Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Nambabo Ny Fon'ireo Media Vaventy Fa Tsy Naharesy Lahatra Ny Mpisera Anaty Aterineto i Fu Ying, Mpitondra Teny Vaovaon'ny Parlemanta Shinoa

Voalohany indrindra teo amin'ny tantarany, manana ny mpitondra teniny ny parlemanta ao Shina.

Raha toa izao tontolo izao mifantoka any amin'ny Praiminisitra Shinoa, Wen Jiabao, satria izy nanao fanaovam-beloma farany teo anoloan'ny Kaongresim-Pirenen'ny Vahoaka (NPC) tamin'ny 5 Martsa 2013, ny media any amin'ny tanibe koa revo sy babon'ny fe-potoam-pitondran'i Fu Ying, ilay mpitondra teny vaovao, izy nandray ny asany voalohany nitarika tafatafa iray ho an'ny mpanao gazety tamin'io andro io ihany.

Fu, minisitry ny raharaham-bahiny sady masoivoho fahiny tany Angletera, no vehivavy voatondro hitana io toerana io. Zendana tamin'ny fomba mendrika sy ny maha-olona azo ifampiresahana tsara an'i Fu ireo media tao amin'ny tanibe, ary ny tena manan-danja indrindra, ny fihazonany n y toerany manolona an'ni Japana sy ny valinteny matotra nasetriny ireo fanontaniana manahirana.

Saingy ireo mpisera ety anaty aterineto manao jery maika eny antsefantsefan'ny fanamarihany eny dia niahiahy hoe, na eo aza ny fandravàny ny fefin'ny anjara toeran'ny lahy sy ny vavy fahagola, dia mbola mpanao kobaka am-bava tsy misy toy izany i Fu.

“Fu Ying, ny diplaomasian'ny ‘vehivavy henjana’ (dame de fer)”, no mibaiko ny gadona”, hoy ny gazety China Daily nanoratra :

NPC's new spokeswoman Fu Ying chaired the news conference on March 5, 2013. (A screenshot from youku)

Fu Ying, mpitondra teny vaovaon'ny NPC nitarika ny tafatafa ho an'ny mpanao gazety natao ny 5 Martsa 2013. (dikasarein'ny fàfana tao amin'ny youku)

Miasa saina i Fu raha toa ireo mpanangom-baovao ka mahafantatra tsara ny [fomba fitantanana tsara-afin'ny tetibola] ka nanazava azy io tamin-dry zareo. Namela namana iray fahiny avy amin'ny CNN aza izy hametraka fanontaniana saingy taminm-bazivazy no nangatahany azy hametraka “iray tsotsotra”. Tsy nisoroka izay resaka mikasika olana izy. Rehefa nanontaniana momba ny fandotoana tontolo iainana ao Shina, nilaza i Fu fa isa-maraina izy no misintona ny lambam-baravarankeliny mba hijery sao misy setroka.

Ny Caijing, gazetiboky miresaka ny ara-bola, dia niarahaba [zh] azy:

比较傅莹和前几任发言人的风格,会发现傅莹多了亲切柔和,少了严肃说教;多了推心置腹,少了针锋相对;多了答问的话,少了精粹精炼。 很难绝对说谁好谁不好,傅莹开创了柔性外交的“傅莹模式”,她到人大再弄出一个发言人的柔性风格,也未尝不是有益的探索。如果多几个傅莹,多以心香之诚将心比心,多纪其实存其真,只会有助于中国和西方打交道。

Raha mitaha amin'ilay mpitondra teny tany aloha, hahita an'i Fu Ying ho malefaka sy mora alaina namana kokoa ianao, tsy henjana loatra ary mahay mampita hevitra; miresaka amin'ny fo kokoa, tsy mpamaly faty loatra; valinteny bebe kokoa ho an'ireo fanontaniana, tsy miditra lalina. Sarotra ny hiteny hoe izano tsara ary iza no tsy tsara, saingy namorona fomba ho azy manokana i Fu Ying raha resaka diplaomasia — “Fu Ying mode“, Zavtra iray manampy sy mendrika ho trandrahana. Amin'ny fo tsy miangatra, raha manana karazany maro amin'ny Fu Ying isika, dia mety hanampy an'i Shina hifandray amin'ny tandrefana izany.

