Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Shina: Fihetseham-po Manoloana Ny Fandraràna an'i Sola Aoi, Japoney Malaza Mpilalao Horonantsary Mamoafady

Nametraka fepetra famerana [zh] amin'ny fisehoana an-tsehatra ho an'ireo mpampiala voly miaraka amina “endrika ratsy” ny Sampan-draharaham-panjakana Mpandrindra ny Horonantsary amin'ny Haino Aman-jerin'i Shina (SARFT), izay nitarika ny fanalàna ny fanasongadinana ilay Japoney mpilalao horonantsary mamoafady Sola Aoi tanatinà fandaharana amin'ny fahitalavitra any Shina.

I Sola Aoi no mpilalao horonantsary mamoafady malaza indrindra any Shina. Nandritra ilay Shanghai Expo 2010, niasa ho mpitondra teninà vavahadin-tanonkala iray tanatin'ny ankamaroan'ireo hetsika nandritra ilay fampirantiana ny tenany. Mihoatra ny 11 tapitrisa ireo mpankafy ny kaontiny ao amin'ny  Sina Weibo [zh].

Na eo aza ny fanatsarany ny endriny any Shina amin'ny fandraketana horonantsary bitika ao anaty aterineto, tsy afa-miala amin'io fandraràna io ny tenany. Mazava ho azy fa sahiran-tsaina ireo mpankafy azy. Ho fanehoan”izy ireo ny fanohanany an'i Sola, maro amin'izy ireo no nifidy ny hampiseho teny filamatra nandritra ny lalao baolina kitra iray tany Guangzhou ny 17 Aprily 2012. Milaza hoe: “Anay ireo Nosy Diaoyu [milaza ny fifanolanana ara-tany momba ireo nosy ireo ataon'i Shina sy Japana], an'izao tontolo izao i Sola Aoi”:

'Sola Aoi belongs to the world' banner. Photo by Weibo User Chen Zhaohua

Sorabaventy : 'An'izao tontolo izao i Sola Aoi". Sary an'ny mpampiasa Weibo, Chen Zhaohua

Nisarika ny sain'ny maro ary niparitaka manerana ny Aterineto io teny filamatra io, izay sady maka ny fihetseham-po nasionalista mikasika ny fitakiana ireo Nosy Diaoyu sy ny firahalahiana iraisam-pirenena asetrin'ireo mpankafy ny horonantsary mamoafady.

Ilay tsikeran’ i Song Zude [zh], mpampiasa ny Weibo, no naneho mazava indrindra ny fahasahiranan-tsain'ireo Shinoa mpankafy an'i Sola:

宋祖德:封杀苍井空,非常愚蠢!苍作为一个艺人,并没有危害社会,相反在我国做了不少慈善事业,她比我国很多艺人更坦诚更勤奋,苍的粉丝素质不比其他大腕的差,祖德以为,广电总局应该干点自己该干的事,乱作为有时比不作为更有害!

@宋祖德 : Hadalana ny fandraràna an'i Sola Aoi. Amin'ny maha-artista ny tenany, tsy manala baraka ny fiarahamonina izy. Ny mifanohitra amin'izay aza, nirotsaka anatina asa fanasoavana maro izy. Miasa mafy sy tena marina noho ireo artista hafa any Shina izy. Tsy ratsy noho ny an'ireo kintana malaza hafa ny hatsaran'ny mpankafy azy. Mihevitra aho fa tokony hifantoka amin'ny raharahany manokana ny SARFT fa tsy hanampy fikorontanana ane ambony sehatra.

Mihoatra ny 1.866 ireo tsikera manaraka ilay bilaogy bitik'i Song, miaraka amin'olona maro mampanakoako ny heviny:

@绿茶喝我:那些所谓的文人专家卫道士,天天窝家里快着进看片,有精彩的还回放。关了快播就骂这个 卷内个,说别人破坏河蟹 危害下一代,你才是虚伪无耻,道德沦丧!

@绿茶喝我:Mety hampiasa ny bokotra fandefasana haingana mba hijerena ny horonantsary mamoafady sy hamerina ilay horonantsary ireo antsoina ho manam-pahaizana sy mpitsara ny fomba fiaina rehefa mahita ireo sehatra mahalatsa-bava ireo izy ireo. Rehefa vitany izany, hanozona ireo horonatsary izy ireo, hilaza fa manimba ny firindràna ara-tsosialy sy handratra ny taranaka fara mandimby izany. Tena tsy misy henatra sy tsy misy saina ireny olona ireny.

@单骑千里:现在这个操蛋的社会,就指望苍老师带来一点快感,广电总局都不放过,封杀了苍老师,那些宅男们、那些新生代农民工们,业余生活都干嘛呢?干嘛呢

@单骑千里:Anatinà fiarahamonina mikorontana toy ny antsika, loharanom-pahafinaretanay ny mpampianatra Sola Aoi. Mitsiriritra ery ny handrava izany fahafinaretana izany amin'ny alalan'ny fandraràna an'i Sola ny SARFT. Raha tsy eo i Sola, aiza ireo otaku [geeks] sy mpiasa mpifindra monina avy any ambanivohitra no hikaroka fahafinaretana?

朴永春:广电总局的爷们,本来就很无聊!又让我们的生活少了一份颜色,多了一层灰色!

朴永春:Tsy misy ilàna azy ireo Dadatoa ao anatin'ny SARFT. Ankehitriny, nanolo loko hafa tao amin'ny fiainanay ny loko volondavenona.

Cesc黄泳斌:广电局你凭什么人家,至少也给一个合理理由,我看来真正应该被封杀的还是你们这班搬弄是非,吃饱饭没事干的人

Cesc黄泳斌:Inona no anton'ilay fandraràna? Tokony handràra ireo manohy mitatitra ny fahadisoan'ny hafa isika.

Manazava [zh] ny antony mahatonga an'i Sola Aoi halaza any Shina i Yang Guoying:

@杨国英V:【苍井空被封杀】:低俗的事,少数人可以做,多数人却不可以看,即使从良也不可以看!苍井空在中国为什么红?源自民众对伪道德的反叛!

@杨国英V: [Fandràrana an'i Sola Aoi]: [Any Shina] vitsy monja ny olona no afaka manao fihetsika mamoafady raha tsy afaka mijery izany akory ny ankamaroan'ny olona. Na dia nitsahatra tsy handrakitra horonantsary natao ho an'olon-dehibe intsony aza ireo kintan'ny horonantsary mamoafady. Maninona i Sola Aoi no malaza toa izany any Shina? Satria te-hitroatra manoloana ny fomba fisainana sarintsariny ny vahoaka.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.