Brezila : Miandry ny Mondialy Ho Fahazoam-Bola i Marcela Handehanana Any Eoropa

Ity lahatsoratr'i Andrea Dipp, avy ao amin'ny Agência Pública (izay mpiara-miasa amin'ny Global Voices ), ity dia navoaka ho tahaka ny lahatsoratra fanadihadiana momba ireo “travestis” (sarimbavy) avy ao Fortaleza, ary nanana ny lohateny hoe “VOU BOMBAR PARA COBRAR MAIS NA COPA”  (“HANABONTSIN-TENA AHO HAHAZOAM-BOLA MANDRITRA NY MONDIALY” ) tamin'izany ary anisan'ny dosie manokana #CopaPública miresaka momba ny mondialy 2014. Hozaraina telo ny lahatsoratra eto amin'ny Global Voices. Ity ny fizarana fahatelo sady farany.

Ny fizarana faharoa moa dia hitanao ato: Brezila : Tsy manana lala-kivoahana ny “travestis” (sarimbavy) ka iharan'ny fivarotana (fanondranana) olona

Nilaza i Marcela fa nahafantatra ny fitiavan'olondroan'ireo olona mitovy fananahana aminy tamin'ny faha-13 taonany ary nandritra ny fotoana maharitraritra no nanafenany izany tamin'ny reniny sy ireo anabaviny efatra :

Eu sentia muito medo de como elas e a sociedade iriam reagir. Mas não tinha outro jeito, era quem eu era. Então contei e elas até que aceitaram bem.

Natahotra fatratra ny ho fihetsiny sy ny ho fihetsin'ny fiaraha-monina aho. Saingy tsy nisy safidy hafa azo natao tamin'izay maha-izaho ahy. Ka dia nilaza ny zava-drehetra aho ary nanaiky tsara ihany ry zareo.

Teo amin'ny fiovam-pitafiana sy fihaingo amin'izay no sarotra kokoa :

Minha mãe ameaçou me botar para fora de casa, dizia que eu nunca iria arrumar emprego, não aceitou.

Nandrahona ny handroaka ahy ny reniko, nolazainy fa tsy hahita asa mandrakizay aho, tsy nanaiky izy.

Notantarainy ihany koa ny nanombohany nivarotany tena tamin'ny faha-17 ny taonany, saingy tiany kokoa ny niasa. Naharitra ihany izy nandritra ny herintaona rehefa nahazo vatsim-pianarana tamin'ny alalan'ny fandaharan'asa Vira Vida (Manova Fiainana), nianatra ny maraina ary nankany an-tsekoly ny folakandro. Tsaroany :

Eu sempre gostei de fazer cursos, estudar, queria trabalhar com carteira assinada, nunca quis fazer programa.

Nankamamiako hatrany ny nankany an-tsekoly, nianatra, te-hiasa ara-dalàna aho, tsy noeritreretiko mihitsy ny hitangy (handray vola amin'ny fivarota-tena).

Niteny i Marcela fa nahita asa tao amin'ny orinasam-panasan-damba aho, saingy voaroaka efa-bolana taty aoriana, rehefa narary:

“…e o patrão não aceitou os atestados médicos”.

“…ary tsy nanaiky ny fanamarinam-pahasalamana ny patirao”.

Nanomboka hatreo dia tsy maintsy nanaiky ny atsasa-karaman'ny mpiasa tao amin'ny orinasa iray izy saingy tsy ampy hameloman-tena ny karama noraisiny matetika nefa tsy nahita asa hafa izy :

Todas as portas se fecharam para mim. Não tive outra opção a não ser ir para a rua. Se eu pudesse, escolheria outra vida. Como não posso, me concentro e trabalho muito para poder juntar algum dinheiro para um dia abrir um negócio. Vou ficar velha e ninguém mais vai me querer.

Nanakatom-baravarana ahy avokoa ny rehetra. Tsy nanana fomba hafa aho ankoatra ny namonjy ny sisin-dalana. Raha azoko natao dia nisafidy fiainana hafa aho. Fa tsy afa-nanoatra aho, miasa mafy sy mifantoka amin'ny asako aho hanangonam-bola ary indray andro any angamba, mba manana ny fidiram-bolako manokana aho. Ho antitra aho ka tsy hisy intsony ny hila ahy.