Ny Sina Weibo, tranonkala Shinoa fitorahana bilaogy kiritika, malaza ao Shina, dia tondraky ny fanehoankevitra mitongilana manohana an'i Fu. Iray amin'ireo mpampiasa i “Zheng Hongshen” nanoratra hoe [zh] :

郑洪升: 人大发言人傅莹,首次亮相便赢得中外媒体喝彩。为什么?其实原因很简单,如她的那头银发一样:不假,真诚。她迟到五分钟真诚向大家说明原因;她回答问题有自己的语言灬她面带微笑,而不板着面孔;她表明我们也是有血有肉的人,决非冷血动物。各位发言人,应向傅莹学习。

Nahazo ny fon'ireo mpampahalala vaovao avy ao an-toerana sy iraisam-pirenena ny fanombohan'ny fe-potoam-piasan'i Fu Ying amin'ny maha mpitondra teny vaovaon'ny Kaongresim-Pirenana ho an'ny vahoaka azy. Nahoana? Raha ny marina, tsotra kely ny antony, tahaka ny volony manompy volom-batolalaka, tsy manao sarintsariny mihitsy izy, tena tamin'ny fony tanteraka. Nazavainy antony nahatara dimy minitra azy; nampiasa ny teny azy manokana izy rehefa namaly ireo fanontaniana, ary mitsiky mandrakariva fa tsy hoe mikentron'endrika; asehony fa nofo aman-drà isika, fa tsy toy ireny biby manana rà mangatsiaka ireny. Tokony haka an'i Fu Ying ho lesona ireo mpikabary rehetra.

Zhang Shuhong, zokiolona amin'ny fanaovan-gazety, dia  naneho hevitra hoe [zh]:

涨势如鸿 :看傅莹女士作为人大新闻发言人的首秀,我觉得可以打80分。形象很优雅,言谈颇从容。通过大会堂迷路、探亲说反腐、出门备口罩等桥段,把个人感受融入到严肃的话题之中,拉近了与听众的距离。最后亲自指定CNN的老朋友提问,颇有人情味。而对这个问题的回答也成为整场记者会上最精彩的部分。

Taorian'ny nijerena ny fandraisan'i Fu Ying ny asany tao amin'ny kaoferansan'ny Kaongresim-Pirenana ho an'ny vahoaka, heveriko fa azoko omena isa 80 izy. Sady tsara fijoro izy no tony. Niresaka mikasika ny fahaverezany tany anaty efitrano tany izy, nitsidika ny havany, ary fitondrany saron-tava rehefa mivoaka, nampidirany resaka mikasika ny tenany manokana teny an-tsefantsefan'ny lohahevitra manan-danja teny, izay nisarika ny mpanotrona hifanakaiky aminy kokoa. Nomeny ho an'ilay namany fahiny tao amin'ny CNN ny fametrahana ny fanontaniana farany, izay tena nanasongadina ny fomba fijeriny tsy mitanila. Ny valin'io fanontaniana io [mikasika ny rafitra politika ao Shina] dia lasa ihany koa ho ny teboka nanan-danja tamin'iny tafatafa manontolo ho an'ny mpanao gazety iny.

