Kyrgyzstan: Tafiditra Anelanelan'ireo Nasionalista, Manasazy Mpanao Gazety Ny Fitsarana

Tamin'ny 3 Jolay taona 2012, namoaka ny didim-pitsarana nandrasan'ny maro efa ela mikasika ny raharaha iray niteraka adihevitra be momba an'i Vladimir Farafonov, izay mpitoraka bilaogy sady mpanao gazety, ny fitsarana tao Bishkek, renivohitra Kyrgyz.  Nampangain'ny fitsarana [ru] ho meloka nohon'ny “famporisihana ny vahoaka iray firenena hifankahala” ary koa nohon'ny fanamavoana ny foko Kyrgyz tao anatin'ny lahatsoratra maromaro nifanesy nosoratany  tamin'ny aterineto tamin'ny taona 2010 sy 2011 ilay mpanao gazety teratany Rosiana. I Farafonov izay tsy niatrika io fitsarana io nohon'ny fitsinjovana ny ainy dia nodidiana hando onitra 50,000 soms (manodidididina ny 1 100 dolara Amerikana).

Nanazava [ru] i Almazbek Moldobekov, mpitsara, fa naleony nanapa-kevitra ny hampandoa onitra an'ilay mpanao gazety toy izay hampiditra azy am-ponja mandritry ny valo taona – raha izay ny fangatahana azo ho fanasaziana azy amin'ny fiampangana azy – io no fiampangana an'i Farafonov voalohany indrindra hatramin'izay. Na izany aza, ireo mpandinika dia mieritreritra fa fihantsiana fifaninanana eo amin'ny vahoaka nasionalista ao Kyrgyzstan, izay mangataka ny fampidirana am-ponja ilay mpanao gazety, sy eo amin'ny foko nasionalista ao Rosia, izay nangataka [ru] ny famotsorana azy io didim-pitsarana io.

Sarin'i Vladimir Farafonov eo ivelan'ny fitsarana Pervomaiski ao Bishkek, Kyrgyzstan. Sary nalain'i Kloop.kg ary nahazoan-dàlana ny fampiasana azy.

Voampanga araky ny andininy faha 299 ao amin'ny lalàna mifehy ny heloka bevava ao amin'ny firenena i Farafonov, izay mampihatra sazy amin'ny fandrisihana ny “fifankahalàna eo amin'ny mpiray tanindrazana, na vokatry ny tsy fitovizan'ny lokom-bolon-koditra, na fahasamihafan'ny finoana, na koa fahasamihafan'ny faritra niaviana” amin'ny alalan'ny mediam-bahoaka. Raha nanda ilay mpanao gazety fa tsy famporisihana fankahalana avokoa ny lahatsoratra nosoratany, ankehitriny miteraka [ru] hatezerana izany izay hita taratra tany amin'ny fampitam-baovao tamin'ny fiteny Kyrgyz. Tao Rosia, nandritra izany fotoana izany,  nanao fandrahonana [ru] ka nitaky ny fandroahana ireo mpifindra monina Kyrgyz ilay mpanao politika nasionalista hiringiriny antsoina hoe Vladimir Zhirinovsky raha toa ka ny ny fonja no sazy nomena an'i Farafonov.

Niteraka fanehoan-kevitra maro samihafa  avy amin'ny mponina amin'ny aterineto teratany Kyrgyz sy Rosiana ny valin'ny fitsarana izay naharitra efa-bolana no mihoatra.

Nahatsapa [ru] i Lugan, mpamaky iray ny vohikala fampahalam-baovao  korrespondent.net  fa namerina ny fahatongavan-tsain'ny tsirairay io didim-pitsarana io:

Киргизы молодцы. Не словом а делом.

Tsara ho an'i Kyrgyz izany. Tsy an-teny fotsiny ihany fa narahina asa.

Na teo aza izany, dia maro ireo mponina amin'ny aterineto sasany no naneho ny tsy fankasitrahany io didim-pitsarana io. Ny iray tamin'izy ireny, i Quazy, dia nahatsapa [ru] fa mampihomehy io sazy io:

Маргиналы и нацики включились, конечно такое смешное наказание…

Nirotsaka ihany koa ireo natao an-jorom-bala sy ny tia tanindrazana, [satria] sazy mampihomehy io.

Mpaneho hevitra maro tao amin'ireo vohikala voatanisa ao amin'ny .ru ,  toa an'i Andrey Yakovenko, no nanandratra [ru] an'i Farafonov ho amin'ny toeran'ny olona mahery fo iray:

Кто правды боится, тот пусть вешается. Фарафонов не испугался, поэтому он – ГЕРОЙ! Рот заткнуть и запугать можно, кого угодно, но жизнь лучше от этого не станет… Если некоторые господа-националисты надеятся, что таким образом можно закрыть “Глас народа”, то они очень ошибаются,

Aleo hananton-tena ireo izay matahotra ny marina. Tsy natahotra i Farafonov, izany hoe OLONA MAHERY FO izy! Mety matin-kena-maso ny tsirairay ary noterena tsy hanoka-bava, fa tsy hampandroso ny fiainana [tsika] izany… Raha te hanafoana ny “vavam-bahoaka” ireo nasiolalista amin'izany fomba izany, dia tena diso tanteraka izy ireo.

