Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Lahatsary Ahitàna Mpianatra Misedra Ny Tsenan'asa Tsy Misy Indrafo Ao Japana, Mihodina Be Aty Anaty Aterineto

Mafy ny mahita asa ao anatin'ny toekarena henjana amin'izao fotoana izao. Saingy ho an'ireo mpianatra eny amin'ny kolejy Japoney, ny fomba fandraisana mpiasa faran'izay tena ifaninànana ao amin'ny firenena na “shu-katsu” izay manomboka herintaona na mihoatra izany aza mialoha ny hahazoana diplaoma, dia mitondra ny zava-drehetra ho aminà dingana iray vaovao tanteraka.

Lasa mihodinkodina be aty anaty aterineto ny lahatsary fanentanana fohy mampihetsi-po “Recruitment Rhapsody”, izay fitaratry ny dingana henjana sy feno sakana ho amin'ny fihazakazahana mitady asa izay tsy maintsy iaretan'ireo Japoney mpianatra, ary efa in-350.000 no nisy nijery.

Ilay lahatsary novokarin'ilay mpianatra zavakanto, Maho Yoshida [ja], dia nakarina ho ao amin'ny YouTube tamin'ny 9 Martsa 2013 ary maneho tsara ny tsy fiasàna sain'ny mpianatra iray avy eny amin'ny anjerimanontolo izay tampotampoka teo dia niatrika ny ady amin'ny fitadiavana asa teo anivon'ireo andevon'orinasa vonombonona, afaka mifaninana sy manao fanamiana mitovy.

afas afsa mpampiasa YouTube dia nanao jeritodika ny andro làsany fony nikaroka asa, ao anatin'ity fanehoankevitra ity [ja] :

afas afsa:
ああこんな感じだったなあ 不気味な就活生の一員になるのは嫌だったけど、内定が無いのも嫌­だった
笑われないよう間違えないよう、見よう見まねで、自分も不気味な­就活生に成り果てた
「就活が下手」という、ただそれだけの理由で、一体どれぐらいの­才能ある若者たちが無能のレッテルを貼られて心を挫かれていった­のだろうと思った

Oay, Tsaroaka fa tahaka io koa aho fahiny. Halako ny ho isan'ireo marobe mpitady asa, saingy halako koa ny tsy mba mahazo tolotra asa. Niezaka aho ny tsy hanao hadisoana, mba tsy ho fihomehezana… nanao fotsiny izay nataon'ny olona sasany. Dia izany sisa no niafarako nohon'ny haratsiana tafahoatr'ilay fitadiavana asa voalohany. Manontany tena aho ny amin'ny isan'ireo tanora manana fahaizana tsy maintsy hopetahana marika hoe tsy alehany ary ho vaky fo, satria fotsiny hoe “tsy ampy traikefa teo amin'ny fikarohana asa” ry zareo.

Na tsy ratsy miohatra amin'ny ankamaroan'ireo tany mandroso aza ny tsy fananan'ny tanora asa any Japana, ny ankamaroan'ireo mpaneho hevitra no miahiahy hoe ny rafitra ara-tsosialy henjana, fa tsy ny toekarena, no mahatonga ny dingan'ny fandraisana mpiasa ho tena ifaninanana be sy sarotra :

Bad Apple:
自分を取り繕うだけで社会から認められるという社会構造がまずゴ­ミだな。

Raha toa ka ny fanafoananao ny tena maha-ianao anao no hany lalan-tokana hahazoana ny fankatoavan'ny fiaraha-monina, dia ny rafitry ny fiarahamonina izany no lo voalohany indrindra, sa tsy izany ?

blackkitty0312:
日本はこういう社会構造だというのを世界から見てどう思うのか?­

Raha toy io no rafitra ara-tsosialy misy ao Japana, inona no tsy maintsy hoeritreretin'izao tontolo izao rehefa mahita azy io ?

photo by Dick Thomas Johnson (CC BY 2.0)

Mpianatra manatrika fotoana femelabelarana ataonà orinasa misahana fampidirana hiasa.
Sary an'i Dick Thomas Johnson (CC BY 2.0) nalaina tamin'ny 11 Desambra 2011

kokore012ify:
今の日本社会にはどこか束縛があるような気がする。ビニールハウ­スに閉じ込められたような。これからの日本はもっと自分という人­間を表現できる時代が来るべきだと思っている。動画をうpされた­かた、本当に面白い作品でした。

Tsapako ho tahaka ny misy faneriterena izany ao anatin'ny fiarahamonina Japoney amin'izao fotoana, toy ny hoe voahidy anaty efitrano fambolena (serre) izany aho. Amin'ny hoavy eto Japana, tsapako fa hisy fotoana iray hahafahanao maneho ny hevitrao amin'ny maha-olombelona anao. Misaotra anao tamin'ny nampakaranao ity lahatsary ity, tena nahaliana tokoa  ilay izy.

