Ny 3 May no voatondro hamoahan'ny fitsarana Toniziana ny didy tamin'ny fitsarana an'i Nabil Karoui, tompon'ny fantsom-pahitalavitra tsy miankina Nessma TV, izay enjehina ho namoaka ny sarimiaina Persepolis novokarin'i Marjane Satrapi.
Ny fisehoana ao anatin'ilay lahatsary dia mampiseho an'Andriamanitra mitsidika amin'ny alalan'ny nofy sy maka n y endrik'olombelona. Niteraka hatezerana maro ilay nandefasana azy ary nisy ny fametraham-pitoriana nataon'ireo mpisolovava 144 sy ny hafa. Efa nahemotra matetika ilay fitsarana, saingy hoe havoaka ny 3 May ny didy – izay Andro Iraisam-pirenena ho an'ny Fahalalahan'ny Asa Fanaovana Gazety. Raha voaheloka i Karoui dia hiatrika famonjàna telo taona an-tranomaizina.
Persepolis dia nalefa indrindra tamin'ny fotoana mitovy izay nahazoan'i Ennahda ny seza be indrindra tao amin'ny parlemanta, ary dia noraisin'ny maro ho toy ny fanambaràna ara-politika mampifandray an'i Tonizia sy Iran izany, sady fampitandremana ho an'ny Toniziana mba “ho tony sy ho mailo hatrany”.
Nabil Karoui miresaka amin'ireo mpanao gazety teo anoloan'ny tranon'ny fitsarana tao Tunis. Sary avy amin'ny machhad.com (CC BY-NC-ND 3.0).
Tanaty lahatsoratra iray tam-bilaogy nitondra ny lohateny hoe “Fitsarana an'i Nessma: Soa Fa Tsy Mahafaty Ny Henatra” [fr], ilay bilaogera sady mafàna fo, Lina Ben Mhenni, dia nitondra fanamarihana momba ny fizotry ny fitsarana :
Maître Raja Haj Mansour a été la première avocate de la partie civile à donner un plaidoyer comique dans lequel elle a expliqué que son fils a fait trois nuits blanches successives après avoir regardé le film “Persepolis” et que c'est lui qui lui a demandé de porter plainte contre Nabil Karoui. Par la suite d'autres avocats ont donné des plaidoyers dignes du Moyen-Age.
Myriam Meziou nivazivazy hoe:
@myriammeziou: le fils de Raja mansour a eu une crise car il a vu persepolis!!!! que va-t-il lui arriver qd il regardera son 1er Porno? #nessma
Zeineb Turki, mpitsabo sady mpanao politika, dia nanoratra hoe :
@ZeinebTurki: Il est utile de rappeler qu'il ne s'agit pas du procès de #nessma ni de celui de #Persepolis mais celui de la liberté d'expression
Avy any Paris, Anissa B. nibitsika hoe :
@beautifultango7: Didy navoaka androany ho an'ny fitsarana ny #Persepolis. Andran-tsira ho an'ny fahalalahana miteny eto #Tunisia. #NessmaTV
Ity lahatsary manaraka ity, avy amin'ny Nawaat dia manasongadina hetsi-panoherana ny fandefasana an'ilay Persepolis:
