Tafakatra Amin'ny Fiadiana Ny Tompon-daka Maneran-tany Ho An'ny Baolina Kitra i Japana, Miparitaka Ny Lazan'ny Fahaizan'ny Mpitandro Filaminana Mifehy Vahoaka

Ireo Japoney mpitia baolina kitra dia matetika antsoina hoe “hooligan” hendry. Mifanao “peo ny dimy” am-pilaminana izy ireo no sady mihirahira hoe “Arahabaina”. Saingy ho an'ny manampahefana Japoney, manambana foana ny risika mety hisian'ny fikorontanana sy loza rehefa amin'ny toerana vory vahoaka.

Ary tsy niavaka tamin'izany ny tamin'ny alin'ny 4 Jona 2013, raha nankalaza an'i Japana ireo mpitia lalao baolina kitra noho izy ekipa voalohany tafakatra handray anjara amin'ny lalao baolina kitran'ny FIFA 2014 . Nandritra ireo fankalazana, nisongadina ny mpitandro filaminana raha nandray fanamafisam-peo mba hitarihana ireo vahoaka marobe teny amin'ny faritra malazan'i Sibuya, Tokyo izy ireo.

Ity horonantsary avy amin'ny mpampiasa YouTube yuuhei1987 ity dia mandrakitra ny zava-mitranga feno fientanentanana:

Teo amin'ny sampanan'i Shibuya rakotra vahoaka izay nahitàna mpitandro ny filaminana anjatonjatony nifampizarazara hanakana lalan’ny mpandeha tongotra, io mpitandro filaminana amin'ny horonantsary manaraka io no nandray ny fanamafisam-peo ary niteny mba hilaminan'ireo vahoaka marobe.

Marobe no nanatri-maso izany tamin'ny fampitàna mivantana tao amin'ny vohikala NicoNico Live any Japana [ja] ary nidera ny fomba niresahan'ilay mpitandro filaminana tamin'ireo mpijery. Tao amin'ny aterineto, nanomboka niantso azy ny olona hoe “mpitandro filaminana DJ” tahaka ny mpanolotra mahay miteny amin'ny fampielezam-peo. Nanjary lasa adihevitra niparitaka izany.

@Simon_Sin: DJポリスがいい仕事しすぎだw 「皆さん同じサポーターですね。ルールは守りましょう。日本代表はマナーとルールを守るチームです。私も嬉しいんです。日本代表応援したかったんです。でも仕事ですからね、皆さん交通ルールを守りましょう」

 Miteny toy ny tena mpanolotra fandaharana ilay mpitandro ny filaminana. Aleo hadikako an-tsoratra izay lazainy amin'ny vahoaka;

“Mpanohana ny ekipa Japoney avokoa isika rehetra. Fantatrareo fa manaraka tsara ny fitsipika ireo mpilalao ary ampy fahaizana tsara. Noho izany aleo isika hiaraka hanaraka ny fitsipika! Faly aho noho i Japana tafakatra amin'ny lalao iraisam-pirenana. Niady ho azy ireo aho tao am-poko saingy fantatrareo fa manana ny asako aho. Ankehitriny dia aleo isika hanaraka ny fitsipiky ny fifamoivoizana!”

@t_miya_1214: 渋谷のDJ警官、「けがをするとWC出場の後味が悪くなります。皆さんのチームワークで道を広く開けましょう。駅の方向に流れを作っています」

Izay ary fa miteny indray ny mpitandro ny filaminana DJ. “Tsy te hahita olona haratra aho androany. Anton-javatra maro no mety mahatonga fifandirana ratsy ho anareo rehetra amin'ity vokatra mahafinaritra azontsika androany ity tamin'ny lalao baolina kitra. Andao hanandrana hitandrina ny tsirairay mba tsy hahery setra mandritra ny lalaon'ny ekipantsika. Ankehitriny ndeha hohalalahintsika ny lalàna sady handeha mankany amin'ny fiantsonana isika!”

Raha nanasongadina ny korontana sy ny “hooligan” mpankafy ny vaovao tamin'ny fahitalavitra, ireo mpampiasa media sosialy kosa nanasongadina ilay mpitandro filaminana [ja] ary nanindry momba ireo mpanohana azo alamina sy ireo tranga anaty filaminana

@KS_1013:
本当に日本は平和。勝っても負けても暴動が起こる国も多いけど、日本のこの群衆管理は他の国にまねできないだろうなぁ。

Tsy misy azoko eritreretina afa-tsy ny hoe tena firenena milamina i Japana. Any amin'ireo firenen-kafa, mikorontana ry zareo na mandresy na resy. Mieritreritra aho fa ny fomba fitondran'ny tompon'andraikitra ny vahoaka dia hafa mihintsy aty Japana ary tsy misy firenena mitovy aminy.

@t_miya_1214: DJ警官「警察官も心の中では出場決定喜んでいます。こんな日に怒りたくありません」もうwwwなにこの平和な日本www

Hoy ny mpitandro ny filaminana DJ “Jereo, faly daholo ireo mpitandro  filaminana mpanara-maso rehetra ato anatiny mahita fa tafakatra amin'ny Fiadiana izay ho Tompon-daka i Japana. Tsy te hikiakiaka aminao amin'izao androm-pifaliana izao izahay. “

Mampihomehy ahy izany satria tena milamina tokoa ity firenena ity

@tarareba722:ワイドショーでは繰り返し「渋谷は大混乱」を繰り返していたが、実際は「共感」を利用した暴動(?)の完全なコントロールに成功。こんなことが出来るのは世界中で日本だけだ。凄い。

Karazana fandaharana maro tamin'ny fahitalavitra no tsy mitsahatra ny mitatitra mikasika an'i Shibuya anaty fikorontanana. Saingy ny marina, voafehy tanteraka ireo vahoaka tamin'ny fanomezan-danja ny toeran'ny tsirairay. Asa mahatalanjona ataon'ny mpitandro ny filaminana Japoney.

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.