente la bolsa negra se convertirá en un “Hueco negro”. Contemos los meses o años que demorarán en bajar los precios como ha pasado paulatinamente con la telefonía celular…

Ny fampiasàna Aterneto adiny iray isan-kerinandro dia andoavanao 18 “cuc” isam-bolana, efa ny 75%-n'ny karama salantsalany izany. Ny kitapo maintsy dia efa hiova ho “lavaka mainty” atsy ho atsy. Andao isika hanisa ny volana na ny taona hidinan'ny vidin'izy io toy ny zava-nisy tamin'ny vidinà finday…

Manohy ny politika sosialin'ny fidirana amin'ny aterineto i Kiobà ho fampiroboroboana ny fidirana anaty aterineto maimampoana any amin'ny Oniversite, Lisea, ary indrindra ireo ivontoerana siantifika. Ny volana May 2013, ilay Ministra Lefitry ny Serasera sy ny Teknolojia ary ny Fifandraisana dia nanambara [6] [es] tao amin'ny gazety mpiseho isan'andro Granma, an'ny fanjakana, fa “tsy ny tsena mihitsy no hibaiko ny fahafahana mahazo fahalalana.” Hatramin'izao, ny zavatra sisa azo atao dia ny manantena fa hidina miandàlana ny vidin'izany, ary ny hahafahana hahazo izany tolota izany any an-tokatranon'ny tsirairay avy.