Vaovao farany (9 Aogositra 2012): Fotoana fohy taorian’ ny namoahana ity lahatsoratra ity, nandrombaka ny medaily faha enina ho an’i Kolombia i Jackeline Rentería tamin’ny lalao Olaimpika ao Londra 2012. Medaily alimo [1] no azon’i Rentería tamin’ny taranja tolona.
Teo amin’ny tantaran’i Kolombia momba ny Lalao Olaimpika [2], ny lalao tao Londra tamin’ity taona 2012 ity no taonan’ny Olaimpika nahavitàna ezaka tsara indrindra teo amin’ny firenena. Nihoatra noho ny ezaka vita nandritra ny lalao tany Munich 1972 [3], izay nahazoan’i Kolombia medaily volafotsy iray sy medaily alimo roa, sy tamin’ny lalao tany Sidney 2000 [4], izay nahazoan’i Kolombia medaily volamena iray tamin’ny alalan’i Maria Isabel Urrutia ny zava-bitan’ireo delegasionina tamin’ity Lalao Olaimpika 2012 ity.
Tamin’ity lalao Olaimpika tao Londra ity, nandefa delegasionina mpanao fanatanjahatena maherin’ny 100 i Kolombia, izay ny delegasionina vehivavy [5] no nahazo isan-jato be indrindra tao Amerika (57.8). Hatreto, tamin’ireo delegasionina vehivavy, Yuri Alvear [6], mpanao judoka nahazo medaily alimo tamin’ny taranja judo [7] ary nahazo medaily volafotsy kosa ilay atleta vehivavy Caterine Ibarguen [8] tamin’ny taranja vikina in-telo miantoana [Fanamarihana: Jereo ny vaovao farany eo ambony]. Tamin’ireo delegasionina Kolombiana lehilahy kosa, medaily alimo no azon’i Oscar Muñoz [9] tamin’ny taranja taekwondo [10], 58 kilao, ary medaily volafotsy roa : ny iray norombahin’ [11] i Rigoberto Uran [12] tamin’ny hazakazaka an’arabe, ary ny iray kosa lasan’i Óscar Figueroa [13] tamin’ny “fibatana fonjamby” milanja 177 kg.
[14]
Ambony ny maoraly amin’ny fanantenana mety hahazoan’ilay mpandeha am-bisikileta Mariana Pajón [15] medaily volamena, izay hanavotan'ny Kolombiana ny toerany eo amin’ny top 30 [16] [tampony 30] amin’ny tantaran’ny medaily izay mety hihoatra lavitra tsy araka ny nampoizina koa aza.
Niteraka fientanam-po teo amin’ny vahoaka ny fahazoana ireo medaily dimy, ka nahatonga azy ireo nizara ny hafaliany tamin’ny aterineto ho fankalazana ny ezaka lehibe vitan’ireo atletany. Nanampy tamin’ny fitateram-baovao, ny fizarana sary, sy ny fanehoan-kevitra ny tambazotra sosialy.
Marisol Ochoa (@marisol8acardon [17]) manome lanja ny fandraisan’anjaran’ny vehivavy amin’ny fanatanjahatena:
@marisol8acardon [18]: Me enorgullece más que una mujer colombiana gane una medalla en los juegos olímpicos a que gane una corona por su belleza física.
@marisol8acardon [18]: Mahatsiaro afa-po aho hoe medaily no azon’ny vehivavy Kolombiana tamin’ny lalao Olaompika fa tsy fehibory diadema noho ny faharatsaram-batany.
Mampisongadina ny zava-bitan’ireo vehivavy tao anatin’ny delegasionina, María Isabel (@Marita1899 [19]) amin’ny maha-vehivavy azy, afa-po tamin’ilay vehivavy mpiray tanindrazana aminy Caterine Ibarguen:
@Marita1899: [20] Caterine Ibarguen… Ejemplo de vida y ORGULLO COLOMBIANO!!
@Marita1899: [20] Caterine Ibarguen… Ohatra eo amin’ny fiainana ary REHAREHAN NY KOLOMBIANA!!!
Nandritra izany, efa naneho hevitra ilay mpanao gazety Pablo (@pablodenarvaez7 [21]) tamin’ny 1 Aogositra tamin’ny fotoana nanombohan’i Yuri Alvear tamin’ny fifaninanana:
@pablodenarvaez7 [22]: La yudoka colombiana Yuri Alvear ya combate en los JJOO. ¡Atención!
@pablodenarvaez7 [22]: Hifaninana amin’ny Lalao Olaimpika ilay Kolombiana judoka Yuri Alvear. Tandremo!
María Nelly Prada (@marianellyprada [23]), tao anatin’izany, nankasitraka ny medaily vaovao azon’ilay tanora Oscar Muñoz tamin’ny taranja taekwondo:
@Maríanellyprada [24]: La imagen del día en los olímpicos para mi fue la de Oscar Muñoz… medalla de bronce, y sin tanta propaganda.
@Maríanellyprada [24]: Oscar Muñoz amiko no tena dadany tamin’ny andron’ny Olaimpika… medaily alimo, ary tsy dia nisy dokambarotra be loatra ny momba azy.
Mampisongadina ny fandraisan’anjaran’i Oscar Figuera, mpisera @HEVERTH5 [25] nanoratra hoe:
@HEVERTH5 [26]: La constancia vale plata-La medalla al pesista Oscar Figueroa en los olímpicos de Londres
@HEVERTH5 [26]: Volamena no mendrika ho azon’i Oscar Figueroa amin’ny lalao Olaimpika.
Paola Posso Vergara (@PAOLAGAGAPOSSO [27]) nivavaka ho an’i Rigoberto Urán:
@paolagagaposso [28]: ¡Orgullosa de Rigoberto Urán!
@paolagagaposso [28]: Afa-po tamin’i Rigoberto Uran!
Nametraka [29] fitantarana [30] manokana momba ireo medaily [31], ny atleta [32] sy ny zava-bitany [33] ny tao amin’ny Facebook [34] sy ny bilaogy. Kanefa, na dia teo aza ireo fientanampo [35] sy hafalindehibe, nisy ireo hafa nanao fampitahana [36] mikasika ny fahasarotan’ny zava-misy atrehin’ny firenena.
Daniel Navia (@Daniel_Navia [37]) nanoratra ity manaraka ity raha nandrombaka ny medaily volafotsy i Kolombia tamin’ny alalan’ilay mpandeha am-bisikileta Rigoverto Urán:
@Daniel_Navia [38]: Colombia ya tiene una medalla de plata. Solo nos falta arreglar el sector salud, educativo y político para ser un país viable.
@Daniel_Navia [38]: Nahazo medaily volafotsy ankehitriny i Kolombia. Ankehitriny, mila mandamina tsara fotsiny ny sehatry ny fahasalamana, ny fampianarana ary ny politika isika mba ho firenena maha-te-honina I Kolombia.
Miller Castañeda D ( [39]@millercasta [40]) [39] nankasitraka ny zava-bitan’i Oscar Figueroa:
@Millercasta [39]: Siempre será mejor una medalla de plata y récord olímpico para Colombia en pesas, a una medalla de oro en corrupción. Grande Figueroa.
@Millercasta [39]: Tsara foana ho an’i Kolombia ny medaily volafotsy sy ny zava-bita mahafa-po tamin’ny Olaimpika, noho ny medaily volamena azo tamin’ny kolikoly. Tsara ny vitan’i Figueroa.