- Global Voices teny Malagasy - https://mg.globalvoices.org -

Mirongatra ny andiam-balala ary manambana Kere ny faritra Atsimon'i Madagasikara

Sokajy: Afrika Mainty, Madagasikara, Fahasalamàna, Fampandrosoana, Fifandraisana iraisam-pirenena, Mediam-bahoaka, Sakafo, Tontolo_iainana, Vaovao Mafana, Voina, Vonjy Voina
Valalan'amboa Madagasikara [1]

Valala any amin'ny faritra Atsimon'i Madagasikara sary nalain'i christopheandre nindramina tamin'ny flickr fahazahoandalana laharana CC-BY-NC

Namoaka fambaraloza ny governemanta Malagasy [2] [fr]:

Le Gouvernement malgache a la déclaré l'etat d'ALERTE NATIONALE suite à une invasion de criquets dans le sud qui ravagent les cultures et menace la sécurité alimentaire

“Namoaka fambaraloza ny governemanta Malagasy taorian'ny firongatr'ireo valala any amin'ny faritra Atsimon'ny nosy, izay manambana ny fanjariam-pambolena sy ny fahampian-tsakafo”

Tombatomban'ny Tetikasan’ny Firenena Mikambana momba ny sakafo na FAO fa vola mahatratra 10 tapitrisa dolara ankehitriny no ilaina maika hoe enti-miatrika ny tsy fahampian-tsakafo izay haterak'izany loza izany [3] [fr].