Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Syria: Novonoin'ny Jiolahim-boton'ny Fitondrana Ny Renin'ilay Mpamahana Bolongana

Mpamahana bolongana sy  mpikatroka syriana  Marcell Shehwaro, avy any Aleppo, no namoy ny reniny Marina, raha notifirin'ny voakaraman'ny governemanta tao anaty fiara nisy azy vao maraimbe. Miara ory aminy noho izao fahalasanan'ny reniny izao ny mpiserasera manerantany.

Avy any Beyrouth, nisioka toy izao ilay mpiara-manorina sy lehiben'ny Fikambanana lehibe Arab Digital Expression, Ranwa Yehia:

@ranwayehia: vao fantatra fa nidonam-pahoriana ny tokantrano, tonga avokoa ireo mpamangy an'arivony naneho ny  alahelony sy nitondra ny teny fampiononana RIP Marianne

Marcel and her mother in a poster made and shared by Jordanian blogger Mohammed Al Qaq on Facebook paying tribute to the martyred mother

Marcel sy ny reniny tamina afisy natao sy nozarain ny bilaogera Jordaniana Mohammed Al Qaq hita Facebook ho fanomezam-boninahitra ilay reny lasa maritiora

Taminà sioka telo mifampitohy, Yehia nilaza momba an'i Marcel, izay naneho hevitra mikasika ny fahafatesan'ny reniny:

اول تعليق للمدونة السورية مارسيل شحوارو بعد استشهاد والدتها برصاص النظام ليلة البارحة في ‎‫#حلب‬‏: “كل الوقت كنت متوقعة الموقف يكون بالعكس. ١/٢
@ranwayehia: Indreto ny fanehoan-kevitra voalohany avy amin'ilay mpamahana bolongana  Syriana Marcell Shehwaro taorian'ny nahafatesan'ny martiora reniny izay matin'ny balan'ny fitondrana Syriana andro alina.  “Isan'andro, noeritreretiko ho mifanohitra amin'izao ny zava-misy 1/3
تابع “أنو أنا اللي عم روح عالموت برجليي استشهد وتبكي عليي وكنت دايما اقنعها انو تتذكر أنو هاد خياري وقضيتي وما تزعل عليي!” ٢/٣
@ranwayehia: tohiny: “Nihevitra aho fa tokony izaho no nandeha tany ary namoy ny aiko ary tokony izaho no natao martiora  hitomaniany. Niezaka nandresy lahatra azy foana aho fa safidiko manokana izao ary raharahako manokana ka tsy tokony hampalahelo azy 2/3

تابع “بس أبداً ما كنت متوقعة الوجع يكون بالعكس” ٣/٣

@ranwayehia: Ny zavatra tena tsy nampoiziko dia ny fampiononana manokana nentina ho ahy.”

Taminà lahatsoratra nalefa tamin'ny 27 Mey, hoy i Marcel nanoratra:

عندي أم كلما بتفتح عالأورينت ، بتدور ع وشي بين صور اللي استشهدو او اعتقلو .. وأمي بتحبني قد ما أمك بتحبك ،
وبجي بشوف عيونها هالقد من البكي لما بتسمع ” وأني طالع اتظاهر ودماتي بإيديا وان جيتك يما شهيد ما تبكين عليا “.
Izaho koa manana reny mitady ny sariko ao anatin'ireo nampijaliana sy nogadraina isaky ny misy vaovao mikasika izany. Tena tia ahy mafy tahaka anareo ny reniko ary hitako hatrany ny tomaniny isaky ny mitarika ilay hira izy: “Mivoaka handeha hanao fihetsiketsehana aho ary eo am-pelantanako ny fiainako. Raha sendra lasa martiora aho, iangaviako ianao tsy mitomany ahy.”
A screenshot of Marcell's Facebook update in which she describes the circumstances of her mother's murder shared by Rahaf Konbaz on Twitter

Pikantsarin'i Marcell farany tao amin'ny Facebook izay nanazavany ny zava-nitranga tamin'ny famonoana ny reniny, nozarain'i Rahaf Konbaz tao amin'ny Twitter avy eo

Nandritra izany, Rahaf Konbaz nizara tao amin'ny Twitter ny pikantsarin'i Marcell tao amin'ny Facebook. Toy izao ny fanavaozam-baovao farany nosoratany:

Efa tsikaritr'izy ireo ny fiara nitondra ny reniko niaraka taminà tovovavy iray sy tovolahy iray satria tamin'ny zotra mifanohitra tokony andehanany no nitondrana ny fiara fa tsy nisy ny marika nahalalàna hoe ny lalana aiza no tokony handeha. Tsy noraharahian'ilay mpiambina nanana basy sy bala teny aminy ny…nitifi-danitra .. ary nitifitra ny kodiaran'ilay fiara… notohizan'izy ireo ny fitifirana ilay fiara. Niala ny tifitra ilay fiara ary nandalo azy ireo. Tsikaritr'izy ireo fa hay fiara ihany ilay izy sady tsy nitifitra azy ireo izay tao anatiny fa mbola nanohy ny fitifirana ihany ilay efa nanapa-kevitra ny hitifitra. Rehefa hoe  mitifitra dia mitifitra no dikany..
Araka izany, nifitifitra ilay fiara hatraty aoriana ilay mpiambina izay anisan'ny mpikambana ao amin'ny antoko. Tsotra izany

Niafara tamin'ny famoizan'ny reniko ny ainy izany bala izany ka nanakana azy tsy ho eo amin'ny fiainako intsony.

Ho an'ireo izay mino fa andian'olona mitam-piadiana izany. Jiolahy mitam-piadiana no namono ny reniko. Jiolahim-boto mitam-piadiana izay mandrafitra ny fitondrana

Nitondra ny teny fampionana ho an'i Marcell tao amin'ny Facebook sy Twitter avokoa ireo mpiserasera manerantany noho ny fahalasanan'ny reniny.

 

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.