Tantara tamin'ny 16 Avrily 2013
Nampametra-panontaniana Ny Fitokonana Tsy Hihinan-kanina Nataon'ny Mpitoraka Milaogy Iray Teratany Iranianina
Fa raha toa ka nampitandrina ny mpitoraka bilaogy sasany fa tandindonin-doza ny ain'i Mehdi Khazali taorian'ny nanaovany fitokonana tsy hihinan-kanina nandritry ny 90 andro mahery, dia teo kosa ireo izay manontany tena hoe tena marina tokoa ve ny fisian'izany fitokonana tsy hihinan-kanina izany.
Poizina Ho An'ireo Rosiana Mpanao Gazety Ny Labiera & Twitter Afangaro
Fitaovam-pitaterana mora sy azo antoka hifamezivezena ao Rosia ny fiarandalamby, indrindra fa raha ampitahaina amin'ireo arabe ratsy dia ratsy ao amin'ny firenena. Firenena lehibe i Rosia ary andaniana ora maro ny dia manasaraka ireo tanan-dehibe (na mety ho andro mihitsy aza). Noho ireo fahasarotana ireo, efa zava-mahazatra loatra araka izany ho an'ny mpandeha sasany ny misotro in-dray na in-droa mba handaniana ny andro. Indraindray aza dia mihoatra noho io ho an'ny olona sasany, eny fa na dia mpanao gazety aza.
Bodista Manontany Ireo Bodista Henjam-pihetsika
Maro amin'ireo Sinhla Buddhists no mijoro manohitra ilay herisetra vao haingana teo natao tamin'ireo Silamo sy ny fivavahana hafa, ary ireo lahateny feno fankahalana nataon'ny Bodu Bala Sena (hery Bouddhiste), fikambanana iray Sinhala-Buddhist mahery fihetsika miorina ao Colombo (Sri Lanka). Naparitaky ny mpitandro filaminana sy ireo bodista mahery fihetsika ny fiaretan-tory iray nitondràna labozia tao Colombo renivohitr'i Sri Lanka, nokarakarain'ny vondrona Faceboob 'Buddhists Questioning Bodu Bala Sena’.
Hetsi-panoherana Sy “Faritra Mamanàla” Ny Tao Brooklyn Taorian'ny Namonoana An'i Kimani Gray
Maty teny am-pelatanan'ny polisy roa tao an-tanànan'i New York i Kimani Gray, tovolahy amerikana 16 taona manam-pihaviana Afrikana, tamin'ny Sabotsy 16 Martsa. Nisy korontana tao nandritra ny efatra andro nisesy tao Brooklyn ary nambaran'ny polisy fa "faritra mamanàla" ireo tany amin'ity faritra manodidina an'i New York ity. Niparitaka be teny anivon'ny tambajotra sosialy ny vaovao mikasika ity zava-doza ity noho ny tsy fahampian'ny tatitra avy amin'ireo fampahalalam-baovao mahazatra.
Venezoela: Voabahana Nandritra Ny “Telo Minitra” Ny Aterineto Tamin'ny Androm-Pifidianana
Ny hariva be tamin'iny Alahady 14 Aprily androm-pifidianana tao Venezoela iny, tapaka ny fahafahana miditra aterineto tamin'ny alàlan'ny CANTV, ilay voalohany mpanome tolotra ao amin'ny firenena, efa ho roapolo minitra hoy ny filazan'ireo mpampiasa azy io ary "tsy nihoatra ny telo minitra" hoy ny manampahefana..
