Mpitandro filaminana any Teheran ny 3 Oktobra 2012, Loharano: Greencity

Tsy nisy tranombarotra nivoha tany amin'ny Tsenaben'i Teheran ny Alakamisy 4 Oktobra 2012, andro iray taorian'ny nanaovan'ireo mpitàna tranombarotra sy ireo mpivarotra fitokonana hanoheran'izy ireo ny fitotongan'ny sandam-bolam-pirenena tato ho ato ny Alarobia. Namoaka lahatsary maro mikasika ireo fitokonana tamin'ny Alarobia; ny fisian'ireo mpitandro filaminana tany amin'ireo faritry ny tsenabe, sy ireo tranombarotra nihidy ireo Iraniana mpampiasa aterineto. Kalmeh, vohikalan'ny mpanohitra dia mitatitra fa mpanao fitokonana maro no voasambotra tamin'ny Alarobia.

“Avelao i Syria ho any, mba jereo ny aminay”

Nihoraka ny vahoaka “Avelao i Syria ho any, mba jereo ny aminay” tany amin'ny Kianjan'ny Toopkhone tany Teheran. Nanambara imbetsaka ny Fanjakana Iraniana fa manohana ny fitondrana Syriana, ary ireo tatitra-nà vaovao farany milaza fa namindra $10 lavitrisa dollars tany amin'i Syria i Iran. Vaovao mampitroatra izany satria anatin'ny fotoana hararian'ny vahoaka Iraniana noho ny vokatry ny krizy ara-toekarena lalina nateraky ny sazy iraisam-pirenena mihatra amin'Iran.

Ireo Mpitandro filaminana tany amin'ny Tsenaben'i  Teheran

“Tokony hidina ny sandan'ny Dollar”