Ejipta: Voatafika Ny Diabe Mitaky Ny Hamaranana Ny Fanohintohinana Ara-Pananahana

Voadika ny 09 Jona 2012 12:25 GMT

Dikandahatsoratra

Vakio amin'ny teny عربي, বাংলা, Italiano, Français, Swahili, bahasa Indonesia, русский, Español, Ελληνικά, English

Nampalahelo fa notafihana andian-dehilahy teo amin'ny Kianja Tahrir ny diabe mitaky ny hampitsaharana ny fanafintohinana [fikitikitihana tsy mahazo alalana] ny vehivavy tamin'ny 8 jona 2012. Mitantara ny zavamisy ao amin'ny Twitter ny nanatri-maso.

Mpanao gazetin'ny Associated Press Sarah El Deeb, izay nanatrika, no mitantara izay nitranga tamin'ny alalan'ireto siokantsera manaraka ireto:

@seldeeb: Andian-dehilahy no nanafika ny mpanao diaben'ny #EndSH nikendry ny handrava sy hidaroka ny mpanao fihetsiketsehana.

@seldeeb: Nanosika ireo mpanafika ny lehilahy tao amin'ny Diabe #EndSH saingy maro loatra ny mpanafika ka voasintosintona ny vehivavy sasantsasany

@seldeeb: Nikoropaka noho ireto andian'olona ny teo amin'ny manodidina ka nanakatona ny toeram-barotra fa mahery setra loatra ry zalahy#EndSh. mba nisy fivarotana iray nampialoka ihany tamin'ny farany

@seldeeb: Nilaza ny nanatri-maso sasantsasany fa efa nihogahoga an-dry zavavy ireo olona nihodidina ny mpanao diabe nialoha ny fanafihana #EndSH

May your hand be severed. No to sexual harassment, reads a sign held at the protest. Photograph by Sarah El Deeb

Hotapahina anie ny tananao. Tsia amin ny fikitikitihana vehivavy tsy mahazo alalana, hoy ny fivakin ny sora-baventy iray nandritra ny fihetsiketsehana. Sary nozaraina Twitter hoy Sarah El Deeb

Nitohy sy nihamafy nandritra ny volana nisian'ny fihetsiketseham-panoherana ny fanohintohinana ny vehivavy. Milaza ny zavamisy i Amira Howeidy:

@amirahoweidy: Fomba fanao noforonin'ny Antoko Nasionaly Demokratikan'i Mubarak tamin'ny 2005 ny manohintohina ny vehivavy mpanao fihetsiketsehana

Manontany i Turk4Syria raha efa nisy ny nosamborina noho ny fanafintohinana vehivavy ka mamaly izany i Mohamed Yahia:

@MohammedY: @Turk4Syria tsy mbola nisy mihitsy. Efa mahazatra loatra ary maro ny mpanao azy sady eken'ny eo amin'ny fitondrana ny mitandroka ny vehivavy mpanao fihetsiketsehana #EndSH

Manolo-kevitra i Sherine Thabet [ar]:

@sherinethabet: ‬‏ الجملة اللي بقولها في كل حتة مع اي حد، المتحرش مش هايسمع الكلام، المتحرش مش هاتقدر توعيه، المتحرش لازم يكش، لازم المجتمع ينبذه، بس

Toy izao hatrany no averimberiko amin'ny rehetra: tsy hihaino na iza na iza ny mpanafintohina. Tsy mety beazina ny mpanafintohina. Ilaina ny mampanjavona ny mpanafintohina ka ny fomba tokana hanaovana izany dia ny hanilihan'ny fiaraha-monina azy ireny. Izay no izy.

Ary manao fehin-teny i Deena Adel:

@deena_adel: Azontsika atao ve azafady ny mampiasa ity fahatezerana indray momba ny fanafintohinana ara-pananahana ity ka mandray dingana mivaingana hiadiana aminy? #EndSH

Misy fihetseham-po hafa hita amin'ny alalan'ny fampiasana tenifototra #EndSH ao amin'ny Twitter.