Tantara tamin'ny Jona, 2012
Yemen: Iza No Hitàna Ny Fitsinjaram-Pahefana Ao Yemen Taorian'ny Fodiamandrin'ny Printsy Nayef ?
Maneho hevitra mikasika ny fahafatsan'i Nayef bin Abdulaziz Al Saud, Printsy mpandova fanjakana sady Minisitry ny Atitany reo Yemeni mpiondana aterineto. Izy no lehilahy matanjaka nitàna ny fitsinjaram-pahefana tao Yemen ary ambara ho niketrika ny fanisahana ny Al-Qaeda hiala tao Saudi Arabia ho any Yemen. Voatanisa ao anaty Wikileaks ihany koa izy ho nanondro an'i Yemen ho firenena tsy mankaiza.
Bolgaria: Hetsi-panoherana Manohitra Ny Lalàna Momba Ny Ala Ao Sofia
Vita fahirano nandritra ny roa andro i Sofia renivohitr'i Bolgaria ny 13 sy 14 Jona teo noho ireo fihetsiketsehana tsy nahazoana alàlana manohitra ny fanovàna ny Lalàna momba ny Ala. Ny hetsi-panoherana fahatelo dia nokasaina hatao ny 15 Jona. Ruslan Trad no mitatitra.
Pakistana: Mandria Am-piadanana Mehdi Hassan, Mpanjakan'ny Ghazal
Nodimandry ny Alarobia 13 Jona 2012 i Mehdi Hassan Khan, fantatra ihany koa amin'ny anarana hoe 'Mpanjakalahin'ny Ghazal’, taorian'ny aretina nitarazoka tany anatinà trano fitsaboana tany amin'ny tanànan'i Karachi any Pakistana.. Manome ny fanomezam-boninahiny azy ireo mpampiasa aterineto.
Faha-5 taonan'ny RV: FOKO – Fisaintsainana Avy Amin'i Joan Razafimaharo
Iray amin'ireo tetikasa tohanan'ny Rising Voices mandeha indrindra ny FOKO avy any Madagasikara, izay namadika ireo Malagasy mpiady hevitra ao anaty aterineto ho mpitoraka bilaogy. Mandefa ny vetsovetsony mikasika ny dian'ity tetikasa fakan-tahaka ity ny mpamorona lefitra ny FOKO Joan Razafimaharo.
Tiorkemenistana: Mamarana Ny Fanaovan'ny Fanjakana Ampihimamba Ny Fiverenan'Ilay Tambajotranà Finday Rosiana
Taoriana fikatonana tsy nisy fanazavana nataon'ny governemanta tamin'ny 2010, hamerina ny asany any amin'ny firenena ilay tambajotra mpandraharaha finday Rosiana malaza MTS, izay nanana mpanjifa sahabo eo amin'ny antsasaky ny mponina Tiorkemenistana eo. Faly ireo mponina ao Tiorkemenistana mpampiasa aterineto amin'ireo vaovao ireo, manome sosokevitra ny amin'ny hanomezan'ny tambajotra tolotranà finday tsara kalitao sy fidirana amin'ny aterineto tsy voasivana, mamarana ny fanaovan'ny fanjakana ampihimamba io sehatra io.
Indonezia: Fitaovana Fandraketana An-tsarintany Ny Fahasimban'ny Ala Ao Sumatra
Misy fitaovana iray vaovao fandraketana ho anaty saritany izay manome tahirin-kevitra mikasika ny fahasimbana mahavalalanina mahazo ny ala mandrakotra ny Nosy Sumatra ao Indonezia. Sumatra, nosy iray isan'ny lehibe indrindra eran'izao tontolo izao, dia toerana iray hany fantatra fa misy elefanta, rhinos, tigra sy 'orangutans' miara-monina. Ilay sarintany ety anaty aterineto dia manome torohay manan-danja koa mikasika ny harena ananan'ilay nosy raha resaka fifangaroan'ny zavamiaina ao.
Kiobà : Bilaogera Ampielezana Manameloka Ny “Hetsika Mahery Vaika “ Nahatonga Fahafatesana Renibe Iray
Mitantara momba ilay tranga nahafatesana zokiolona iray tany amin’ny faritra Santa Clara ny faran’ny herinandro lasa teo ireto bilaogy Kiobàna ampielezana roa ireto. Na dia teo amin’ny faha-90 taonany aza ity vaviantitra, nandinika ireo bilaogera fa “herisetra fisaoram-bady” no nahatonga ny fahafatesan’ity farany. Nitantara I Pedazos de la Isla fa:...
Alemaina: Hetsika Fanoherana ny ACTA ao Berlin – Fanairana ny Mpanao Politika, Fampatsiahivina Ho An'ny Mpiserasera
"Aza adinoina ny manohitra ny ACTA" – tamin'izany teny vazivazy kely avy amin'ny mpikarakara ny hetsika fanoherana-ny ACTA izany no namaranana ny hetsika notontosaina tamin'ny 9 Jiona 2012, tao Berlin. Nitatitra i Kasia Odrozek.
Korea Atsimo: Fandrindràm-piterahana Niteraka Resaka Be
Ny 7 May 2012 dia nanambara ny sampandraharaha Koreana misahana ny Sakafo sy ny Fanafody fa ny fanafody fampiasa maika ho fisorohana ny vohoka, fantatra amin'ny hoe morning-after pills, na 'Pilina raisina ny ampitson'iny' dia ho azo jifaina malalaka. Na izany aza, ireo pilina atelina ho fisorohana vohoka izay namidy malalaka teo aloha dia ilàna taratasim-panafody. Ho an'ny tanora dia mbola ilaina hatrany ny taratasim-panafody ho an'ireo pilina fampiasa maika. Niteraka resabe teny anivon'ny aterineto ireto fiovàna tampoka teo amin'ny fepetra fomba fahazoana fanafody ireto
Brezila: Mpihira Fanta-daza Manome Voninahitra Ilay Reniny Tsy Manam-paharoa
ilay mpihira Maria Rita dia nanao andianà fitetezam-paritra tao Brezila nanao seho maimaim-poana ho fanomezana voninahitra ny reniny efa nodimandry, Elis Regina, iray isan'ny endrika malaza amin'ireo mpiantsehatra mpiangaly mozika Breziliana. Lasa lohahevitra noresahana be tao amin'ny Twitter nanerana an'i Brezila sy izao tontolo izao ilay izy satria ireo mpankafy n y mpihira roa tonta dia samy nanondraka ny media sosialy tamin'ny fahatsapany avy amin'ilay seho avokoa.
