Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Etazonia: Tsy Noresahana Nandritra ny Adihevitra Momba Fifidianana Filoham-pirenena Fahatelo sady Farany i Amerika Latina

*Raha hanaraka ny fitantarana teo aloha mikasika ny adihevitra momba ny fifidianana filoham-pirenena Amerikana, tsindrio eto sy eto [es].

Lynn University ao Boca Raton, Florida no nandray ny adihevitra fahetelo sady farany momba ny fifidianana filoham-pirenena Amerikana eo amin'ny filoha Barack Obama sy ny Governoran'i Massachusetts teo aloha, Mitt Romney. Araka ny efa nampoizina, nifantoka momba ny politika ivelany ny adihevitra, indrindra ny mikasika an'i Shina sy ny Afovoany Atsinanana. Somary mahagaga, fa tamin'ny fankalazana ny faha-50 taona nitsingerenan'ny Krizin'ny Balafomanga Kiobana no notanterahana ny adihevitra, iray amin'ireo vanim-potoana sarotra indrindra teo amin'ny tantara politika ivelan'i Etazonia.

Narindran'ilay mpanao gazety matihanina ao amin'ny CBS, Bob Schieffer, ho i Romney no nanomboka ny adihevitra, izay nilaza fa raha izy no lasa filoha, dia ataony izay hitsipahan'ny tontolon'ny Islamika ny foto-kevitra fampihorohoroana miaraka amin'ny fanampian'ireo manam-pahaizana ao amin'ny faritra. Mikasika ny toe-draharaha ao Syria ohatra, nanambara i Obama sy Romney fa “tokony hiala” ny filoha Bashar al-Assad miaraka amin'ny fanohanan'i Torkia sy ny firenena namana hafa ao amin'ny faritra satria fantatra fa efa “tsy haharitra ela intsony izy.” Anisan'ny lohahevitra noresahana nandritra ny adihevitra ihany koa ny momba ny andraikitr'i Shina eo amin'ny toekarena sy ny fandriampahalemana ao Etazonia, ny fifandraisana manan-tantara amin'i Israely, ny tetikasa nokleary ao Iran, ny ady ao Afghanistan sy ny andraikitr'i Pakistan manoloana ny fipetrany ara-jeografika sy ny fananany fitaovam-piadiana nokleary.

Ny teboka tsara tsipihana tamin'ny adihevitra, araka ny filazan'ireo manam-pahaizana, dia ny fomba “namazivazian'i Obama ny foto-kevitr'i Romney mikasika ny politikany ivelany, indrindra mikasika ny fandaniana amin'ny miaramila. Nitsikera an'i Romney ny filoha noho ny filazany fa i Rosia no firenena fahavalo “laharana voalohany” ara-jeografika sy politika ary nampatsiahy azy fa efa 20 taona lasa no nifarana ny Ady Mangatsiaka. Ho valin'ny tsikera nataon'i Romney mikasika ny fampihenana ny isan'ny andian-tsambo miaramila (flotte militaire) raha oharina amin'ny fitantanana teo aloha, namaly izany i Obama ary nilaza fa tsy dia nandany fotoana firy i Romney handalinana ny fomba fiasan'ny miaramila, ary nampiany hoe mbola manana [ampiasaina] ny “soavaly sy antsy eo anoloan'ny basy (baïonette) vitsivitsy”, ampisaina raha ny marimarina kokoa ho amin'ny fiovan'ny paikady miaramila. Noresahina tao amin'ny Twitter ity tsikera farany ity tamin'ny alalan'ny tenifofotra #horsesandbayonets, izay lohahevitra faha-3 nalaza manerantany nandritra ny alin'io.

Na dia nilaza fohy momba an'i Amerika Latina aza i Romney fa faritra manana toekarena azo oharina amin'i Shina izy, tsy niresaka betsaka momba ny maha-zava-dehibe izany nandritra ny adihevitra izy. Mpisera Twitter maro no nanamarika izany, tahaka an'i Nicolás López Correa (@NicolasLopezCo) izay nilaza hoe:

De izquierda a derecha: Romney, el moderador Bob Schieffer, y Obama en el tercer debate presidencial. Foto tomada de vídeo del debate en YouTube.

Miankavia miankavanana: Romney, mpandrindra Bob Schieffer, sy i Obama nandritra ny adihevitra fahatelo momba ny fifidianana filoham-pirenena Amerikana. Sary nandritra ny adihevitra nalaina tao amin'ny YouTube.

@NicolasLopezCo: Latinoamérica sólo fue mencionada sólo por un candidato en el debate presidencial de USA y fue @MittRomney. Atención inmigrantes latinos

@NicolasLopezCo: Kandidà iray ihany no niresaka momba an'i Amerika Latina nandritra ny adihevitra momba ny fifidianana filoham-pirenena Amerikana, ary i @MittRomney izany. Tandremo ry mpifindra monina Latino.

