Manorisory Olo-Tsotra ny Polisy ao Kerala, India

Jyoti Singh Pandey, ilay zazavavy niady mafy ny ho velona taorian'ny fanolànana mahery setra izay nitarika azy ho amin'ny fahafatesana no mety ho Susana Trimarco (ilay reny Arzantiniana izay nahatonga ny fanovàna ny lalàna momba ny fanondranan'olona tany Arzantina) an'i India.

Tao amin'ny tafatafa nifanaovana tamin'ny Zee news no nanomezan'ny naman'i Jyoti ny antsipirihan'ny zava-nitranga tamin'iny alina mampihoron-koditra iny, sy ny fahelan’ny fahatongavan'ny polisy sy ny fitondram-panjakana tao Delhi. Nampangaina avy hatrany noho ny famoahana anaran'olona sy ny fandefasana ny tafatafa ny Zee news.

Raha ao anatin'ny Firenena Goavana G20 i India dia mijoro ho faharoa ratsy indrindra eo amin'ny herisetra atao amin'ny vehivavy. Tsy hoe tsy manana lalàna ampy hiarovana ny olo-pireneny ny demokrasia Indiana, fa ny mahavoa azy dia ny fitondra-tenan'ny fitondram-panjakana.

Namelona adi-hevitra mafana sy ny fomba fitandroana ara-maoraly ny filaminana ao amin'ny fiaraha-monina ny tranga nisy tao Delhi. Ankoatra ny toetran'ny fiaraha-monina, ahoana raha ny polisy indray no manorisory ny olo-tsotra fa tsy misoroka amin'ny heloka tahaka izany? Vao haingana dia haingana tany Kerala no nahitana tranga telo tahaka izany izay niadian-kevitra tao amin'ny media sosialy.

Polisin'ny Kerala  – Saripikan'ny mpisera Flickr Karmadude. CC BY-SA.

Nanoratra ny zava-nahazo azy fony nitsidika an'i Kerala avy any Bhutan i Sharon Rani. Niaraka tamin'ny namany nandany ny takariva tao an-tanànan'i Kochi ahitana olona avy amin'ny fokom-pirenena maro tao Kerala izy indray mandeha. Tamin'ny alalan'ny fanontaniana azy izay toerana niaviany no nanontanian'ny polisy miakanjo sivily azy tamin'ny resaka ara-pananahana miharihary ny fifandraisany amin'ny namany sady manorisory azy am-bava.

Namaly io lahatsoratra io i Shahina Nafeesa,

Bravô ry sakaiza Sharon, mankasitraka tamin'ny fitantarana ity zava-niainana mantsina ity. Fantatro ny hasarobidin'ny fotoana ho an'olona manao vakansy izany, naniry aho ny ametrahanao fitarainana an-taratasy mankany amin'ny IGP (Inspektera Jeneralin'ny Polisy). Tsy mieritreritra aho hoe manana ny valiny farany amin'ny fanontaniana rehetra ny fampiharana ny lalàna, saingy ny lalàna no mety hanana fiantraikany ho fitaovana tokana ho an'ny vehivavy mitolona mba ahafahana mifampiraharaha amin'ity tanàna tsy misy saina ity.

Tany Mavelikkara, tanàna iray hafa any Kerala, nisy a similar incident was tati-baovao mitovy amin'izao ihany koa izay namotoran'ny polisin'ny Kerala zazavavy 10 sy 16 taona ny fiainana ara-pananahan'izy ireo. Ny tena nakàna ireo ankizy ireo anefa dia ny hanontaniana ny fiheverana ho fandraisana anjaranny ray aman-dreniny ao amin'ny antoko Maoista voarara.

Miteny i Madhu Soodanan:

എന്തു ന്യായം പൊലീസിനും പട്ടാളത്തിനും പറയാനുണ്ടെങ്കിലും മനുഷ്യാവകാശ ലംഘനം നടത്താനവരെ അനുവദിയ്ക്കരുതു. നിങ്ങളുടെ രാഷ്ട്റീയ ശത്രുവിനു മേലിന്നു അതിക്രമം നടക്കുമ്പോൾ കണ്ണടച്ചാൽ നാളെ നിങ്ങളുടെ വാതിലും അവർ അർധരാത്രിയിൽ മുട്ടും.

Na inona na inona antony na polisy izy na miaramila, tsy tokony ekena velively ny fitsakitsahana ny zon'olombelona. Raha manakimpy maso amin'izao fanitsakitsahana izao ianao, dia hisy handondòna ihany koa ny varavaranao rahampitso.

Manohy i Girish Kumar,

വനിതാ പോലീസിനെ കുറ്റം പറയേണ്ട. അവര് ഈ സംവിധാനത്തിന്റെ ഭാഗം. പുരുഷപേലീസിനെ പോലെ അധികാരത്തിന്റെ ഭാഗം. യഥാര്ഥത്തില് ഈ കുഞ്ഞുങ്ങളെ എന്തിനാണു പോലീസ് പിടിച്ചത്. ഇവരുടെ കൂടെ യോഗം ചേര്ന്നവര് മാവോയിസ്റ്റുകള് അത്രേ. ഇതു രുപേഷിനെയും ഷൈനയേയും പിടിക്കാന് മക്കളെ ജാമ്യക്കാരായി പിടിക്കുന്നതിന്റെ ഭാഗം തന്നെ. അതിനു മനുഷ്യാവകാശ ലംഘനംതന്നെ മാര്ഗം.

Tsy misy antony itezerana ny polisy vavy. Ao anatin'ny rafitra anjakan-dehilahy fotsiny izy ireo. Nahoana moa izy ireo no nanontany ireo ankizy ireo? Nozarina ry zareo hikaroka ny ray aman-dreniny. Ny fanitsakitsahana ny zon'olombelona no hany fomba fiasan-dry zareo.

Nisy ihany koa ny fitateram-baovao fa mpivady ao an-tanànan'i Alappuzha no tohintohinin'ny polisy amin'ny toe-javatra mitovitovy amin'izany. Manontany i Jai Krishnan,

പ്രായ പൂര്ത്തിയായവര്ക്ക് വിവാഹം ഇല്ലാതെ തന്നെ ഒരുമിച്ചു ജീവിക്കാന് ഭരണ ഘടന പ്രകാരം അവകാശമുള്ള ഈ നാട്ടില് , അത് കാമുകി കാമുകന് മാരാനെങ്കില് തന്നെ നടപടി എടുക്കാന് എന്ത് അവകാശമാണ് പോളിസിനുള്ളത്?

Manambara ny Lalampanorenana fa afa-miara-monina na dia ny olon-droa tsy mpivady aza eto amin'ity firenena ity, eny fa na tsy mpivady aza izy ireo, ahoana moa no samborin'ny polisy izy ireo noho ny fiarahany?

Raha toy izao moa no anazarana ny vondro-kerin'ny polisy hifehy ny lalàna sy ny filaminana ho an'ny olom-pirenena ao aminy, hisy fivoarana ve ao amin'ny fiaraha-monina rahampitso?

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.