Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Aostralia: Hetsiky Ny Mponina Enti-manohitra Ny McDonald Any Amin'ny Vohitr'izy Ireo

Nanana fifandraisana mivantana tamin’ny hetsi-panentanana anaty aterineto ny hetsika fanoheran'ireo mponina ny McDonald vaovao any amin'ny havoanan'i Melbourne any ivelan'ny tanànan'i Tecoma. Ny Oktobra 2012, nofoanan’ny fitsarana ara-panjakana ny fanapahan-kevitra nataon'ny Filankevitry ny tanàna handà faobe ny tolokevitra iray an’ny Maccas hanokatra fast food iray vaovao, .

Hatreto dia manana lahatsary telo ny vohikala Burgeroff mirakitra ny hetsi-panentanan'izy ireo. Ny voalohany dia navoaka tamin'ny fotoanan'ilay fanapahan-kevitra:

Ho fanampin'ireo fanasàna atidoha, fivoriana sy fidinana an-dalam-be, nitondra zava-mahafinaritra ho an'ireo hetsi-panoherana tamin'ny alalan'ny famelàna olona kely an-jatony eo amin'ny tohotohotry ny birao foiben'ny McDonald ireo mafana fo. Miandry ny “fanisàna ireo olona kely izahay”.

Gnomeageddon

Hetsi-panoheran'ny Gnomeageddon any amin'ny foiben-toeran'ny McDonald any Melbourne
Sary nalaina tao amin'ny vohikala Burgeroff

Misy ilay pejy Facebook tsy azo ihodivirana: NO McDonalds in The Dandenong Ranges izay manana mpankafy eo amin'ny 6000 eo. @SAVE_TECOMA, ilay kaonty Twitter an'ny mpanohitra ny McDonald ao Tecoma, dia nampiasaina vao haingana izay ‘HANDETEHANA NY LAMIN'NY MACCAS!

@SAVE_TECOMA: Androany izany no mitranga ry akama a. Azafady, afaka manone ve ianao  5 minitra, ny findainao ary ny feonao https://www.facebook.com/events/100475593476242/

Misy fanangonan-tsonia ao anaty aterineto nosoniavin'olona 9000.

Tenifofotra iray malaza ihany koa ny #burgeroff tamin'ny fanapariahana ny teny. I Freiheitdance (Kari) aza dia nanonona zanaka iray malaza avy ao amin'ny faritra:

‏@freiheitdance: #JulianAssange dia nipetraka tao Tecoma & Emerald. Manomboka eto ny hetsi-panovàna. Ndeha hangataka ny “tsy Burger avy ao Tecoma” aho izao. #burgeroff

John Weiss dia mpanohana ny firosoan'ny McDonald. Nifaniamby tamin'ireo mpanohitra azy izy tao amin'ilay vohikala Burgeroff ary nampiasa ny pejiny Facebook ho amin'ny fanaraha-maso ny firotsahan'ireo ankizy ho ao anatin'ny hetsi-panentanana:

Oao, lehibe maro mandrahona zazakely. Tsara kosa izany fanambaràna ho an'ny hevitrareo izany koa. Tsy misy afa-tsy ny fanararaotana ankizy avy aminà vondrona jiolahim-boto an-tsekoly!

Ny lahatsary farany, March Against Maccas (Diabe enti-manohitra ny Maccas), dia nandrakitra an-tsary ilay fidinana an-dalam-be ny 2 Martsa 2013:

Nanome toky ireo olona marobe efa ho 3000 fa “nijoro niaraka indray ny vondrom-piaraha-monina hanambara fa tsy hiverin-dàlana amin'ity ady ity izy ireo”.

Tsy ‘tia’ azy io mihitsy izy ireo!

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.