Jejo, mihaingo sy tsara fiakanjo, milaza i Marcela fa mandoa hofantrano 30 réais (12 euros) isan'andro amin'ny makorely (ilay tompontrano itoerany), sy vola mitovy amin'izany amin'ny tranon-tsarimihetsika (iasany), izay mpiara-miombon'antoka amin'ilay makorely. Faniriany ny handao io trano io sy hanofany efitrano manokana miaraka amin'ny mpiara-miasa aminy telo ao Fortaleza mba ahafahany mandray mpanjifa mandritra ny mondialy.

Eu tenho anúncios em sites e também quero ir para a rua na época da Copa. São Paulo estará cheia de gringos e mesmo brasileiros de outros estados, quero aproveitar.

Efa nandefa filazana tamin'ny tranonkala aho ary te-handeha eny an'arabe ihany koa mandritra ny mondialy. Ho feno Amerikana (vahiny) i São Paulo ary ho betsaka ihany koa ny Breziliana avy any amin'ny fanjakana hafa, te-hanararaotra izany aho.

Mba hahazoam-bola betsaka dia neken'i Marcela fa efa nanao firaisana ara-nofo tsy misy fimailo izy ary misy fifanoherana ny teniny:

Tem gente que paga o dobro e até o triplo do valor para transar sem camisinha, aí eu acabo fazendo. Estou com medo de fazer o exame [de HIV], mas sei que a saúde vem em primeiro lugar.

Misy ny lehilahy mandoa avy roa na avy telo heny mihitsy aza mba hanaovana firaisana tsy misy fimailo, dia nanaiky ihany aho ny farany. Matahotra ny hanao fitiliana [VIH] aho, fa fantatro tsara fa ny fahasalamana no voalohan-daharana.

Rehefa tapitra ny mondialy dia fanirian'i Marcela ny hankany Eoropa mba hahazoany vola amina euros.

Arena Castelão em Fortaleza/ Imagem:Castelao Stadium/Wikimedia Foundation/Uso livre

Iray amin'ny kianja handray ny mondialy 2014 ny Arena Castelão ao Fortaleza Saripika: Castelao Stadium/Wikimedia Foundation – Azo ampiasaina malalaka

Já falei com uma pessoa que leva travestis para lá. Ela cobra 10 mil reais para passar a gente.

Efa nifampiresaka tamin'olona iray mpitondra travestis [sarimbavy] any aho. Mangataka 10.000 réais (3800 euros) izy raha te-ho tafapita any aho.

Nanontany azy aho raha matahotra izy.

Que nada, é a mesma coisa daqui, só que ganhando em euro.

Tsia, mitovy ihany ny any sy ny aty, fa ny any mandray vola amina euro

Ny fiverenana any Fortaleza, dia ho fanaovana vakansy fotsiny, tahaka izay efa natao volana vitsivitsy lasa izay :

Nossa, me senti uma celebridade lá, me senti como a presidente Dilma! Todo mundo vinha falar comigo, ver como eu mudei, até as pessoas que falavam mal de mim viram que eu conquistei.

Andriamanitra o, mahatsapa tena ho tahaka ny olo-malaza aho any, tahaka ny hoe izaho no filoha Dilma (NdT: filohan'i Brezila) ! Tonga hiresaka amiko avokoa ny rehetra, hijery ny fiovako, na ireo nanaratsiratsy ahy aza mahita ny fahombiazako.

Amin'ny vola azony mandritra ny mondialy sy izay tiany ho azo any Eoropa no tian'i Marcela hahazoany tombontsoa amin'ny fahombiazany, izay itokisany, ho tafiditra ao amin'ny Ceará ka hananganany ny fidiram-bolany manokana. Trano fikolokoloana endrika (salon de beauté) na fivarotana akanjo, noho ny fankamamiany lamaody. Nijery ny famataranandrony izy ary nanao veloma. Ora fandehanany mankany amin'ny tranon-tsarimihetsika izao.

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.