Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Kolombia: Zazalahy 12 Taona Maty Noho Ny Vono Nahazo Azy Tany Am-pianarana

Ny Talata 24 Aprily 2012, maty i John Alexander Larrahondo, 12 taona, herinandro taorian'ny namonoan'ny telo tamin'ireo mpiara-mianatra aminy azy noho ny niarovany zazavavy 9 taona avy ao amin'ny kilasin'izy ireo, araka ny tatitra. Tany amin'ny Sekoly Los Gómez [es], any amin'ny faritra ambanivohitr'i Itagüí, kaominin'ny Departemantan'i Atioquia manakaiky an'i  Medellín no nitrangan'io loza io.

Na dia nanambara aza ny mpitsabo mpahay lalàna[es] fa aretin'ny taolana no nitarika ny fahafatesany, nandà izany fanapahan-kevitra izany ny reniny [es] sy ireo manam-pahaizana vitsy [es] ary nilaza fa ilay fidarohana azy no antony tena niteraka ny fahafatesany.

Nanokatra [es] fanadihadiana ny Biraon'ny Mpampanoa Lalàna, ary nanambara ny Minisiteran'ny Fitsaràna fa “tsy azo ekena” ny fidarohana ary tsy maintsy iadian'ireo manampahefana tomponandraikitra (dia ny Minisitry ny Fanabeazana sy ny Fitsaràna, ny Biraom-panjakana Kolombiana misahana ny Fiahiana ny Fianakaviana, ary ny Biraon'ny Mpampanoa Lalàna). Mandritra izay fotoana izay, nilaza [es] ny loholon'ny Antoko Maitso Gilma Jiménez  fa hitondra ilay raharaha any amin'ny Kongresy ny tenany.

Ao amin'ny Twitter, manoratra i @mariaramitas (1, 2) [es]:

El problema de los chinos de ahora es que ven el matoneo como simple mamadera de gallo. Y los profesores no es que hagan mucho tampoco. Y si lo del matoneo sigue así, no demoran dos culicagados y agarrar el colegio a bala a lo Columbine. Pilas profesores.

Ny olan'ny ankizy amin'izao fotoana izao dia mandray ny herisetra ho hanihany fotsiny ihany izy ireo. Ary tsy dia miraharaha izany ihany koa ireo mpampianatra. Ary raha mitohy ny fidarodarohana tahaka izao, tsy ho ela dia hisy zazalahy roa hitifitra sekoly amin'ny bala tahaka ny nitranga tany Columbine. Mitandrema ianareo ry mpampianatra.

Amin'alahelo, mitoraka bitsika i Juan Gonzalo Benítez (@juanbenitez1973)  [es]:

Triste, indignado… un niño de 12 años murio por una paliza. Lo mataron a patadas porque “puso la queja” de que agredieron a otra niña

Malahelo, tezitra… zazalahy 12 taona maty noho ny fidarohana azy. Nodarohana ho faty izy satria “nitaraina” fa nisy zazavavy iray hafa nodarohana

Maneho ny faharatsian'ny eritreriny i María Isabel Ángel (@MaisAngel)  [es]:

A mí lo de la muerte del niño por matoneo en Itagüí me quita aún más la fe en la humanidad. Queda uno desmoralizado

Nanala ny finoako ny maha-olombelona hiala lavitra ahy ny fahafatesan'ilay zazalahy noho ny fidarohana azy tany Itagüí. Very ny fanahiko.

Mihetsi-po [es] amin'ny fanapahan-kevitr'ilay mpitsabo mpahay lalàna i Lina Rouge (@linarouge):

Bueno espero que ahora que se sabe que el niño no murió por los golpes, no nos hagamos los bobos con el asunto del “matoneo” en los colegios

Eny, dia manantena aho fa rehefa fantatsika izany fa tsy maty noho ny fidarohana azy ilay zazalahy, tsy hinia hanao jamba manoloana ny olan'ny ‘herisetra’ any am-pianarana kosa isika.

Namoaka bitsika maro momba io raharaha io (1, 2, 3, 4) ny mpanao gazety Víctor Solano (@solano), [es] ary namelabelatra izany tamin'ny dikan-teny Kolombiana tanatin'ny pejy natokana ho azy [es] ao amin'ny gazety Kolombiana maimaim-poana mivoaka isanandro, Metro [es]:

Anoche creo que a varios se nos escurrieron las lágrimas con la nota del niño asesinado por sus compañeros de clase por defender a una niña. Y eso que la nota no fue amarillista; simplemente mostró que nuestra sociedad está incubando una generación movida por el odio. […] Nuestra sociedad perdió los lacrimales por agotamiento; nos secamos cuando la violencia se volvió paisaje y la indolencia nos gobernó. La muerte de ese niño nos comprueba que tocamos fondo, pero aún así seguimos cavando como esperando encontrar lo peor de nosotros.

