Avy Any Arzantina Ny Papa Vaovao, Jorge Bergoglio

Ilay kardinaly Zezoita avy any Arzantina, Jorge Mario Bergoglio,  no Papa vaovao ho an'ny Fiangonana Katolika. Manomboka ny 13 Martsa 2013, ho fantatra amin'ny anarana hoa Papa François i Bergoglio.

Nalaky be tamin'ny fanehoankevitra ireo mpisera anaty aterineto taorian'ny fanambaràna fa hoe sambany no avy any Arzantina, ary Amerikana Latina, no hitondra ny Fiangonana Katolika.

Avy any  Buenos Aires, nanoratra i Rodrigo Hernán Torres (@RodrigoH_Torre) [es] hoe :

@RodrigoH_Torre:#Bergoglio es nuestro nuevo Papa FELICITACIONES! Y todo el exito en este nuevo desafio y camino que comienza, es un momento historico

@RodrigoH_Torre:#Bergoglio no papantsika, ARAHABAINA! Ary mirary soa rehetra ho azy aho amin'ity fanamby vaovao sy làlana izay vao miandoha, mandritra ny fotoana manan-tantara ity.

Jorge Bergoglio, image from Wikimedia Commons

Jorge Bergoglio, sary avy ao amin'ny Wikimedia Commons

Maro tamin'ireo mpampiasa Twitter no nampifandray ny vaovao tamin'ny baolina kitra, toa an'i Aaron Zamost (@zamosta) izay mitanisa ny  “tànan'Andriamanitr'i”  Diego Armando Maradona:

@zamosta; Papa François no faharoa avy any Arzantina  nahakasika ny tànan'Andriamanitra. http://bit.ly/KpI47u

Na ilay mpanolotra fandaharana amin'ny TV monina any Etazonia,  Piers Morgan (@piersmorgan), aza dia nanana ny azony lazaina mikasika ny baolina kitra ao Arzantina:

@piersmorgan: Manana ny N°1 Katolika, N°1 amin'ny mpanao baolina kitra eto ambonin'ny tany ankehitriy i Arzantina. #Bergoglio #Messi

Anatinà lahatsoratra matomatotra kokoa, nibitsika i Caren Kalafatich (@CarenKalafatich) [es] hoe :

@CarenKalafatich: Somos argentinos, y es nuestra esencia: Festejamos un “Papa” pq es “argentino” y no hablamos de #Bergoglio como hombre y su conservadurismo

@CarenKalafatich: Avy aty Arzantina izahay, io no antom-pahavelomanay: Mankalaza ny “Papa” izahay satria izy  avy aty “Arzantina” ary tsy hiresaka an'i  #Bergoglio amin'ny maha-olona sy lehilahy mpitahiry ny fomba azy izahay.

Marobe ireo mpampiasa twitter no manontany ny mety ho fandraisan'anjaran’ilay Papa vaovao tamin'ny Fitondrana Jadona tany Arzantina tamin'ny 1976-1983, tahaka an'i Guillermo Prein (@GuillermoPrein) [es]:

@GuillermoPrein: El Cadernal #Bergoglio elegido Papa a pesar de su no explicada participación en ella última dictadura y del cerco a pederastas como Grassi

@GuillermoPrein: Ny Kardinaly #Bergoglio voafidy ho Papa na teo aza ny fandraisany anjara mbola tsy voazava hatrizao tamin'ny fanaovana jadona farany sy ny “fananganana fefy” hanafenana ny resaka fanolanan-jaza tahaka an'i Grassi

Ho entinay ho anareo eto misimisy kokoa ny fandrakofana ny fanehoankevitr'ireo olon-tsotra sy ny fandalinana avy any Arzantina sy Amerika Latina. Aza miala.

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.