Kanefa misy sasany amin'ireo mpaneho hevitra no tsy miombon-kevitra amin'ny hoe manitsaka mamotika ny maha-izy ny tsirairay ny rafitra fandraisana mpiasa :

Mephist007:
就職するという意味を良く考えよう。貴方に給料を払ってくれるの­は、貴方を拘束しているからじゃない。また自分が利益を作り出せ­る人間であれば会社に所属する必要はない。もはや「働いたら働い­た分お金がもらえる」という仕事は存在しない。たとえ数年は無理­でも、将来会社の利益を作り出せる人材であると思ってもらえれば­、会社は貴方を雇用します。貴方と会社は対等なのです。

Ndeha hosaintsainintsika ny dikan'ny atao hoe “asa”. Raha toa aho mandoa karama ho anao, tsy sanatria hoe te-haneritery anao aho. Ny olona izay afaka mamokatra ny tombony ho an'ny tenany manokana dia tsy mila miantehitra amin'ny orinasa iray. Tsy misy intsony ilay karazany hoe “Miasà, dia mahazoa vola arakaraky ny minitra niasàna”. Na dia tsy hisy toy izany hitranga intsony aza mandritra ny taona vitsivitsy, raha misy olona maro hiteraka tombony ho an'ny orinasa amin'ny hoavy, mbola hampiasa azy ireny ny orinasa. Mitovy ianao sy ny orinasa.

aiueoribabaable:
この動画はよくできていると思います。ただ、「就活はやっぱり馬­鹿らしい」みたいなコメントはどうかと。いままでの受験だって偏­差値という画一的な価値観に自分を合わせる作業だったし、社会っ­てそういうものでは??
それに就活生に同じように求められている社会の基礎的なマナーで­あって(だって茶髪・長髪で面接に行くのはおかしいでしょう)、­その上に個性はいくらでも築けるよ。

Izaho mihevitra hoe tena vita tsara tokoa ity lahatsary ity. Saingy misalasala aho ny amin'ny fahendren'ireo karazana fanehoan-kevitra manao hoe “tena hagaigena ny fikarohana asa!”. Tany an-tsekoly, nitovy daholo ny fanadinana, ary anjaranao ny manaraka ny fenitra. Tsy toy izany ihany ve ny tranga ho an'ny fiarahamonina?
Ny fomba fanao fototra mitovy amin'izany eny amin'ny fiarahamonina dia takiana amin'ireo mpianatra mitady izay ho asany voalohany ihany koa (Hafahafa ihany ny handeha hanatrika dinidinika miaraka aminà volo misarakorako, na volo nolokoina). Na izany aza anefa, azonao atao ihany ny mampivoatra ny maha-ianao anao manokana ivelan'ireo ankosotra [fandraisana mpiasa]. 

posaburo mpampiasa YouTube dia nandeha lavidavitra kokoa sady nanoso-kevitra hoe mila misaina tsara tsy manara-drenirano fotsiny ireo mpianatra:

posaburo:
“模範解答のある社会から、模範解答の無い社会に出るにあたって戸­惑う学生。 就活にあたって「こうしなければ」と思っている時点で「模範解答­社会=学校」から
抜け出せていない。人の真似をしていたらビジネスはできないよん”

Satria ireo mpianatra nampianarina fotsiny ny “valiny marina” fony tany an-tsekoly, sahiran-tsaina ireny mpianatra ireny rehefa injay miatrika ny tena tontolo, tsy misy valiny efa voafaritra. Rehefa mitady asa, heverin-dry zareo fa tsy maintsy manaraka ny “valiny marina” ny zavatra ataony, ary tsy mbola vitan-dry zareo mihitsy ny miala amin'ilay toe-tsaina tany an-tsekoly. Tsy afaka manao fandraharahana izany mihitsy ianao raha maka tahaka fotsiny ny efa nataon'ny olona, sa tsy izany?

Dikantenin'ireo fanehoankevitra, nataon'i Andrew Kowalczuk

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.