Mihevitra aho fa nisy tamintsika nitomany omaly alina noho ny tatitra mikasika ilay zazalahy maty novonoin'ny mpiara-mianatra aminy noho ny fiarovany zazavavy iray. Tsy nampihetsi-po akory ilay tatitra; mampiseho fotsiny izany fa mihotrika taranaka ahetsiky ny fankahalàna ny fiarahamonintsika. […] Namoy ny [voa] lacrymal (mpamorona ny ranomaso) noho ny harerahana ny fiarahamonintsika; zary maina isika rehefa lasa endriky ny tontolontsika ny herisetra ary nanjaka tamintsika ny hakamoana. Ny fahafatesan'io ankizy io dia manamarina fa nahatratra ny fetra tsy azo anoharana isika, nefa mbola mandavaka hatrany isika toa te-hahita ny ratsy indrindra mety hitranga.

Manoratra i Carolina Ruiz (@CaroRuizG) [es] milaza fa tsy nahaloa-bava izy, raha nitoraka bitsika kosa i @lncognito [es] fa tokony ho vahana amin'ny alalan'ny fanabeazana izany olana izany fa tsy amin'ny alalan'ny famoretana.

Anatin'ny tontolon'ny bilaogy, manoratra [es] momba ny andraikitr'ireo ray aman-dreny, ireo mpampianatra, ny Fanjakana i colombiaopina, ary mangataka ny famerenana hijery ireo lalàna:

Urge entonces una revisión e integración de las normas que tienen que ver con las conductas delictivas de infantes y adolescentes, haciendo más drásticas las medidas cautelares en desarrollo de la implementación del Sistema de Responsabilidad Penal de niños y adolescentes de que trata el Decreto 4652 de 2006.

Samy maika daholo ny famerenana ny fandinihana sy ny fampidirana ireo lamina mifandray amin'ireo heloka vitan'ny ankizy sy ny tanora, ny fanenjanana kokoa ireo fepetra fiarovana amin'ny fampivoarana ny  fampidirana ny Rafitry ny maha-tomponandraikitra Amin'ny Heloka an'ireo ankizy sy tanora araka ny voalazan'ny Didim-panjakana 4652, 2006.

Jaime Andrés Jaramillo Botero, ao amin'ny Ojo en lupa, manoratra hoe [es]:

Pero el control y la observancia, como dijo Fajardo, deben partir de nosotros como padres, responsables del futuro de nuestros hijos; y de la Escuela, como el aparato ideológico por excelencia, al cual le confiamos la educación de nuestra descendencia.

Nefa ny fanaraha-maso sy ny fanajàna, araka ny voalazan'ny [governoran'i Antioquia, Sergio] Fajardo, dia tokony miainga avy amintsika ray aman-dreny, tompon'andraikitra amin'ny hoavin'ny zanatsika, sy avy amin'ny sekoly tahaka ilay milina ideolojika lavorary, izay hanankinantsika ny fanabeazana ny taranatsika.

Farany, mitsikera [es] ny kaominin'i Itagüí sy ny media noho ny fifantohan'izy ireo amin'ilay zava-nitranga nefa tsy mitatitra ny tontolon'ilay fianarana any ambanivohitra sy ny toerana misy ireo mpampianatra any amin'ny manodidina, i Wilmar Mejía:

El matoneo entre los escolares implicados es objeto de noticia, pero nada se comenta porque no hay interés en hacerlo, acerca de la historia reciente de la Institución Educativa, de sus procesos académicos y administrativos, del déficit de oportunidades de recreación, cultura, deportes o de continuidad en el ciclo de formación técnica, tecnológica o profesional, para los niños y jóvenes que residen en las veredas.

Vaovao ny fifampidarohana eo amin'ireo mpianatra voarohirohy ireo, nefa tsy misy na iray aza miteny na inona na inona momba ny tantara faramparan'io fianarana io satria tsy misy dikany izany, ireo dingana ara-pitantanana sy akademika, ny tsy fahampian'ireo fotoana fakan-drivotra, kolontsaina, fanatanjahantena sy ny fitohizan'ny sehatra ara-teknika, teknolojia na fanofanana hiasa ho an'ireo ankizy sy tanora izay miaina any ambanivohitra.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.