Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Paragoay: Voaongana ny Filoha Fernando Lugo

Araka ny tatitra nataonay vao haingana, dia nandatsa-bato mba hanalàna ny Filoha Fernando Lugo eo amin'ny toerany ny Loholona Paragoaiana taorian'ny fitsaràna maimaika natao.  Ny Kongresy Paragoaiana koa dia nandany ny lalàna  fampiatoana ny filoha, vokatry ny fomba nitantanany ny ady tany nisy teo amin'ny mpitandro filaminana sy ny campesinos (“tantsaha”), izay nahafatesana olona 17  (mpitandro filaminana fito sy tantsaha folo ).

Nisy solon-tenan'ny Firaisan'ny Firenena ao Amerika Atsimo tonga tany Paragoay mba hihaona amin'ny governemanta sy ny mpanohitra izay nanery  ny fampiharana ny lalàna fampiatoana ny filoha. Ny UNASUR  dia nampitandrina  ny fisian'ny “fanonganam-panjakana ankolaka” sy ny vokatra mety ho entin'ny fampiatoana ny Filoha eo amin'ny fireneny.

Androany, ny Loholona izay fehezin'ny mpanohitra dia nandany tamin'ny isam-bato 39 no 4  fa meloka noho ny faharatsian'ny fitondrany i Fernando Lugo, araka ny tatitra nataon'ny gazety Paragoaiana ABC [es}. Fotoana fohy taorian'izay dia nanao fanambarana i Fernando Lugo fa manaiky ny fialàny.

Nisy fihetsiketsehana fanoherana  nipoitra tampoka  teo ivelan'ny Kongresy  mampitovy io dingana io amin’ ny fanonganam-panjakana. Mpampiasa Twitter maro no nitatitra  fifandonana [es] sy famoretana ataon'ny mpitandro filaminana [es].

Ny mpampiasa aterineto dia naneho mavitrika ny heviny ny amin'ny fivoaran'ny toe-draharaha ankehitriny.

Estela Nuñez Acosta (@Jesudi) dia  mitanisa ny fehezanteny naverin'ny mpanao lalàna izay nandany ilay fampiatoana ny Filoha ary manampy hoe :

“Por la condena”.. todavía no puedo creer que algunos denunciados por corruptos y más pronuncien esta frase. ‪#JuicioPolitico‬

“Ho an'ny fanamelohana”…Tsy mino aho fa  ireo izay voalaza ho nanao kolikoly dia ho sahy hanonona ity fehezanteny ity. #JuicioPolitico‬ (“Fitsarana Politika”)

Nandritra izay fotoana izay, Alfredo Morinigo (@alfmorinigo) [es] dia mibitsika hoe :

#Lugo‬ se merecía el ‪#JuicioPolitico‬ Pero a tan solo 9 meses de la culminación de su mandato no veo la necesidad se hacer esto.

Mendrika an'i #Lugo‬ ny ‪#JuicioPolitico‬ (“Fitsarana  politika”). Nefa, raha  9  volana monja  mialoha ny fifaranan'ny fitondrany dia tsy hitako izay antony hanaovana an'izany.

Momba ilay fitsaràna, Sergio Lahaye (@SergioLahaye) [es] dia nibitsika avy any Asunción renivohitra  :

Angamba tsy mahalala na inona na inona aho, fa hatramin'izao, tsy hitako izay porofo fa meloka amin'ireo fiampangana ireo i ‪#Lugo‬. Ireo mpanao politika fotsiny no mikiakiaka milaza azy ho izany.

Raha Lara Tomassi (@laratomassi) [es] kosa milaza hoe :

Se pusieron todos de acuerdo.. Tanto les costaba cuando trataban temas de salud, educación, transporte publico y demás precariedades?

Niaraka niaiky izy rehetra…Sarotra ho azy ireo ny mitady ny marimaritra iraisana eo amin'ny olana mahakasika ny ara-pahasalamana, fampianarana, fitateram-bahoaka sy ny sehatra sasany mbola marefo?

Santiago Escobar (@santesgon)  kosa dia maneho ny alahelony ny amin'izay zavatra fonosin'ity olana politika ity  ho an'i Paragoay :

Destituyeron a ‪#Lugo‬, estamos en boca de todos, tenemos riesgo de salir del Mercosur y Unasur. Pueden cerrar las fronteras‪#DesastreNacional‬

 Voaongana i #Lugo‬ , anton-dresaky ny ankamaroan'ny olona ny firenentsika, mety ho voahilika tsy ho mpikambana ao amin'ny Mercosur sy Unasur intsony isika ary mety hanidy ny sisin-taniny ry zareo ‪#DesastreNacional‬ (“Faharavam-pirenena”)

Mandritra ny filazan'ny mpanao famakafakana sy ny olom-pirenena sasany fa fanonganam-panjakana io, ny hafa kosa, toy ny mpanao gazety  Santiago González (@SanTula)  dia niaro ny maha araka ny lalàm-panorenana io lalàna fampiatoana ny filoha  io :

El juicio politico es una via constitucional de destitución del presidente. Nuestra constitución es superior a tratados internacionales.

Ny fitsarana politika dia lalàna ao anaty lalàm-panorenana natao hampiatoana  filoha. Ny lalàm-panorenantsika dia ambonin'ny fifanarahana iraisam-pirenena.

Ny Filoha Lefitr'i Fernando Lugo, Federico Franco, no handray ny toeran'ny Filoham-pirenena vaovao any Paragoay, ary hamafisin'i Myrian Jara (@My_Jara)   fa hafa ny fizotran'ny raharaha raha toa ka nomen'i Lugo ny Lefiny ny fitondrana :

Desde un principio Federico Franco debia haber tomando el mando y Lugo haberle cedido su lugar y de ese modo esto no iba estar pasando.

 Tokony noraisin'i Federico Franco hatrany am-boalohany ny fitondrana ary Lugo kosa niala, raha izay, dia tsy nisy na inona na inona nitranga.

Fa ny olona sasany, tahaka an-dry Fabiana Silva (@fabisilvarojas) dia tsy nankasitraka  ny andraikitra vaovao sy ny lahatenin'i Frederico Franco tamin'ny Zoma :

Todo eso va a hacer en 9 meses? Discurso fuera de la realidad temporal. Por favor dejá de robar ‪#Franco‬. Mi presidente no sos, no te elegí.

Ho vitany ao anatin'ny 9 volana ve ireo rehetra ireo ? Lahateny lavitry ny zava-misy ankehitriny izany. Azafady, ajanony ny halatra ry #Franco. Tsy Filohako ianao, tsy nifidy anao aho.

Hitondra hatramin'ny 2013 i Federico Franco, fotoana hahataperan'ny fitondran'i Fernando Lugo. Azo vakiana ao amin'ny Twitter miaraka amin'ny tenifototra  #Lugo, #juiciopolítico,(“Fitsarana politika”), #  apoyoaLugo, (“Manohana an'i Lugo aho”), #Paraguay ny  tatitra  misimisy kokoa sy ny hevitry ny olona sasany.

 

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.