Nanolotra soso-kevitra ny mpaneho hevitra tao amin'ny vohikala maro voatanisa ao amin'ny.kg,  toa an'i Knews, hoe tokony omena sazy henjakenjana ilay mpanao gazety. Ohatra amin'izany i Mirbek izay  nilaza [ru] fa:

А вообще,надо было все таки ему дать срок,что бы неповадно было больше провоцировать целые народы на негатив

Tokony nampidirina am-ponja izy, amin'izay mantsy dia fantatra [ny hafa] hoe tsy mety ny manakorontana ny firenena amin'ny fanaovana [zava-dratsy].

Raha mpamaky iray hafa kosa antsoina hoe Vym no nanolotra soso-kevitra [ru] somary mihoa-pampana:

Фарафонава нужно на народный суд!!!!  На площадь Ала Тоо и камнмями закидать!

Tokony atolotra amin'ny fitsaram-bahoaka i Farafonov!!! [Ahantona] eo amin'ny Ala Too square izy ka toraham-bato!

I Bektour Iskender, mpiara-namorona sady filohan'ny Kloop Media ihany angamba  no naneho hevitra [ru] tamim-pisainana tsara mikasika io raharaha io:

Мда. Интересное решение. Посадить Фарафонова побоялись – всё-таки за ним есть поддержка, особенно со стороны России. Оправдать тоже побоялись – тогда национал-патриоты возбудились бы. Приняли какое-то среднее решение. Мне не нравятся статьи Фарафонова. Я их считаю жуткими, односторонними и слишком агрессивными. Но я крайне против в принципе идеи того, чтобы человека наказывали за слово, даже очень противоречивое. И очень жаль, что наши власти создали этот дурацкий прецедент. Потому что любого можно назвать разжигателем межнацрозни или кем ещё угодно и влепить штраф в 50 тыс. сомов.

Hmm. Fanapahan-kevitra mahaliana tokoa. Tsy nanana faharisihana hampiditra am-ponja an'i Farafanov ry zareo – satria araka ny fantatra dia manana mpanohana izy, indrindra indrindra ao Rosia. Tsy sahy nanala ny fiampangana an'i [Farafonov] ihany koa anefa izy ireo – satria mety [hahatezitra] ny nasionalista sy ny tia tanindrazana [ao Kyrgyzstan] izany. Fanapahan-kevitra tsy mitanila no noraisin'izy ireo. Tsy tiako ny lahatsoratr'i Farafonov. Mampivala-ketraka, somary maka fitongilanana, ary tena mitratrevatreva ny fahitako azy ireny. Kanefa tsy manohana ny [zavatra ataon'ny manam-pahefana] eo amin'ny fanasaziana ny tsirairay vokatry ny teny naloaky ny vavany fotsiny ihany, eny fa na dia mitarika adihevitra be aza ireny teny ireny. Mampalahelo hoe nahavita izany ny manam-pahefana. Satria na iza na iza dia afaka nampangaina ho nitarika fifankahalana teto amin'ny firenena – na koa hafa noho izany – ary nosaziana handoa honitra mitentina 50.000 soms avokoa.

Manaporofo mazava tsara “io tranga iray io” ny amin'ny tokony hanoratana zavatra mifanaraka tsara amin'ny tokony ho izy ao amin'ny aterineto. Taorian'ny naha-mpanoratra voalohany indrindra nosazian'ny fitsarana tao  Kyrgyzstan  vokatry ny lahatsoratra navoaka tao amin'ny aterineto,   nilaza [ru] ny fomba fijeriny mikasika ny didim-pitsarana tamin'ny raharaha Almazbek Moldobekov i Farafonov tao anatin'ny fanambarana iray navoakan'ny mpisolovava iray tamin'ny 3 Jolay:

Впервые за много лет я оказался в логическом тупике и не могу найти ответ на один простой вопрос: для чего понадобились четыре месяца судебных разбирательств по делу. Очевидно, для того, чтобы показать, что в Кыргызстане действительно разжигают межнациональную рознь в СМИ……Получается, что русскоязычные сайты не имеют права голоса даже в пределах российского информационного пространства. А кыргызские газеты, печатающие откровенно провокационные статьи, неприкосновенны.

Voalohany izao tao anatin'ny taona maro no tsapako ho tafiditra ao anatin'ny olana goavana tsy ahitana vahaolana aho; Tsy mety mahita valiny ho anà fanontaniana iray tsotra aho: nahoana no  efa-bolana be izao no nilain'ny fitsarana  hitsarana ity raharaha ity? Raha ny fijery azy, [dia tena nilaina izany] mba anehoana fa namporisika ny fisian'ny fifankahalana teo amin'ny firenena ny mpampita vaovao ao Kyrgyzstan … Toa ohatran'ny hoe tsy manan-jo hamoaka ny heviny ny vohikala amin'ny fiteny Rosiana, eny fa na dia ao anatin'ny habaka natokana amin'ny fampahalalam-baovaon'ny Rosiana aza. Mandritra izany, ireo gazety Kyrgyz izay mamoaka lahatsoratra somary mandranitra dia [voaaro amon'ny sazy avokoa].
Fanamarihana: Ity lahatsoratra ity dia tohin'ny tatitra mikasika ny raharaha Farafonov mitondra ny lohateny hoe Ny Aterineto miatrika Fitsarana nivoaka tao amin'ny vohikala Global Voices’ tamin'ny faha 2 Aprily taona 2012.
Ity lahatsoratra ity dia ampahany amin'ny tetikasa  GV Central Asia Interns Project an'ny Anjerimanontolo Amerikana any Azia Afovoany ao Bishkek, Kyrgyzstan

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.