Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Afghanistan : Hatezerana Sy Hetsi-Panoherana Fa Mitarazoka Ny Raharaha Shakila

Mpianatry ny anjerimanontolo sy mpiaro ny zon'ny vehivavy am-polony no nidina an-dalamben’ i Kaboul hanohitra ny fitarazohan'ny fanadihadiana mahakasika ny nanjo an'i Shakila, Tovovavy 16 taona izay voaolana avy eo novonoina ny taon-dasa teo tao amin'ny faritra Bamyan ao Afghanistan.

Tao an-tranon'i Wahidi Beheshti, mpikambana  ao amin'ny antenimieram-paritra, no nitranga ny noheverina ho famonoana enim-bolana izay. Nanantitrantitra i Beheshti sy ny mpanohana manana ny heriny fa namono tena i Shakila. Kanefa, maro ny olona no niampanga ity mpanao politika ity ho namono ny tovovavy ary mihevitrevitra fa mampiasa ny fahefany sy ny fahalalàny olona izy izao hampitarazoka na handiso ny fanadihadiana.

Ohatra, nanambara i Rahim Ghaffori, mpikambana ao amin'ny fiaraha-monim-pirenena hoe:

به جان شکیلا تجاوز صورت گرفته و فیری هم  که شده از پشت سر بوده، دوسیه وی از طرف طب عدلی به سارنوالی فرستاده شده ، متاسفانه سارنوالی یکی از دوستان اقای واحدی بهشتی است که در این قسمت توجه نکرده.

Niharan'ny fanararaotana ara-nofo i Shakila, ary notifirina taminy tao aoriany ny bala [izay midika fa tsy namono tena izy]; nametraka ny raharaha tany amin'ny mpampanoa lalàna ireo dokotera mpanao fandidiam-paty; indrisy anefa, fa iray amin'ireo naman'i Wahidi Beheshti ity mpampanoa lalàna ity; ka tsy noraharahiany ny raharaha.

Ireo Vehivavy Afghan mitanjozotra ao Kaboul mba hanairana ilay raharaha mahakasika an'i Shakila, Saripika nampiasana tamin'ny fahazoan-dalana avy amin'ny Ferdous Samim.

Nandalo ny biraon'ny vaomiera mahaleo tena Afghan momba ny zon'olombelona (AIHRC) ka hatrany amin'ny parlemanta ny diaben'ny mpanao fihetsiketsehana. Mihazona ny sarin'ny Shakila ary mihiakiaka, “Henatra ho an'ny mpitsaran'i Bamyan. Tsy namono tena i Shakila.” Nihiaka ihany koa izy ireo hoe “Ministeran'ny fitsarana ! fitsarana! fitsarana! [rariny! rariny!]” sy “Zon'olombelona! Ataovy matotra! ataovy matotra!”

(Misy horonan-tsary tamin'ny zava-nitranga avy amin'ny RFE/RL Radio Free Afghanistan azo jerena ato. Sary hafa nandritra ny fihetsiketsehana hita ato)

Nanoratra tao amin'ny pejy Facebook-ny ny Tanora Vehivavy Ho amin'ny Fanovàna, fikambanana Afghana tsy miankina amin'ny fanjakana izay anisan'ny nanomana ny fihetsiketseha-panoherana, taorian'ny zava-nitranga:

Tsy mila famonoana Shakila vaovao intsony izahay,” izay ny foto-kevi-dehiben'ny diabe androany, izay manavoitra fa tsy fitakiana ny rariny momba an'i Shakila ihany io diabe io, fa fanasongadinana ny tsy rariny rehetra ampiharina amin'ny vehivavy amin'ny alalan'ity raharaha ity.

Naneho hevitra i Zohal, iray amin'ireo mpanao fihetsiketsehana:

.قاتل شکیلا آزادانه گشت و گذار می کند و دولت هیچ اقدامی برای دستگیری اش نمی کند و پارلمان ازمتهمین پشتیبانی می کند. ما ازدولت میخواهیم که جداً موضوع را پیگیری کرده و عاملین تجاوز و قتل شکیلا را دستگیرو محاکمه کند

Tsy manana ahiana ny mpamono an'i Shakila ary tsy manao na inona na inona hisamborana azy ny governemanta, miaro ny voampanga ny parlemanta. Miantso ny governemanta izahay hanadihady am-pahamatorana ny raharaha ary hampihatra ny rariny amin'ny olona nanolana sy namono an'i Shakila.

Tsy fotoana maningana

Tsy fotoana maningana ny fihetsiketsehana tao Kaboul. Ny 25 Jolay, olona am-polony no nidina an-dalamben’ i Bamyan mba hifantohana amin'ny raharaha Shakila.

Hetsika fanoherana tao Bamyan. Saripika nahazoana alalana avy amin'ny Abdulwahid Danishyar.

Etsy ankilany, mpitolona sy mpisera aterineto maro no nampiasa fitaovam-pampahalalam-baovao sosialy hitakina ny rariny sy hakàna toky fa tsy mijanona tsy ho tsimatimanota ny namono an'i Shakila. Arahin'ny Afghans mpisera Facebook nanangana ny pejy ho an'i “Shakila” sy fikambanana roa hafa misokatra, “ Shakila antsika” sy ny “Vondron'ny Mpanohana an'i Shakila Maritiora” akaiky ny raharaha.

Nanoratra [fa] i Asad Buda, mpanoratra Afghan hoe:

تنها کسی زبانِ شکیلا را می‌فهمد که با زبانِ تاریخ آشناست: شکیلا بیان و یاد کسانی است که کشندگانِ آنان هرگز مجرم شناخته نمی‌شوند.

Ireo izay mahalala ny fitenin'ny tantara ihany no afaka mahazo ny fitenin'i Shakila: Shakila no fanehoana ireo izay tsy nosokajiana ho meloka ny namono azy.

Ali Amiri added [fa]:Nanampy [fa] i Ali Amiri hoe:

یک تفاوت اساسی میان مرگ شکیلا و صدها همانند او که پیش از این طعمه غارت و تارج و تجاوز شدند وجود دارد. مرگ او را همه فریاد کردند. خون سرخش را همه دیدند… اینک در رگ هر رسانه خود او رسیده و جاری شده است. هر شاعری اورا فریاد می کند. اینک این حجله سرخ شکیلا است که خواب سیاه همه را به کابوس بدل کرده است.

Misy fahasamihafana fototra [goavana] eo amin'i [raharaha fanolanana an'i] Shakila sy ireo an-jatony niharan'ny tahaka izany. Nihikiaka tamin'ny fahafatesany ny olon-drehetra. Nahita ny ràny mena ny olon-drehetra. Hita eny amin'ny haino aman-jery rehetra izy izao. [Nanoratra ny momba azy] ireo poeta rehetra. Ankehitriny, ny efitra fatorian'ny fampakaram-badin'i Shakila nihoson-drà no nanova ny nofintsika matroka ho nofy ratsy.

1 hevitra

  • sipagasy

    dia mahonena tokoa fa n’aiza n’aiza eto an-tany raha vao misy ny “mahitahita” dia voahitsakitsaka ny zo sy ny rariny tokony hanjaka, eto dia marina ihany ilay hoe “ny marina mitavozavoza tsy maharesy ny lainga tsara lahatra”, Indrisy!

Hiresaka koa

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.