Nanambara ny Filoha Zambiana teo aloha Rupiah Banda, avy amin'ny antoko MMD, izay resin'ny filoha ankehitriny, Michael Sata avy ao amin'ny Mandan'ny Tia Tanindrazana (Patriotic Front (PF) tamin'ny fifidianana 2011 [1]fa tsy nanohitra ny valim-pifidianana izy satria tsy tiany hiatrika ady ny firenena, raha toa kosa ka nivonona tamin'izany ady izany ny mpifaandrina aminy.
[2]Filoham-pirenena Zambiana Rupiah Banda. Sary avy amin'i Antonio Cruz/ABr, Creative Commons (CC BY-SA 2.5)
Nivoaka vao haingana ny lahatsary YouTube [3] ahitana resadresaka tao amin'ny Fahitalavitra Afrik Production nandritra ny fandalovan'ny filoha teo aloha tao amin'ny Oniversite Boston ao Etazonia tamin'ny taon-dasa. Tamin'ny resadresaka, hoy Andriamatoa Banda:
[…] Teny am-piandohana, nazava tsara fa nilaza ny fanekeko ny valim-pifidianana aho. Eny, lazaiko fa angamba efa natoky tena ihany aho fa tokony handresy […] Raha tena nifanakaiky be (ny valim-pifidianana) angamba afaka notoheriko ihany saingy, fantatrao, fa efa tena niharatsy ny toe-draharaha tao amin'ny firenena. Ny mpifanandrina amiko, izay nandresy tamin'ny fifidianana, efa nilaza am-pahibemaso fa raha tsy mandresy izy ireo, dia hanambana ady ary handranitra antsy eny an-dalambe, ary toy izany ny fanombohan'ny toe-javatra. Tsy te ho isan'ny hahazo tsiny amin'ny fandatsahana ny ràn'ireo vahoaka zambiana aho.
Hoy ny vakin'ny fihetseham-po iray tamin'ny lahatsary navoakan'i katebebe1 [4]:
Rupiah, nifantoka izany ve ianao ary nihevitra izany tamin'ny fisehoanao imasom-bahoaka, mety ho voafidy indray ianao tamin'izany. Saingy ny fieboebon'ireo lefitrao no namaritra ny endrikao imasom-bahoaka. Omeko tsiny ireo tanan'ankavananao thaka ny anomezako tsiny anao.
Tao anatin'ny filaminana no nanoloran'Andriamatoa Banda ny fahefana [5] ho an'ny filoha vao voafidy Sata roa andro taorian'ny fifidianana 20 Septambra 2011 ary nanomboka hatreo no nanatontosany iraka iraisampirenena maro ka anisan'izany ny fandalovana fohy [6] tao amin'ny Oniversiten'i Boston, ao Etazonia izay nanatontosana ity resadresaka niarahana taminy hitantsika eto ambony ity.