Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Fifidianana Filohampirenena Madagasikara: ireo kandidà efa nirotsaka sahady

Tapaka fa amin'ny Alarobia faha-24 Jolay 2013 no hotanterahina ny fifidianana Filohampirenena any Madagasikara. Nisokatra ny Alatsinainy 8 Aprily hoan'ireo kandidà kosa ny fanaterana ireo antontan-taratasy firotsahan-kofidiana. Araka ny tatitra nataon'i JR ao amin'ny vohikala aoraha.com, ireo kandidà efa nirotsaka sahady dia:

Tsy niandry ela fa kandidà telo avy hatrany no nirohotra nanatitra ireo antontan-taratasy firotsahan-kofidiana amin’ny fifidianana Filohampirenena tetsy amin’ny birao misy ilay Vaomiera manokana misahana ny raharaham-pifidianana tetsy Ambohidahy, omaly [ndlr. Alatsinainy 8 Aprily] […] Praiminisitra lefitra misahana ny Fampandrosoana sy ny fanajariana ny tany, Hajo Andrianainarivelo […] ny filohan’ny antoko Mts, Roland Ratsiraka […] ny mpitarika ny antoko Psdum, Lahiniriko Jean.

Narahin’ireo kandidà hafa avy hatrany:

Anio maraina no hanatitra ny antontan-taratasy firotsahan-kofidiana amin’ny fifidianana Filohampirenena etsy amin’ny lapan’ny Fitsarana avo momba ny Lalàm-panorenana etsy  Ambohidahy Dr. Jean Louis Robinson […] Omaly [ndlr. Alakamisy 11 Aprily] ihany koa no nanatitra ny antontan-taratasy firotsahan-kofidiana ny minisitry ny Raharahambahiny am-perinasa, Pierrot Rajaonarivelo

Isan'ireo izay nanambara ny faniriany ho kandidà Filohampirenena koa ry Edgard Razafindravahy, Vahombey, Dr Kolo RogerPatrick Rahari­manana ary Sylvain Rabetsaroana. Andrasana tsy ho ela ireo kandidà atolotr'ireo antoko politika hafa.

Vaovao farany: na dia tsy ampy enim-bolana aza no niverenany any an-tanindrazana [isan'ireo fepetra ilaina nofenoan'ireo kandidà] dia Rtoa Lalao Ravalomanana, vadin’andriamatoa Marc Ravalomanana, filohampirenena teo aloha no kandidà notendren'ny antoko politika TIM [Tiako I Madagasikara] [fr]:

c’est Lalao Ravalomanana, la femme de l’ex-chef d’Etat qui a été choisie [ndlr. par la mouvance Ravalomanana] comme candidate à la présidentielle. […] Marc Ravalomanana a décidé de ne pas rentrer à Madagascar

“Rtoa Lalao Ravalomanana, vadin'ny Filohampirenena teo aloha no kandidà nofidian'ny ankolafy Ravalomanana hatolotra ho kandidà Filohampirenena […] nanapakevitra tsy hiverina any an-tanindrazana kosa i Marc Ravalomanana”

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.