Ny fanehoan-kevitr'i Fu momba ny rafitra politika ao Shina dia niteraka resabe tety anaty aterineto satria nisavasava ravina ilay valinteny ireo mpampiasa rehetra. Fu nilaza fa efa nahita làlana hanavaozana ny rafitra politikany i Shina, sy hoe “tsy rariny ary tsy mitombina” ny filazàna fa tsy hankaiza i Shina raha tsy màka tàhaka ny firenena hafa hatao lasitra. Naneho [zh] ny hadisoam-panantenany i Zhao Shilin,mpanoratra:

赵士林微博 :怎能指望发言人嘴里讲出有价值的东西?傅莹云政治体制改革是制度的自我完善,这一句话,已经封死了政改的路。所谓政改,看来最多是部委调整调整,做点加减法。导致腐败和集权的一党独大看来碰都不能碰。一千零一次的期望,一千零一次的的失望。

Ahoana no hahafahantsika miandrandra zavatra manana ny lanjany avy amin'izay mpitondra teny? Lazain'i Fu Ying hoe rafi-panavaozana miainga amin'ny fihatsaràn'ny tena manokana ny fanavaozana ny rafitra politika. Ity fehezanteny ity monja dia mahafehy ny zotran'ny fanavaozana ara-politika. Ilay ambara fa fanavaozana ara-politika dia tahaka ny hoe fanamboarana ny governemanta ihany. Izay zavatra mahakasikasika ny fibodoan-toeran'ny antoko iray izay nitondra nankany amin'ny kolikoly sy ny tsy refesim-mandidy dia tsy azo kitikitihana. An'arivorivony ny fiandrandràna, fa an'arivorivony koa ny hadisoam-panantenana.

Zhao Xiao, mpampianatr avy ao amin'ny Anjerimanontolon'i Beijing momba ny Siansa sy ny Teknolojia, nanoratra hoe [zh] :

赵晓 :傅莹说:”很多中国人的意见是希望中国面对挑衅的时候,有更加强硬的姿态”。此乃外交。那对待内政问题:如奶粉品管、污染治理,官员财产申报、新闻自由乃至政治改革等方面,是不是也会如此顺应民意,积极回应呢?还是因为人们对这些问题的意见表达得还不够多呢?

Hoy i Fu Ying,: “Ny fomba fijerin'ny Shinoa, ao anatin'izany ny media, dia ny hoe te-hahita an'i Shina ho henjana be ry zareo, indrindra manolona ireo fandranitana.” Diplaomasia io. Ahoana ny momba ny fiatrehana ny olana anatiny? Ny fanarahamaso ny kalitaon'ny ronono, ny fanarahamaso ny fandotoana, ny fanambaràm-pananan'ireo manampahefana, ny fahalalahan'ny asa fanaovana gazety, ary hatramin'ny fanavaozana potilika… mba hanaraka ny fomba fihevitry ny daholobe ve ny governemanta, ary hiasa mavitrika amin'ny famaliana azy ireny? Sa tsy dia ampy loatra ny fomba nentintsika naneho ny fomba fijerintsika mikasika ireny olana ireny?

Yang Hengjun, mpanao gazety, nanoratra mikasika ny valinteny farany avy amin'i Fu :

我如果是记者,会给傅莹发言人一个机会,也给中国一个机会,我会提一个问题,请她好好介绍一下人大制度。很显然,我们的两会与西方的议会在形式上非常类似,本质上却不同。任何一个国家都应该、能够、也必须把自己的制度说清楚,你得说清楚你那个制度如何运作,是否有效。

Raha mpanao gazety aho, mety omeko fotoana i Fu Ying, ary koa nomeko zara-vintana i Shina, fanotaniana iray no ho apetrako, tiako izy raha manao fampidirana mazava tsara ny atao hoe rafitra kaondresim-bahoaka. Mivandravandra be, ilay endriny misy fotoam-pivoriana roa dia mitovy kely ihany amin'ny any (t)Andrefana, saingy samihafa amin'ny resaka votoatiny. Ny firenena rehetra dia tsy tokony hahay, ary tsy maintsy manazava tsara ny rafitra misy ao aminy, tsy maintsy ataonao izay hampahazava ny fomba fiasan'ny rafitra aty amintsika sy ny hoe mitera-bokatra ve.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.