Diso fanantenana i Pedro Aranguren (@PedroAranguren) fa tsy mba noresahina ny fifandraisana eo amin'ny Etazonia sy Amerika Latina:

@PedroAranguren: Debate presidencial de EEUU demuestra que Latinoamérica no está en su agenda. Seguimos siendo “patio trasero”

@PedroAranguren: Nampiseho ny adihevitra momba ny fifidianana Filoham-pirenena Amerikana fa tsy tafiditra amin'ny fandaharan'asan'izy ireo i Amerika Latina. Mijanona ho “tokontany ao ambadika” isika ho azy ireo.

Mpisera Twitter tahaka an'i Jose Luis Pedauga (@jlpedauga) naneho hevitra tahaka izany ihany koa:

@jlpedauga: Latinoamérica está ausente en los temas de debate presidencial de EEUU http://dlvr.it/2MKvqX

@jlpedauga: Tsy noresahina nandritra ny adihevitra momba ny fifidianana filoham-pirenena ao Etazonia i Amerika Latina http://dlvr.it/2MKvqX

Mitovy amin'izany ihany, Alejandro EC (@Alex_ec) nanamarika ny tsy firesahana an'i Meksika tao amin'ny adihevitra:

@Alex_ec: Ni una sola mención de México y Latinoamerica en el tercer y ultimo debate presidencial entre Obama y Romney, es… http://fb.me/xxChi7oQ

@Alex_ec: Na dia kely aza tsy noresahina i Meksika sy i Amerika Latina nandritra ny adihevitra fahatelo sady farany teo amin'ny Obama sy Romney, izany hoe… http://fb.me/xxChi7oQ

Nanamarika i Eugenio G. Martinez (@puzkas) fa tsy vaindohan-draharaha ny faritra raha resaka politika ivelany no resahina:

@puzkas: El tercer debate presidencial estadounidense demuestra que latinoamerica (Venezuela-Chávez incluidas) no son prioridades para EEUU

@puzkas: Mampiseho ny adihevitra fahatelo momba ny fifidianana filoham-pirenena ao Etazonia fa tsy vaindohan-draharaha ho an'i Etazonia i Amerika Latina (Venezoela-anisan'izany i Chávez)

Ny hafa tahaka an'i Juan Carlos Verdía (@VerdiaJ), nanamafy fa tokony handray tsara izay voalaza ny mponina ao Florida, izay nampiantrano ny adihevitra, :

@VerdiaJ: Cubanos de #Miami atentos a debate presidencial http://goo.gl/Ju67D

@VerdiaJ: Kiobàna an'i #Miami, henoy tsara ny adihevitra momba ny fifidianana filoham-pirenena http://goo.gl/Ju67D

Mpisera Twitter tahaka an'i Martín (@fragmentario) kosa nanamarika fa somary mifandrafy ny fandrenesana ny feo tamin'ny adihevitra:

@fragmentario: El debate presidencial yanqui es el único sitio en que la pretensión de matar personas va en el curriculum y no en la historia clínica.

@fragmentario: Ny adihevitra mandritra ny fifidianana filoham-pirenena ao Etazonia no toerana tokana ahitana fikasana hamono olona tafiditra amin'ny CVn'ilay olona fa tsy any amin'ny tantaran'ny nitsaboana azy.

Nilaza i Manuel A. Merlo Mtz. (@ManuelMerloMtz) fa tsy dia niraharaha loatra ny lohahevitra momba ny fandaniana ara-miaramila ny adihevitra:

 @ManuelMerloMtz: Escuchar en el Debate Presidencial de EU a los candidatos hablar de Presupuesto Militar como CUALQUIER COSA…

@ManuelMerloMtz: Tahaka ny TSY ZAVA-DEHIBE ny resaka momba ny fandaniana ara-miaramila nandritra ny fihainona ireo kandidà tamin'ny adihevitra momba ny fifidianana filoham-pirenena …

Niadihevitra ny mpiserasera mikasika izay tokony ho jerena na ny fifanatrehana ara-politika na ny ara-panatanjahatena, tahaka ny tranga momba an'i Jennifer Torres P (@JenniferTorres6).

@JenniferTorres6: Que lío este. Elegir entre el juego de St Luis y San Francisco y el debate presidencial por Estados Unidos

@JenniferTorres6: Safidy sarotra. Misafidy na hanaraka ny lalao  St. Luis-San Francisco na ny adihevitra momba ny fifidianana filoham-pirenena ao Etazonia

Minitra fohy taorian'ny fiafaran'ny adihevitra, nanamafy ny fanadihadiana sasany tahaka ny notontosain'ny CNN fa antsasany mahery tamin'ireo mpijery ny adihevitra no nilaza fa i Obama no nandresy. Tahak'izany ihany koa, nanamarika ny fahitalavitra CBS fa ny filoha ankehitriny no nandresy tamin'ny adihevitra farany alohan'ny fifidianana. Araka ny tarehimarika avy amin'ny CBS, vato 53% no azon'i Obama raha 23% kosa ho an'i Mitt Romney.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.