Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Kioba: Maneho Hevitra Momba Ny Famotsorana an'i Ferrer García Ireo Any Am-pielezana

Nafahana tao anatin'iny faran'ny herinandro iny ilay voafonja noho ny fnehoan-keviny , Jose Daniel Ferrer Garcia. Mitondra fanamarihana momba izay fivoaran-draharaha vao haingana izay ireo bilaogera any am-pielezana

Ny Zoma, sahala amin'ny hoe tsy hisy fivoarany mihitsy ilay toe-draharaha. Ny “Andian'ireo voafonja 75″ teo aloha dia efa nifonja nandritra ny iray volana teo ary nizotra tamin'ny fitokonana tsy hihinan-kanina mba hanoherany ny fanagadrana azy. Ireo fanamarihana avy amin'ny Cuban Exile Quarter dia nanoratra  lahatsoratra iray mikasika “ny fianakaviana be herim-po niavian'i Ferrer García”, izay manome ny sasantsasany manan-danja amin'izay tranga niainany :

Naniry ny hamono an'i José Daniel Ferrer García ny fitondran'i Castro tamin'ny 2003, nangataka ny hanamelohana azy ho faty tanatinà fotoam-pitsarana manetriketrika saingy ireo antsoantso iraisam-pirenena no  nahatonga azy ireo hihemotra sy hanasazy azy 25 taona an-tranomaizina ho takalon'izay. Taorian'ny fahafatesana aloha loatra sy nampalahelo nanjo ilay mpanorina ny  Vehivavy Kiobana mitafy Fotsy, Laura Inés Pollán Toledo tamin'ny 14 Oktobra 2011, tsy azo tsinontsinoavina ny fiahiahiana ny amin'ny ain'i José Daniel. Toa an'i Laura Pollán, José Daniel dia manana tetikady sy fomba fijery tsy mampiasa hersetra ary fahafahana manetska sy mandrindra ny olona ampifangaroina aminà fahasahiana goavana.

Hatramin'ny fihazonana farany an'i José Daniel Ferrer García tamin'ny 2 Aprily 2012, ny rahalahiny, Luis Enrique,  dia nikarakara fanentanana iray ho amin'ny fanafahana azy sady nibitsika, na izany ho an'ny kaontiny manokana, na ho an'ny kaonty twitter-n'ny rahalahiny mba hanairana ny fahatsiarovan-tena sy ny firaisankina.

Miangavy, araho tsara ny momba ny fitarainan'i José Daniel Ferrer García ary mitenena ho azy satria mety hiankina amin'izany tanteraka ny ainy. Taorian'ny 24 andro nigadrany, farany dia nampahafantatra ihany ny manampahefana Kiobana omaly fa mihevitra ny hiampanga an'i José Daniel ho ‘manakorontana fiainam-bahoaka’ ry zareo.

Tsy ela akory, nivoaka ny vaovao fa he nanapa-kevitra i Ferrer García ny  hampiato ny fitokonany tsy hihinan-kanina ary nitombo ny hetsika ikendrena ny fanafahana azy: Pedazos de la Isla dia nampakatra tatitra amin'ny antsipirihany momba “ny sasany tamin'ireo Kiobana maro izay tavela any am-ponja ambadiky ny tsatoka vy noho ny fiarvany ny zon'olombelona sy ny fahalalahana ao Kioba”, ampiany hoe :

Ndeha angatahantsika ny hanafahana azy ireo tsy misy hatak'andro!

Toa nivoaka tsy ela akory taoran'izay ny famotsorana an'i Ferrer García : Omaly i Uncommon Sense dia nitatitra fa :

Ilay mpitarika ny mpanohitra Kiobana Jose Daniel Ferrer Garcia dia nafahana ny fonja tamin'ny Alahady, efa ho volana iray taorian'ny nisamborana azy akaiky indrindra.

Saingy, ilay bilaogera, tsy te-hiseho ho feno fanantenana loatra, nanampy hoe :

Ferrer, iray amin'ireo mpitarika mpanohitra isan'ny mavitrika indrindra dia mbola miatrika fiampangana ho  ‘mikotrika, mitarika ary mamatsy fanakorontaana fiainam-bahoaka’ any atsinanan'i Kioba. Tsy mbola misy datim-pitsaràna noraiketina hatreto.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.