“Shabda” dia midika hoe :“feo” na “kabary” [1] amin'ny fiteny Sanskrit, ary izay no anarana nomena ny tahirin-dahatsary manokana amin'ny aterineto [2]izay mampiseho ireo karazanà endrika zava-kanto indiana.
Natomboky ny mpilalao zava-maneno telo,T.M. Krishna, H.K. Venkatram ary Shriram Kumar, ary mikendry ny hitondra [3] ny zava-kanto sy ny kolon-tsaina Indiana ho amin'ny sehatra malalaka kokoa ny Shabda.
Tamin'ny fakana [4]endrika valan-dresaka TED [5], dia nanasa ireo manam-pahaizana amin'ny zava-maneno, ny dihy na ny seho an-tsehatra (teatra) ny mpamorona ny Shabda mba hanome fampianarana nandritra ny roapolo minitra momba ny loha-hevitra nofidian'izy ireo.
Ny seho Shabda iray dia misy mpiteny enina ka hatramin'ny valo [4], ao anatin'izany ny resadresaka momba ireo mpianatra roa sy ireo izay tsy mahafantatra loatra ny momba ny kanto Indiana. Manantena ny mpamorona fa ankoatra ny maha-loharanom-baovao azy dia hanjary fiaraha-monina mpamorina sy miara-miasa koa ny habaka aterineto. [6]
Ny fampianarana, izay amin'ny teny Anglisy daholo, dia maharakotra loha-hevitra malalaka.Tamin'ny fandaharana Shabda [7] voalohany [7], Lakshmi Vishwanathan dia nampiseho ny fomba ampiasàn'ny mpandihy Bharatanatyam [8] ny feon-java-maneno mba hanatsarana sy hampiakarana ny hatsaran'ny dihy.
Professor V.V. Subramaniam dia nampiseho tamin'ny fampianarana [9]ny maha izy azy ny mozika rehefa lalaovina sy atao amin'ny lokanga.
Brigha Bessel nampiseho [10] ny fampiasan'ny mpandihy Bharatanatyam ny teknika famoahana hevitra.